Hechos 27:13 - Biblia Guarani Tumpa Iñee

¹³ Jare ɨvɨtu omboɨpɨ oyepeyu mbegüe kavi arayevɨ kotɨ güi yave, jae reta jei ikavi yae rojo vaerä. Jayave barco jeroataa reta oupi barco iyepɨtasoka, jare rojo ɨguasu jembeɨ Creta iyɨ́vɨri rupi.

Nuevo Testamento Guaraní Pe

¹³ Jare ɨvɨtu omboɨpɨ oyevɨ mbegüe catu yave, jae reta oñemongueta tei icavita rojo vaera. Jayave buque güɨroata vae reta oupi buque iyepɨtasoa, jare rojo Creta iyɨ́vɨri coiño ɨvɨ güi.

Hechos 27:13 ပူးပေါင်းရင်းမြစ်များ

JOB 37:17

¿Maera pa nderemimonde jaku, ara kïrii ngatu yave, arayevɨ jeko pegua?

SALMOS 78:26

Ɨvɨtu kuaraɨ oëa kotɨgua jare arayevɨ kotɨgua oyepeyu ɨvate; ¡Tumpa güeru imbaepuere ndive!

CANTARES 4:16

Ɨvɨtu ɨvɨtuguasu kotɨgua, ¡epüa! Ɨvɨtu arayevɨ kotɨgua, ¡eyu kuae kotɨ! ¡Eipeyu cheko raɨ, jare opa emoai ipiche kavi vae! Eyu, che roaɨu vae, ndeko raɨ pe, jare jeu mbae iagüe jëe ngatu yae vae.

San Lucas 12:55

Jaeramiño vi täta oyepeyu arayevɨ kotɨ güi yave, pere: Arakuta. Jare jökorai oyeapo.

Hechos 27:12

Jare jókuae barco reta ipɨtaa mbaetɨ ikavi ropɨta vaerä opaete iroɨ guasu iara oasa regua. Jáeramo opaete seri ore ndive ñogüɨnoi vae reta ikɨ̈reɨ rojoño vaerä joko güi. Jei reta güɨramoi orepuereta rojo roväe tëta guasu Fenice pe, ropɨta vaerä joko pe iroɨ guasu iara pegua. Fenice ko jae barco ipɨtaa Creta pegua. Joko güi ɨguasu oyekuaa ɨvɨtuguasu kuaraɨ oëa kotɨ mí jare arayevɨ kotɨ kuaraɨ oikea kotɨ mí.

Hechos 27:21

Jare mbovɨ ara yae ma mbaetɨ rokaru yave, Pablo oyemboɨ mbɨte pe jare jei: —Kuimbae reta, peyeapɨsakata tëi ko cheñee re, agüɨye vaerä tëi yayu Creta güi pemokañɨtei opaete kuae mbaembae.

Hechos 27:8

Jare rojo ɨguasu jembeɨ rupi, jare yavai yae reve rojo roväe Buenos Puertos pe. Kuae güi köiño oï tëta guasu Lasea.

Tito 1:12

Metei chugüi reta, jae reta iñeemombeúa, jei körai: “Cretaɨgua reta iyapu avei, yavaete jeko, ikaru yae jare iyakɨ yae reta.”

Tito 1:5

Che roeya Creta pe reyapokatu vaerä opaete oata oyeapokatu vaerä vae, jare reñono vaerä oporogüɨrovia vae reta itenondegua retarä tëta guasu ñavo rupi che royókuai rami.