Hechos 26:5 - Biblia Guarani Tumpa Iñee

⁵ Jae reta oikuaa katu vi kërai tenonde rupi che ko jae fariseo vae. Kuae mboromboe pegua reta ko jägüɨro yae iporomboe pe vae. Jae reta ipuere chemombeu ndeve, oipota yave.

Nuevo Testamento Guaraní Pe

⁵ Jae reta oicuaa catu vi quirai iyɨpɨ güive che aico moromboe fariseo pegua re. Cuae moromboe pegua reta oipota yayapo cavi yae vaera iporomboe jeigüe. Jae reta ipuere chemombeu ndeve, oipota yave —jei—.

Hechos 26:5 ပူးပေါင်းရင်းမြစ်များ

Hechos 15:5

Ërei amogüe fariseo oporogüɨrovia vae reta opüa jare jei: —Toyembocircuncida judiombae oporogüɨrovia vae reta, jare toyapo reta Moisés iporookuai.

Hechos 22:3

“Che ko jae metei judío. Aa Tarso Cilicia pegua pe, ërei akuakuaa kuae tëta guasu pe. Gamaliel chemboe kavi ñaneñemuñagüe reta iporookuai re. Che ayapo avei Tumpa jei vae, opaete pe reta añave peyapo rami.

Hechos 22:5

Sacerdote tenondegua jare opaete tëta guasu pegua reta itenondegua reta timiari peve cheregua. Jae reta oikuatía omee cheve tupapire jesegua reta araja vaerä ñanerëtara judío reta Damasco pe yogüɨreko vae reta pe. Jare aja aipɨɨ vaerä Jesús re güɨrovia vae joko pe ñogüɨnoi vae reta, aru vaerä Jerusalén pe, aiporarauka vaerä tëi chupe reta.

Hechos 23:6

Jare Pablo oecha yave amogüe jae reta saduceo reta jare amogüe fariseo reta, iñeeäta reve jei mburuvicha judío reta ipɨte pe: —Tëtara reta, che ko fariseo, jare fariseo iñemuña pegua ko che; omanogüe reta oikove yeta vae arovia vae re ko chejäa peï.

Hechos 24:14

Ërei kuae amombeu ndeve. Che aguata Tape pɨau pe, ayeokuai cheñemuñagüe reta iTumpa pe, judío reta ombojee mboromboe añetembae pe vae. Arovia reve opaete mborookuai pe oyekuatía oï vae, jare ñeemombeúa reta oikuatiagüe.

Hechos 24:5

Echa roikuaa ma kuae kuimbae ko mbaerasɨ ikavimbae rami. Jae omopüa judío reta oyokotɨ opaete kerupi. Jare jae ko Nazaret-ɨgua jupiegua reta itenondegua.