Hechos 26:10 - Biblia Guarani Tumpa Iñee

¹⁰ Jare jökorai ayapo Jerusalén pe. Sacerdote reta itenondegua reta mbaepuere omee cheve yave, añono tembipɨɨrɨru pe jeta oporogüɨrovia vae reta. Jare oyuka reta yave, cheve jaekavi omano vaerä.

Nuevo Testamento Guaraní Pe

¹⁰ Jare jocorai ayapo Jerusalén pe. Sacerdote reta itenondegua reta mbaepuere omee cheve yave, añono tembipɨɨrɨru pe jeta oporogüɨrovia vae reta. Jare ndei oyeyucauca mbove, che vi iru vae reta ndive jae omanota co —jei—.

Hechos 26:10 ပူးပေါင်းရင်းမြစ်များ

SALMOS 16:3

Tumpa-raanga reta imbaepuere ko, jese güɨrovia vae reta peguarä.

Hechos 7:58

Jare güɨraja ma tëta guasu güi ikatu pe yave, oyapi reta ita pe. Jare jókuae iyapu reve oñeapo jese vae reta omboi jemimonde oñono metei kuimbae taɨrusu vae Saulo jóvai.

Hechos 8:1

Jare Esteban imano jaekavi Saulo pe. Jare jókuae ara voi oporogüɨrovia vae Jerusalén pe ñogüɨnoi vae reta re oñemopüa tätagüe vae. Jare opaete oporogüɨrovia vae reta opa oñemoai ɨvɨ Judea jare Samaria rupi. Ërei temimondo reta opɨtaño Jerusalén pe.

Hechos 8:3

Ërei Saulo oiporarauka yae oporogüɨrovia vae reta pe. Echa o ñavo rupi oike jare ombotɨrɨrɨ güɨraja kuimbae reta jare kuña reta oñono tembipɨɨrɨru pe.

Hechos 9:21

Jare opaete oendu vae reta ipɨakañɨ yae, jare jei: “¿Kuae, jaeä yera Jerusalén pe oiporarauka oporogüɨrovia vae reta pe vae? Jare ou vi kuae pe oipɨɨ vaerä kuae nunga reta güɨraja sacerdote reta itenondegua reta pe.”

Hechos 9:26

Jare Saulo ojo oväe yave Jerusalén pe, oipota tëi oñemoïru oporogüɨrovia vae reta ndive. Ërei opaete jae reta okɨɨye chugüi. Echa mbaetɨ güɨrovia reta jae Jesús re güɨrovia ma ko.

Hechos 9:32

Jare Pedro ojo opou yave opaete oporogüɨrovia vae reta ñogüɨnoia rupi, ojo oväe tëta guasu Lida pegua reta pe.

Hechos 9:41

Pedro oipɨɨ ipo pe jare omopüa. Jayave oenɨi oporogüɨrovia vae reta jare imemano vae reta, jare oechauka chupe reta oikove ye vae.

1 Corintios 15:9

Echa che ko jae metei temimondo michi yae vae; mbaetɨ jupi ayembojee vaerä temimondo pe, echa ayapo yepi ikavimbae vae Tumpa re oporogüɨrovia vae reta pe.

Gálatas 1:13

Pe reta peikuaa ko aikose judío reta iporomboe pe vae. Echa ayapo yepi jeta yae ikavimbae vae oporogüɨrovia vae reta pe, jare aipota tëi opa amboi.

Efesios 1:1

Che Pablo, Jesucristo jemimondo Tumpa jemimbota rupi vae, aikuatía opaete peporogüɨrovia vae Cristo Jesús re Efeso pe peiko vae pe.

Apocalipsis 17:6

Jare aecha kuña osavaɨpo oporogüɨrovia reta jare oyeyukauka omombeu Jesús re vae reta jugüɨ pe. Aecha yave chepɨakañɨ yae.