Hechos 27:38 - Biblia Guarani Tumpa Iñee

³⁸ Jare opareve iyangapɨɨ yave, omombo reta trigo ɨguasu pe, ombovevɨi vaerä barco.

Nuevo Testamento Guaraní Pe

³⁸ Jare opareve jɨvata yave, omombo reta trigo ɨ pe, jare jocorai ombovevɨi buque.

Hechos 27:38 ပူးပေါင်းရင်းမြစ်များ

JOB 2:4

Satanás jei yandeYa pe: —Jekove oaɨu pɨpei, kuimbae omeeta ko opaete imbaembae, güɨroasayepe vaerä jekove.

ECLESIASTÉS 3:6

Oime ara, mbae yaeka vaerä, oime vi ara, ñanemaekañɨ vaerä. Oime ara, mbae ñañovatu vaerä, oime vi ara, mbae yamombo vaerä.

JONÁS 1:5

Jare barco pe oparavɨkɨ vae reta okɨɨye, jare metei ñavo vae osapúkai reta itumpa pe; jare omombo reta ɨ pe ivoɨta barco pegua, ombovevɨi vaerä. Ërei Jonás yepe ogüeyɨ barco jugua kotɨ, jare oyapakua oke.

San Mateo 16:26

¿Mbaerä pa osiriveta kuimbae pe omongana yave opaete ɨvɨ, ërei jekove okañɨtei?, ani ¿Mbovɨ ra omboepɨta ogua vaerä jekove?

San Mateo 4:18

Jesús oguata ramboeve ɨguasu Galilea pegua jembeɨ rupi, oecha Simón, Pedro jee vae, jare tɨvɨ Andrés. Jae reta pɨsa pe oyeporaka ñogüɨnoi ɨguasu pe. Echa jae reta ko yeporaka regua reta.

San Mateo 6:25

Jáeramo che jae peve, agüɨye peyemoambeko peyé. Agüɨye peyemoambeko tembíu re, ani temimonde re. ¿Tekoveä pa ikavi yae tembíu güi, ani yanderete temimonde güi?

San Lucas 12:23

Tekove ko jae ikavi yae tembíu güi, jare yanderete, temimonde güi.

Hebreos 12:1

Jáeramo, ñanoi ko jeta yae omae yanderé vae yandeɨ́vɨri rupi, Jáeramo yamombo yandeyeugüi opaete yandemboavai vae jare yandeyoa, jare ñañoñókuai yandepɨa guasu reve yanderenonde kotɨ ñoñókuai ñanoi vae.