Hechos 3:18 - Biblia Guarani Tumpa Iñee

¹⁸ Ërei jökorai oyapo Tumpa, opaete ñeemombeúa reta rupi jei rami. Echa jei Cristo oiporara ñotai ko.

Nuevo Testamento Guaraní Pe

¹⁸ Erei jocorai oyapo Tumpa, opaete iñee aracae omombeu vae reta jei rami. Echa jei reta Cristo oiporarañotai co —jei—.

Hechos 3:18 ပူးပေါင်းရင်းမြစ်များ

GÉNESIS 3:15

Añonota ñemotareɨ peyokotɨ, peñomotareɨ vaerä kuña ndive, neñemuña ndive jare kuña iñemuña ndive; jae ndembopereta neäka pe, jare nde rembopereta ipɨta pe.

ISAÍAS 50:6

Amee chekupe, chenupa reta vaerä vae reta pe, jare amaeño cherendɨvaa mondoro reta. Cherova mbaetɨ arova iñeenguru jare ondɨvɨ cheré vae reta güi.

DANIEL 9:26

Sesenta y dos semana jaɨkue rupi oyuka retata Mesías. Jerusalén jare tupao opata oyemboai, metei mburuvicha guasu outa vae isundaro reta imbaepuere rupi. Jare iyapɨta, metei ɨporu guasu ou rami. Iyapɨ regua oimeta ñeraro jare kañɨtei.

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

San Lucas 24:44

Jayave jei chupe reta: —¿Mbaetɨ pa pemaendúa pe reta ndive aiko ramboeve che jae peve vae re? Kërai oyembopo tai ko cheré Moisés iporookuai, ñeemombeúa reta oikuatiagüe jare Salmo reta pe jei vae.

Hechos 10:43

Kuae regua ko omoërakua opaete ñeemombeúa reta. Jae reta jei Tumpa iñɨ̈rota opaete jese güɨrovia vae reta pe iyoa re Jesús jee re.

Hechos 2:23

Kërai Jesús oñemee peve, oyembopo vaerä Tumpa jei jare oikuaa voi ma oyeapo vaerä vae yave, pe reta peipɨɨ peikutuuka kurusu re kuimbae iyoa vae reta pe, jökorai peyukauka.

Hechos 28:23

Jayave jei reta Pablo pe mbae ara pe yogüeruta vae. Jayave jókuae ara jeta vae yogüeru Pablo oïa pe. Jare ndeimbove güive Pablo ikaaru omombeu chupe reta Tumpa iporookuaía regua. Jare Moisés iporookuai rupi jare ñeemombeúa reta oikuatiagüe rupi, güɨroviauka chupe reta Jesús regua.

2 Pedro 1:21

echa ñeemombeúa reta mbaetɨ imiari ipɨa jemimbota rupi aeño. Espíritu Santo etei omombeu chupe reta jei reta vaerä Tumpa iñee.

Apocalipsis 19:10

Jayave ayetavatɨka chetindɨasɨ reve araɨgua jóvai amboete vaerä, ërei jae jei cheve: “Agüɨye chemboete. Che Tumpa pe ayeokuai vae vi ko, nde jare nderɨvɨ reta imiari Jesús regua vae reta rami. Emboete Tumpa.” Echa Jesús regua oyemombeu vae, ñeemombeúa reta omoërakua vae ko.