Hechos 26:20 - Biblia Guarani Tumpa Iñee

²⁰ jaeño amboɨpɨ amoërakua Damasco pegua reta pe, jare Jerusalén pegua reta pe, opaete Judea pegua reta pe jare judiombae vae reta pe. Amombeu chupe reta oeya vaerä jeko ikavimbae vae jare oyepoepɨ vaerä Tumpa kotɨ, oechauka reve jeko rupi oyepoepɨ reta ko vae.

Nuevo Testamento Guaraní Pe

²⁰ Echa tenonde amombeu Damasco pegua reta pe. Jayave amombeu vi Jerusalén pegua reta pe, opaete Judea pegua reta pe, jare judío mbae vae reta pe. Amombeu chupe reta oeya vaera iñemongueta icavi mbae vae ipɨa pe oi vae, jare oyerova vaera Tumpa cotɨ. Amombeu vi chupe reta oyapo vaera icavi vae, iru vae reta oicuaa vaera oeya ma co iñemongueta icavi mbae vae —jei—.

Hechos 26:20 ပူးပေါင်းရင်းမြစ်များ

SALMOS 22:27

Imaendúa retata jare yogüeruta yandeYa kotɨ, opaete ɨvɨ pegua reta, opaete tëtara ñavo tëtaguasu reta pegua; ¡ombaemboete retata!

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

JEREMÍAS 18:11

Ere, Judá pegua reta pe jare Jerusalén pe yogüɨreko vae reta pe, yandeYa jei körai: ‘Ayemongeta aï pekotɨ, aiporarauka vaerä peve. Peyepoepɨ mo ikavimbae güi, peyapo kavi pereko jare perembiapo reta.’

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

LAMENTACIONES 3:40

Yayemongeta kavi yandereko reta re, yaeka yayerova ye yandeYa kotɨ.

OSEAS 12:6

Israel pegua reta, peyerova ye peTumpa kotɨ; peyapo peporoaɨu avei reve jare jupi rupi, jare peyeko avei Tumpa reño.

OSEAS 14:2

Peyu peYa kotɨ jare pere pemoñera reve: “Neɨ̈ro oreve opaete oreyoa re, ndepɨakatu oreve, mbaemboete romee ndeve vae re.

San Mateo 3:2

Jei reve: “Peeya peyemongeta ikavimbae vae pepɨa pe penoi vae. Echa outa ma oväe araɨgua mborookuaía.”

San Mateo 3:8

peyapo ikavi vae, jökorai pemboyekuaa añetete peeya ko peyemongeta ikavimbae vae pepɨa pe penoi vae.

San Mateo 4:17

Jayave güive Jesús omboɨpɨ omombeu Tumpa iñee, jei: “Peeya peyemongeta ikavimbae vae pepɨa pe penoi vae. Echa ou ma oväe araɨgua mborookuaía.”

San Mateo 9:13

Pekua peyemboe kavi mbae ra oipota jei kuae: “Aipota vae jae ko peporoparareko avei, mbaetɨ aipota mɨmba oyeyukagüe opaetei oyeapɨ vaeño.” Echa mbaetɨ ko ayu aeka jupi vae reta. Ayu ko aeka iyoa vae reta, oeya vaerä jeko ikavimbae.

San Marcos 6:12

Jayave jae reta yogüɨraja, jare imiari opaete vae reta pe, oeya reta vaerä iyemongeta ikavimbae ipɨa pe güɨnoi vae.

San Lucas 1:16

Jae omboyerovata jeta Israel pegua reta iYa Tumpa kotɨ.

San Lucas 13:3

Che jae peve, jökoraiä ko. Pe reta mbaetɨ peeya yave peyemongeta ikavimbae vae pepɨa pe oï vae, pekañɨteita vi ko.

San Lucas 13:5

Che jae peve, jökoraiä ko. Pe reta mbaetɨ peeya yave peyemongeta ikavimbae vae pepɨa pe oï vae, pekañɨteita vi ko.”

San Lucas 15:10

Che jae peve, jökoraiño vi ara pe oimeta yerovia tuichagüe Tumpa iaraɨgua reta pe metei iyoa vae oeya yave iyemongeta ikavimbae vae ipɨa pe oï vae.”

San Lucas 15:7

Che jae peve, jökoraiño vi ara pe oimeta yerovia tuichagüe metei iyoa vae oeya yave iyemongeta ikavimbae vae ipɨa pe oï vae. Jókuae noventa y nueve jupi vae reta güi. Jókuae mbaetɨ mbae jeko pegua oyepoepɨ vaerä vae reta.

