Hechos 4:1 - Biblia Guarani Tumpa Iñee

¹ Pedro jare Juan imiari ñogüɨnoi opaete vae reta pe ramboeve, yogüeru chupe sacerdote reta, tupao iyangarekoa reta juvicha jare saduceo reta ndive.

Nuevo Testamento Guaraní Pe

¹ Pedro jare Juan imiari ñogüɨnoi rambueve tenta pegua reta pe, yogüeru sacerdote reta, Tumpa jo iñangarecoa reta juvicha, jare saduceo reta.

Hechos 4:1 ပူးပေါင်းရင်းမြစ်များ

San Mateo 16:12

Jayave ramo jemimboe reta oikuaa Jesús mbaetɨ ko jei chupe reta mbɨyape imbovúa re vae. Jaeño ko oyeandu vaerä fariseo reta jare saduceo reta iporomboe güi.

San Mateo 22:16

Jayave jae reta omondo jemimboe reta herodiano reta ndive Jesús oïa pe. Jae reta jei Jesús pe: —Oporomboe vae, roikuaa nde rere vae añete ko. Jare nde reporomboe kavi Tumpa jemimbota re. Nde mbaetɨ reipoɨu kia güi ave, echa nde mbaetɨ remae kuimbae jova reño.

San Mateo 27:20

Ërei sacerdote reta itenondegua reta jare tëta pegua reta itenondegua reta omboemboe yatɨ vae reta jei vaerä Pilato pe oyorauka vaerä Barrabás jare oyukauka vaerä Jesús.

San Mateo 27:41

Jaeramiño vi sacerdote reta itenondegua reta, mborookuai re oporomboe vae reta, fariseo reta jare tëta pegua reta itenondegua reta oyóyai jei reve:

San Mateo 3:7

Jare oecha jeta fariseo reta jare saduceo reta yogüeru Juan oporombobautisa oïa pe yave, jei chupe reta: “Pe reta ko jae mboi reta rami. ¿Kia pa omombeu peve peyerova vaerä Tumpa kotɨ, agüɨye vaerä jae oiporarauka peve?

San Lucas 20:1

Jare metei ara Jesús oporomboe oï tupao pe, jare omombeu joko pe ñogüɨnoi vae reta pe ñee ikavi vae. Jayave yogüeru vi joko pe sacerdote reta itenondegua reta jare mborookuai re oporomboe vae reta jare tëta guasu pegua reta itenondegua reta ndive.

San Lucas 22:4

Jayave Judas ojo sacerdote reta itenondegua reta jare tupao iyangarekoa reta itenondegua ndive imiari jae reta ndive kërai omee vaerä Jesús chupe reta.

San Juan 15:20

Pemaendúa che jae peve vae re: “Metei tembiokuai mbaetɨ ko ma yae iya güi.” Echa che chemotareɨ reta yave, pe reta pemotareɨta vi. Ërei oyapo reta che jae chupe vae yave, oyapota vi pe reta pere chupe reta vae.

San Juan 18:3

Jayave Judas güɨraja sacerdote reta itenondegua reta jare fariseo reta isundaro reta jare jembiokuai reta Jesús oïa pe. Yogüɨraja reta mechero reve reve jare kɨsepuku reve reve.

Hechos 4:6

jare sacerdote tenondegua ete Anás, Caifás, Juan, Alejandro jare opaete sacerdote tenondegua ete reta jëtara reta.

Hechos 5:17

Jayave sacerdote tenondegua ete jare opaete saduceo jae ndive ñogüɨnoi vae reta iyakatúä temimondo reta re.

Hechos 5:24

Kuae oendu yave, sacerdote tenondegua ete, tupao järoa reta juvicha jare sacerdote reta itenondegua reta ipɨakañɨ, jare mbaetɨ oikuaa reta mbae ra oasata.

Hechos 5:26

Jayave tupao järoa reta juvicha sacerdote tenondegua jembiokuai reta ndive yogüɨraja güeru kaviño. Echa okɨɨye reta oyeapiuka vaerä ita pe opaete vae reta pe.

Hechos 6:12

Jökorai jae reta omboarasɨuka opaete vae reta, Israel iñemuña reta itenondegua reta jare mborookuai re oporomboe vae reta. Jayave kuae reta yogüeru oipɨɨ Esteban, jare güɨraja mburuvicha judío reta jóvai.

Hechos 6:7

Jare Tumpa iñee jeiete oñemoai. Jare jeiete jeta yae oporogüɨrovia Jerusalén pe vae, jare jeta sacerdote reta ave vi oporogüɨrovia.