Hechos 3:14 - Biblia Guarani Tumpa Iñee

¹⁴ Ërei pe reta peröɨro Iyoambae vae jare Jupi vae, jare peyerure Pilato pe oyorauka vaerä peve metei oporoyuka vae.

Nuevo Testamento Guaraní Pe

¹⁴ Erei pe reta peroɨro cuae Jesús - jae co iyoa mbae jare jupi vae - jare peyerure Pilato pe oyorauca vaera peve metei oporoyuca vae —jei Pedro—.

Hechos 3:14 ပူးပေါင်းရင်းမြစ်များ

SALMOS 16:10

echa ngaraa chereeya omanogüe reta ñogüɨnoia pe; ngaraa remaeño che reñono tee vae cheretegüe oikomegua vaerä.

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

San Mateo 27:20

Ërei sacerdote reta itenondegua reta jare tëta pegua reta itenondegua reta omboemboe yatɨ vae reta jei vaerä Pilato pe oyorauka vaerä Barrabás jare oyukauka vaerä Jesús.

San Marcos 1:24

—¿Maera pa reyu oremoambeko Jesús Nazaret-ɨgua? ¿Reyu pa oremokañɨtei vaerä? Che rokuaa. Nde ko jae Iyoambae Tumpa güi ou vae.

San Marcos 15:11

Ërei sacerdote reta itenondegua reta omboemboe jeta vae reta oyorauka vaerä Barrabás.

San Marcos 15:7

Jare tembipɨɨrɨru pe ñogüɨnoi amogüe oporoyuka vae reta. Kuae reta oporoyuka, mburuvicha kotɨ oñemopüa yave. Metei jee ko Barrabás.

San Lucas 1:35

Jayave araɨgua jei María pe: —Espíritu Santo outa nderé. Tuichagüe yae vae imbaepuere pe neovata. Jáeramo jókuae Iyoambae vae oata vae, jeeta ko Tumpa Taɨ.

San Lucas 23:25

oyorauka chupe reta jae reta oiporu vae, jókuae oñemopüa mburuvicha re jare oporoyuka ramo tembipɨɨrɨru pe oñoña reta vae. Jare omboeterenga Jesús jae reta ipo pe.

San Juan 16:10

Mbaejupi vae regua, echa ajata cheRu oïa pe jare pe reta ngaraa ye ma chereecha.

San Juan 18:40

Jae reta osapúkai reve jei: —Agüɨye eyora jókuae kuimbae. Eyora oreve Barrabás. Jókuae Barrabás ko jae imonda vae.

Hechos 13:28

Yepe tëi mbaetɨ oväe teko Jesús re omano vaerä, ërei oiporu reta Pilato pe oyukauka vaerä.

Hechos 2:27

Echa ngaraa chereeya omanogüe reta ñogüɨnoia pe. Che ko jae jupi vae. Ngaraa remaeño che reñono tee vae cheretegüe oikomegua vaerä.

Hechos 22:14

Jayave jae jei cheve: ‘Ñaneñemuñagüe reta iTumpa ndeparavo, reikuaa vaerä jae jemimbota, reecha vaerä jókuae Jupi vae jare reendu vaerä iñee.

Hechos 4:27

Echa añetete ko, Herodes, Poncio Pilato, judiombae vae reta jare Israel pegua reta oyomboatɨ kuae tëta guasu pe ndeRaɨ iyoambae Jesús kotɨ. Jae ko nde reiparavo vae.

Hechos 5:28

—Ore poyókuai tëi ma agüɨye ye vaerä peporomboe jókuae kuimbae jee re. Ërei pe reta pemotɨnɨe opaete Jerusalén peporomboe pe. Jare peipota pemboya jókuae kuimbae imano oreré.

Hechos 7:52

Peñemuñagüe reta oyapo ikavimbae opaete ñeemombeúa reta pe. Peñemuñagüe reta oyuka ñeemombeúa reta omoërakua Jupi vae outa vae regua vae. Jaeramoño vi añave pe reta pemee jare peyukauka jókuae jupi vae.

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Santiago 5:6

Pe reta pemboeko jare peyuka jókuae jupi vae. Jare jae mbaetɨ oyeepɨ pegüi.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

1 Juan 2:1

Cheraɨ aaɨu vae reta, aikuatía kuae mbaembae regua peve agüɨye vaerä peyoa. Ërei kia nunga vae iyoa yave, oime ñanoi oñemoe vaerä yanderé yandeRu Tumpa jóvai vae, jae ko Jesucristo jupi vae.

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei: