Hechos 3:12 - Biblia Guarani Tumpa Iñee

¹² Jayave Pedro oecha jókuae yave, jei opaete vae reta pe: “Kuimbae Israel iñemuña reta, ¿maera pa pepɨakañɨ kuae re? ¿Maera pa pemae ngatu oreré, oreiño orembaepuere rupi ani jupigüe roiko vae rupi rombogüera kuae kuimbae rami?

Nuevo Testamento Guaraní Pe

¹² Jayave Pedro oecha yave, jei tenta pegua reta pe: —Cuimbae Israel pegua reta, ¿maera pa pepɨacañɨ cuae re? ¿Maera pa pemae ngatu oreré? ¿Peñemongueta pa ore aeño royapo oguata vaera cuae cuimbae orembaepuere rupi ani jupi vae royapo rambue? Mbaeti co jocorai —jei—.

Hechos 3:12 ပူးပေါင်းရင်းမြစ်များ

GÉNESIS 40:8

Jayave jae reta jei chupe: —Ropaɨu, jare mbaetɨ kia oikuaauka oreve mbae ra oipota jei vae. Jayave José jei chupe reta: —Tumpaño ko oikuaaukata mbae ko oipota jei vae. Añave pemombeu cheve.

GÉNESIS 41:16

Jayave José jei Faraón pe: —Che aeño mbaetɨ ko anoi mbae cheyé; Tumpa etei ko oikuaauka kavita Faraón pe.

San Juan 7:18

Iyeugüi aeño imiari vae oeka oyemboeteuka vaeräño, ërei oeka omboeteuka vaerä imboúa vae, jae oporomboe añete vae re. Mbaetɨ oñeväe jese jupimbae.

Hechos 13:26

Tëtara reta, Abraham iñemuña reta jare pe kuaeɨgua peipoɨu Tumpa güi vae reta. Tumpa ombou peve kuae ñee peyemboasauka vaerä.

Hechos 2:22

Jei vi chupe reta: Kuimbae Israel iñemuña reta, peyeapɨsaka kuae re: Tumpa oyapo pepɨte pe mɨakañɨ reta Jesús Nazaret-ɨgua rupi. Jökorai Tumpa oechauka peve Jesús añete vae ko. Kuae peikuaa katu ko pe reta.

Hechos 3:11

Kuimbae okuera ma vae opoiä Pedro jare Juan güi. Jare opaete vae reta osɨi oyemboatɨ ipɨakañɨ reve jae reta ñogüɨnoia pe, Salomón ikorero jee vae pe.

Hechos 3:13

Ñaneñemuñagüe reta Abraham, Isaac, Jacob iTumpa omboeteuka ma Taɨ Jesús. Kuae Jesús pe reta pemee, jare peröɨro Pilato jóvai; Pilato jei tëi oyorauka vaerä yave.

Romanos 11:1

Añave taparandu: ¿Tumpa omombo ra tëta imbae vae? ¡Mbaetɨ ko! Echa che vi ko jae metei Israel pegua, Abraham iñemuña, Benjamín iñemuña pegua.

Romanos 9:4

Jae ko Israel iñemuña reta. Tumpa oyapo taɨ retarä. Oechauka iyemboetea chupe reta. Oyapo morogüɨrökuavee päve jae reta ndive, jare oikuaauka vi chupe reta Moisés iporookuai. Oyeokuai reta Tumpa pe jare jae oñererökuavee chupe reta.

2 Corintios 3:5

Opaete mbaembae royapo vae oreyeugüi aeñoä ko. Tumpa güiño ko ou opaete mbaembae royapo vaerä.

Apocalipsis 7:13

Jayave metei jókuae tenondegua okuakuaa vae oparandu cheve: “Kuae jemimonde tïi vae reta ¿kia reta pa jare ketɨ güi pa yogüeru?”