Hechos 11:18

Jayave Pedro jei chupe reta vae oendu yave, mbaetɨ mbae jei reta, jare omboete reta Tumpa, jei reta: —¡Tumpa omee vi yepe judiombae vae reta pe oeya vaerä iyemongeta ikavimbae vae ipɨa pe oï vae, güɨnoi vaerä tekove opambae vae!

Hechos 15:19

Jáeramo che jae agüɨye vaerä yamoambeko jókuae judiombae vae reta oyerova Tumpa kotɨ vae.

Hechos 17:30

Ërei Tumpa ɨma rupi mbaetɨ oiporarauka oikuaambae vae reta pe. Ërei añave jae oyókuai opaete ɨvɨ pegua reta oeya vaerä iyemongeta ikavimbae vae ipɨa pe güɨnoi vae.

Hechos 2:38

Jayave Pedro jei chupe reta: —Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

Hechos 20:21

Amombeu reve judío reta jare judiombae vae reta pe oyerova vaerä Tumpa kotɨ jare güɨrovia yandeYa Jesucristo re.

Hechos 26:17

jare che roepɨta nerëtaɨgua judío reta güi jare judiombae vae reta güi. Jókuae romondo ikotɨ vae reta,

Hechos 26:19

Jáeramo, mburuvicha guasu Agripa, mbaetɨ cheäteɨ ayapo vaerä Tumpa oechauka cheve vae,

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,

Hechos 9:15

YandeYa jei chupe: “Ekuaño, echa che aiparavo ma kuae kuimbae ojo vaerä omoërakua cheregua judiombae vae reta pe, mburuvicha guasu reta pe jare Israel pegua reta pe.

Hechos 9:35

Jare opaete Lida pegua reta jare Sarón rupigua reta oecha kuae kuimbae, jare güɨrovia reta yandeYa re.

Romanos 2:4

Reröɨro Tumpa ipɨakavi jare ipɨaguasu yae ndeve vae. ¿Mbaetɨ pa reikuaa ipɨakavi ko ndeve, reeya vaerä ikavimbae ndepɨa pe oï vae?

2 Corintios 3:16

Ërei oyerova reta yandeYa kotɨ yave, jókuae äka-soia oyeekɨ chugüi reta.

2 Corintios 7:10

Echa mbɨatɨtɨ Tumpa jemimbota rupi vae, güeru yepoepɨ yemboasa peguarä, mbaetɨ yandembopɨatɨtɨ; ërei yandepɨatɨtɨ yave oporogüɨroviambae vae reta ipɨatɨtɨ rami, jókuae güeru mano.

Efesios 4:17

Kuae jae peve pomoñera reve yandeYa jee re: Agüɨye mo peiko oporogüɨroviambae reta rami, iyemongeta ikavimbae rupi yogüɨreko vae reta rami,

1 Tesalonicenses 1:9

Echa jae reta etei omombeu ïru vae reta pe kërai ore rojo perëta pe yave kërai oremboresive vae re, jare kërai peeya tumpa-raanga reta jare peyerova Tumpa kotɨ, peyeokuai vaerä Tumpa oikove vae jare añetete vae kotɨ,

Apocalipsis 16:11

Jare jei reta ñee ikavimbae vae Tumpa ara pe oï vae kotɨ, oiporara yae güi jare ipere jemɨi jasɨ yae güi, jare mbaetɨ oeya reta jembiapo ikavimbae vae.

Apocalipsis 2:21

Jare amee ma jókuae kuña pe oeya vaerä iyemongeta ikavi mbae vae ipɨa pe oï vae, ërei mbaetɨ oipota oeya jeko ikavimbae.

Apocalipsis 2:5

Jáeramo nemaendúa kërai tenonde yave cheraɨu ete. Eeya ndeyemongeta ikavimbae vae ndepɨa pe oï vae, jare eyapo ye mbaravɨkɨ reta tenonde yave reyapose vae. Echa mbaetɨ yave ayuta ɨmambae ndeve, aekɨta nemechero jenda oïa güi mbaetɨ reeya ndeyemongeta ikavimbae vae ndepɨa pe oï vae yave.

Apocalipsis 3:3

Jáeramo, nemaendúa Tumpa güi remboresive jare reendu vae re. Eñemomɨ̈rata jókuae re, jare eeya ndeyemongeta ikavimbae vae ndepɨa pe oï vae. Echa mbaetɨ resareko reï yave, ayuta ndeve imonda vae rami, jare ngaraa reikuaa kërai yave ra ayuta ndeve.