Hechos 28:8 - Biblia Guarani Tumpa Iñee

⁸ Jare Publio tu imbaerasɨ oï jupa pe. Jaku jare jepotiugüɨ. Pablo oike omae jese. Jare oyerure Tumpa pe yave, oñono ipo jese, jare ombogüera.

Nuevo Testamento Guaraní Pe

⁸ Jare Publio tu imbaerasɨ oi jupa pe. Jacu jare jepotiugüɨ. Pablo ojo omae jese. Jare oyerure Tumpa pe güire, oñono ipo jese, jare ombogüera.

Hechos 28:8 ပူးပေါင်းရင်းမြစ်များ

San Mateo 10:1

Jesús oenɨi jókuae doce jemimboe reta, jare omee chupe reta mbaepuere ombosɨrɨ vaerä aña reta, oya jese vae reta güi jare ombogüera vaerä imbaerasɨ vae reta oipotagüe mbaerasɨ güi.

San Mateo 10:8

Pembogüera imbaerasɨ vae reta. Pembogüera ipire mbaerasɨ ókui vae reta. Pemoingove ye omanogüe vae reta. Pembosɨrɨ aña reta oya jese vae reta güi. Che amee ma peve kuae mbaepuere jepɨmbae. Jáeramo agüɨye vi pekovara mbae peyapota vae re.

San Mateo 12:13

Jayave jei kuimbae pe: —Emopüa ndepo. Jayave jókuae kuimbae omopüa ipo jare okuera voi, jare ikavi opɨta ipo jovaicho rami.

San Mateo 9:18

Jare Jesús kuae jei chupe reta ramboeve, ou jae oïa pe metei mburuvicha. Oyetavatɨka Jesús jóvai jare jei: —Cherayɨ joko omano ramo. Ërei yaja eñono ndepo jese, emoingove ye.

San Marcos 16:18

Oipɨɨta mboi reta. Jou yave mbae imbayachi vae, ngaraa maratu oyapo reta. Oñonota ipo imbaerasɨ vae reta re, jare ombogüerata.

San Marcos 5:23

Jare omoñera, jei chupe: —Cherayɨ omano ma oï. Yaja eñono ndepo jese oikove vaerä, agüɨye vaerä omano.

San Marcos 6:5

Jare joko pe mbaetɨ oyapo mɨakañɨ. Jaeño ipo oñono amogüe imbaerasɨ vae reta re ombogüera vaerä.

San Marcos 7:32

Jare güeru reta chupe metei kuimbae iyapɨsambae iñeembae vae. Jókuae jerúa reta omoñera Jesús oñono vaerä ipo jese.

San Lucas 13:13

Jayave Jesús oñono ipo jese. Jare jupivei jókuae kuña ipuere oyembosɨmbi kavi jare omboɨpɨ omboete Tumpa.

San Lucas 4:40

Jare kuaraɨ oike ma yave, opaete jëtara imbaerasɨ vae güeru Jesús oïa pe. Jare jae oñono ipo metei ñavo re jare ombogüera reta.

Hechos 28:7

Jare jókuae ɨguasu-päu pegua reta juvicha Publio jee vae güɨnoi jokoropi iɨvɨ reta. Jae oremboresive kavi, jare oyangareko kavi oreré mboapɨ ara.

Hechos 28:9

Jare kuae oyeapo yave, ïru imbaerasɨ vae jókuae ɨguasu-päu pegua reta yogüeru, jare Pablo ombogüera vi.

Hechos 9:40

Jayave Pedro omoë opaete joko pe ñogüɨnoi vae reta. Jare oyetavatɨka oyerure Tumpa pe. Javoi omae tëogüe re jare jei: —¡Tabita, epüa! Jayave kuña omae, jare oecha Pedro yave, opüa oguapɨ.

1 Corintios 12:28

Jare Tumpa oñono oporogüɨrovia vae reta ipɨte pe, tenonde ete temimondo reta, mokoía ñeemombeúa reta, mboapɨa oporomboe vae reta, javoi mɨakañɨ oyapo vae reta, oporombogüera vae reta, oporomborɨ vae reta, oyangareko mbae re vae reta, ambuae vae ñee reta pe imiari vae reta.

1 Corintios 12:9

Ïru vae pe omee mborogüɨrovia, ïru vae pe omee oporombogüera vaerä.