Hechos 25:7 - Biblia Guarani Tumpa Iñee

⁷ Jare Pablo ou ma yave, judío Jerusalén güi yogüeru vae reta oyemboya Pablo re jare omboeko jeta mbae ikavimbae yae vae re. Ërei mbaetɨ ipuere oechauka reta teko añete vae jesegua.

Nuevo Testamento Guaraní Pe

⁷ Jare Pablo ou ma yave, judío Jerusalén güi yogüeru vae reta oñemboɨ Pablo iyɨvɨ rupi jare omboeco jeta icavi mbae vae re. Erei mbaeti ipuere oicuauca cuae teco oipota omboya jese vae añete co.

Hechos 25:7 ပူးပေါင်းရင်းမြစ်များ

ESDRAS 4:15

reeka vaerä neñemuñagüe reta jembikuatía reta pe. Jare reväeta kërai kuae tëta guasu ipɨapochɨ jare jeko kavimbae reta mburuvicha guasu reta kotɨ, jare tëta iyɨvɨrigua reta kotɨ, jare iyɨpɨ güive kuae tëta ipɨapochɨ, kuae jeko pegua opa oyemboai.

ESTER 3:8

Jare Amán jei mburuvicha guasu Asuero pe: —Oime metei tëtaɨgua reta oñemoai ñogüɨnoi opaete tëta reta ndembaepuere pe oï vae rupi, jare mborookuai jae reta güɨnoi vae ambuaeyee ko opaete vae güi, jare mbaetɨ omboete reta ndeporookuai, mbaetɨ jaekavi remaeño vaerä oikove reta.

SALMOS 27:12

Agüɨye chemee cherovaicho reta ipɨa jemimbota pe, echa oñemopüa chekotɨ añetembae imiari vae, ipɨa-pïrimbae.

SALMOS 35:11

Opüa imiari reta añetembae vae, oparandu reta cheve mbaetɨ aikuaa vae re.

San Mateo 15:1

Jayave fariseo reta jare mborookuai re oporomboe vae reta Jerusalén pegua oya Jesús re jare jei reta chupe:

San Lucas 23:10

Jare sacerdote reta itenondegua reta jare mborookuai re oporomboe vae reta oyemboɨ Herodes jóvai jare iñeeäta reve omboeko Jesús.

San Lucas 23:2

Jare omboɨpɨ reta omboeko Jesús, jei reve: —Kuae kuimbae re roväe, güɨrokomegua tëta guasu pegua reta ipɨa, oyopia agüɨye vaerä oyemboepɨ César okovara vae, jare jei jae ko mburuvicha guasu Cristo jee vae.

Hechos 21:28

jare osapúkai reve jei: “Kuimbae Israel pegua reta, oremborɨ. Kuae kuimbae oporomboe opaete kerupi, oyovaicho vaerä yande kotɨ, mborookuai kotɨ jare kuae tupao kotɨ. Jare güeru vi griego reta güɨroike tupao pe, jökorai omongɨauka kuae o oñeñono tee vae.”

Hechos 24:13

Ërei mbaetɨ ipuere oechauka reta añete vae ndeve cheregua chemboeko vaerä.

Hechos 25:24

Jayave Festo jei: —Mburuvicha guasu Agripa, jare opaete pe reta kuae pe peï ore ndive vae, ko oï kuae kuimbae. Opaete judío reta Jerusalén pe jare kuae Cesarea pe oiporu reta osapúkai reve oyeyuka vaerä.

1 Tesalonicenses 2:16

oremboavai oremiari vaerä judiombae vae reta pe, jae reta vi oyemboasauka vaerä. Jökorai jeieteño iyoa reta, jáeramo Tumpa iyarasɨ tuichagüe ou jese reta.