Hechos 3:24 - Biblia Guarani Tumpa Iñee

²⁴ Jökorai vi jei opaete ñeemombeúa reta Samuel güive. Opaete metei rami omoërakua reta kuae ara reta re.

Nuevo Testamento Guaraní Pe

²⁴ Jare jocorai vi jei opaete Tumpa iñee aracae omombeu vae reta Samuel güive. Opaete metei rami omoeracua cuae ara reta —jei—.

Hechos 3:24 ပူးပေါင်းရင်းမြစ်များ

SALMOS 99:6

Moisés jare Aarón ñogüɨnoi isacerdote reta ndive; jare Samuel oï ombaemboete vae reta ndive. YandeYa ombopo yepi jae reta iyerure.

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

San Lucas 24:27

Jayave Jesús omboɨpɨ omombeu kavi chupe reta Moisés jembikuatía reta güive jare opaete ñeemombeúa reta oikuatiagüe, kërai opaete jókuae Tumpa Iñee imiari jese vae.

Hechos 13:20

“Kuae jaɨkue rupi cuatrociento cincuenta año rupi Tumpa omee chupe reta mburuvicha oporojäa vae reta ñeemombeúa Samuel oï regua.

Hechos 17:3

oechauka jare oikuaauka kavi reve Tumpa Iñee rupi, kërai Cristo oiporara ñotai ko jare oikove ye ñotai ko omanogüe reta ipɨte güi vae. Jei: —Kuae Jesús, che amoërakua peve vae ko jae Cristo.

Hechos 26:23

Echa jae reta jei Cristo oiporara ñotai ko, jare jae tenonde oikove yeta ko omanogüe reta ipɨte güi, oechauka vaerä tembipe judío reta jare judiombae vae reta pe.”

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,

Hechos 3:21

Ërei jae opɨta vɨterita ara pe opaete mbaembae oyeapo kavi regua. Jókuae mbaembae re Tumpa imiari arakae güive ñeemombeúa reta oñono tee vae rupi vae.

Romanos 3:21

Ërei añave oyekuaa kërai Tumpa ipuere yandembojupi mborookuai jei vae yayapombae reve. Mborookuai jare ñeemombeúa reta omombeu kuae regua;

1 SAMUEL 2:18

Ërei kunumi raɨ Samuel oyeokuai yandeYa pe, oyemonde temimonde iyɨvambae sacerdote pegua pe lino pegua.

1 SAMUEL 3:1

Kunumi Samuel oyeokuai yandeYa pe Elí jóvai. Jókuae ara rupi yandeYa iñee mbaetɨ oyeendu, echa mbaetɨ oyeechauka avei.

1 SAMUEL 3:20

Jare opaete Israel iñemuña reta, Dan güive Beerseba kotɨ, oikuaa reta Samuel jae ko yandeYa iñeemombeúa jupi vae.