Hechos 28:11 - Biblia Guarani Tumpa Iñee

¹¹ Jare mboapɨ yasɨ ma oasa yave, rojo joko güi metei barco Alejandría pegua pe. Kuae barco opɨta jókuae ɨvɨ pe, iroɨ iara omboasa vaerä. Barco itï re güɨnoi ɨvɨra pegua tumpa-raanga Cástor jare Pólux jee vae iä.

Nuevo Testamento Guaraní Pe

¹¹ Jare mboapɨ yasɨ ma oasa yave, rojo joco güi metei buque Alejandría pegua pe. Cuae buque opɨta jocuae ɨvɨ pe, iroɨ iara reta omboasa vaera. Buque iti re ñogüɨnoi chaguaquiraanga ɨvɨra pegua Cástor jare Pólux jee vae.

Hechos 28:11 ပူးပေါင်းရင်းမြစ်များ

ISAÍAS 45:20

Peyomboatɨ jare peyu opaete tëtaguasu pegua reta jembɨregüe. Mbaetɨ ko iyarakuaa jókuae tumpa-raanga ɨvɨra pegua ovoɨ güɨroata vae reta, jare oyerure reta jókuae oporoepɨ rapembae vae pe vae reta.

JONÁS 1:16

Jare jókuae kuimbae reta oipoɨu yae yandeYa güi, jare omee reta mɨmba oyeyukagüe yandeYa pe, jare oñererökuavee reta chupe.

JONÁS 1:5

Jare barco pe oparavɨkɨ vae reta okɨɨye, jare metei ñavo vae osapúkai reta itumpa pe; jare omombo reta ɨ pe ivoɨta barco pegua, ombovevɨi vaerä. Ërei Jonás yepe ogüeyɨ barco jugua kotɨ, jare oyapakua oke.

Hechos 13:6

Jare opaete Chipre omboapɨ yave, yogüɨraja oväe tëta guasu Pafos pe, jare joko pe oväe reta metei ichoropa vae judío Barjesús jee vae. Jae ko ñeemombeuaraanga.

Hechos 27:6

Jare joko pe cien sundaro vae juvicha oväe metei barco Alejandría pegua ojota Italia kotɨ vae, jare pɨpe oremboyeupi.

Hechos 28:10

Jayave jae reta omee vi oreve jeta mbaembae. Jare royeupi ye yave barco pe, jeta orembotapeke reta.

Hechos 28:12

Jayave rojo roväe tëta guasu Siracusa pe, jare ropɨta joko pe mboapɨ ara.

Hechos 6:9

Jare amogüe kuimbae judío reta itupao “Tembipɨɨgüe” jee vae pegua reta, jare Cirene pegua reta, Alejandría, Cilicia jare Asia pegua reta, oyomboatɨ oyoaka reta Esteban ndive.

1 Corintios 8:4

Jayave soo oñemee tumpa-raanga reta pe vae, yaikuaa ko tumpa-raanga mbaeä etei kuae ɨvɨ pe. Jare yaikuaa Tumpa meteiño ko.