Hechos 3:17 - Biblia Guarani Tumpa Iñee

¹⁷ Añave, tëtara reta, aikuaa peruvicha reta jare pe reta vi peyapo kuae ikavimbae vae Jesús pe, mbaetɨ peikuaa ramo.

Nuevo Testamento Guaraní Pe

¹⁷ Añave, cherɨvɨ reta, aicuaa peruvicha reta jare pe reta vi peyapo cuae icavi mbae vae, mbaeti peicuaa rambue —jei—.

Hechos 3:17 ပူးပေါင်းရင်းမြစ်များ

GÉNESIS 21:26

Abimelec jei: —Mbaetɨ etei ko aikuaa jókuae regua, nde ave mbaetɨ reikuaauka cheve, mbaetɨ aikuaa kia ra oyapo kuae.

GÉNESIS 39:8

Jare jae mbaetɨ oipota, jare jei iya jembireko pe: —Mase, cheya mbaetɨ ko oyemoambeko jo pegua reta re, jare oeya ko chepo pe opaete imbaembae.

GÉNESIS 44:15

José jei chupe reta: —¿Maera pa kuae peyapo? ¿Mbaetɨ pa peikuaa metei kuimbae che rami vae, oecha ko opaete mbaembae regua vae?

ÉXODO 32:1

Israel iñemuña reta oecha Moisés ogüeyɨ raiviä ma ɨvɨtɨ güi yave, oyomboatɨ reta Aarón oïa pe jare jei reta chupe: —Eyapo oreve tumpa orereroata vaerä; echa Moisés orerenoe ɨvɨ Egipto güi vae, mbaetɨ roikuaa mbae ra oasa vae.

NÚMEROS 22:6

Jáeramo, romoñera reyu vaerä reyepopeyu kuae tëta re cheve, echa jëia yae ko chegüi; güɨramoi chepuereta amoamɨri jare amoë amombo kuae ɨvɨ güi, echa aikuaa katu ko nde reyerure mborerekua re jese vae ikavi, ërei reyepopeyu jese vae re oa yepopeyu.”

San Lucas 23:13

Jayave Pilato omboatɨuka sacerdote reta itenondegua reta, mburuvicha reta jare tëta guasu pegua reta.

San Lucas 23:34

Jayave Jesús jei: —¡CheRu, neɨ̈ro chupe reta. Echa mbaetɨ oikuaa reta oyapo ñogüɨnoi vae! Jayave sundaro reta omboyao oyoupe Jesús jemimondegüe, oyombosuerte reta jese.

San Juan 15:21

Ërei opaete kuae mbaembae oyapo retata peve cheré perovia ramo. Echa jae reta mbaetɨ oikuaa chembou vae.

San Juan 16:3

Kuae oyapo retata mbaetɨ oikuaa cheRu ramo jare mbaetɨ che chekuaa ramo.

San Juan 7:52

Ïru reta jei chupe: —¿Nde jae vi pa Galileaɨgua? Emongeta kavi Tembikuatía, jare eecha mbaetɨi ko metei ave ñeemombeúa oë Galilea güi vae.

Hechos 13:27

Echa Jerusalén pegua reta jare juvicha reta mbaetɨ oikuaa kia ra ko Jesús vae ani ñeemombeúa reta jeigüe, ara mbutuu ñavo pe jae reta omongeta tëi vae. Jáeramo jae reta jei Jesús oyeyukauka vaerä, jare jökorai ombopo reta oyekuatía oï jese vae.

Hechos 22:5

Sacerdote tenondegua jare opaete tëta guasu pegua reta itenondegua reta timiari peve cheregua. Jae reta oikuatía omee cheve tupapire jesegua reta araja vaerä ñanerëtara judío reta Damasco pe yogüɨreko vae reta pe. Jare aja aipɨɨ vaerä Jesús re güɨrovia vae joko pe ñogüɨnoi vae reta, aru vaerä Jerusalén pe, aiporarauka vaerä tëi chupe reta.

Hechos 26:9

Che añetete arovia jupi ko ayapo vaerä jeta mbae ikavimbae Jesús Nazaret pegua jee kotɨ.

Hechos 28:21

Jayave jae reta jei chupe: —Mbaetɨ kia ombou tupapire oreve Judea güi nderegua. Jare mbaetɨ vi ou metei ave ñanerëtara joko güi omombeu vaerä oreve ani jei vaerä ikavimbae vae nderegua.

Hechos 7:40

Jare jei reta Aarón pe: “Eyapo oretumpa retarä yogüɨraja vaerä orerenonde. Echa kuae Moisés Egipto güi orerenoe vae, mbaetɨ roikuaa mbae ra oasa.”

Romanos 11:2

Tumpa mbaetɨ ko omombo tëta imbae vae, iyɨpɨ güive oikuaa vae. Peikuaa ko ñeemombeúa Elías regua oyekuatía oï vae. Kërai Elías oyerure Tumpa pe omboeko vaerä Israel pegua reta jei reve:

1 Corintios 2:8

Ërei mbaetɨ metei ave ɨvɨ pegua mburuvicha reta oikuaa kuae arakuaa. Echa oikuaa reta yave mona, ngaraa tëi ko oyuka kurusu re yandeYa imboetea yae vae.

2 Corintios 3:14

Ërei Israel iñemuña reta oikuaa kaviä. Echa jekuaeño iyarakuaa oyeasoi oï, Moisés jova oyasoi äka-soia pe rami omongeta reta yave morogüɨrökuavee päve indechi vae. Ërei Cristo rupiño ipuere oyepea.

Efesios 4:18

echa iyemongeta oyembopɨtumimbi ma. Mbaetɨ güɨnoi reta tekove Tumpa omee vae, mbaetɨ oikuaa reta ipɨatäta ramo;

Filipenses 1:22

Ërei aikoveño vae jaekavita aparavɨkɨ vaerä Tumpa pe yave, ¡mbaetɨ ma aikuaa mbae aiparavo vaerä!

1 Timoteo 1:13

yepe tëi tenonde yave che jae mbae ikavimbae vae yandeYa kotɨ, ayapo ikavimbae vae yandeYa re güɨrovia vae reta pe, jare chereko pochɨ ikotɨ. Ërei yandeYa cheparareko, echa ayapo mbaetɨ aikuaa ramo jare mbaetɨ aporogüɨrovia ramo.