Hechos 25:4 - Biblia Guarani Tumpa Iñee

⁴ Ërei Festo jei chupe reta oime ko Pablo oyepɨɨ oï Cesarea pe vae jare jae ojo yeta ko ɨmambaeño joko pe.

Nuevo Testamento Guaraní Pe

⁴ Erei Festo jei chupe reta: —Ore roñangareco roi Pablo re Cesarea pe, jare che ajaata joco pe curi.

Hechos 25:4 ပူးပေါင်းရင်းမြစ်များ

Hechos 24:23

Jayave Félix oyókuai cien sundaro vae juvicha oäro vaerä Pablo. Oyókuai vi oikoiño vaerä, jare agüɨye vaerä oyopia jëtara reta, ou yave ípɨri omborɨ vaerä.

Hechos 24:27

Ërei mókoi año ma oasa yave, Porcio Festo ou Félix jekovia pe. Jare Félix oipota omboyerovia judío reta ramo, oeya Pablo tembipɨɨrɨru pe.

Hechos 25:1

Festo ou oväe jókuae ɨvɨ pe, jare mboapɨ araa pe ojo Cesarea güi Jerusalén pe.

Hechos 25:13

Mbovɨ ara ma oasa yave, mburuvicha guasu Agripa jare jeindɨ Berenice yogüeru Cesarea pe, opou vaerä Festo pɨri.

Hechos 25:16

Ërei che jae chupe reta: “Romaɨgua reta mbaetɨ ko omee kia omano vaerä, ndei omboeko vae reta yogüeru oñeapo jese mbove jare ndei oyeepɨ omboeko vae reta güi mbove.”

Hechos 25:5

Jare jei chupe reta: —Pegüi reta oime yave kia, tojo cherupíe. Jare oyapo yave teko ikavimbae vae jókuae kuimbae, peñeapo jese joko pe.

Hechos 25:6

Festo opɨta Jerusalén pe juri ani payandepo ara rupi güire ou ye Cesarea pe. Jayave pɨareve pe oguapɨ oporojäaa pe, jare omondo güeruruka Pablo.

Hechos 8:40

Jare Felipe oyekuaa tëta Azoto pe. Jare joko güi ojo ramboeve, omombeu ñee ikavi vae opaete tëta guasu reta rupi oväe regua Cesarea pe.