Hechos 24:25 - Biblia Guarani Tumpa Iñee

²⁵ Ërei Pablo jei chupe kërai ikavi yayapo vaerä jupi vae, jare yayopia vaerä yanderete oipota vae güi, jare kërai Tumpa ojäata ɨvɨ pegua reta. Félix kuae oendu yave okɨɨye jare jei Pablo pe: —Ekuaño räri. Chepuere yave, toroenɨi ye kuri.

Nuevo Testamento Guaraní Pe

²⁵ Jare Pablo jei chupe quirai icavi yayapo vaera jupi vae, jare yayeopia vaera ñanderete oipota vae güi, jare quirai Tumpa ojaata ɨvɨ pegua reta. Jayave Félix oquɨye jare jei Pablo pe: —Ecuaño rani. Chepuere yave, toroeni ye curi.

Hechos 24:25 ပူးပေါင်းရင်းမြစ်များ

2 SAMUEL 23:3

Israel iTumpa jei, Israel iyangarekoa jei cheve: ‘Mburuvicha güɨroata yave jupi rupi jëta pegua reta, Tumpa güi oipoɨu reve kavi güɨroata vae,

1 REYES 21:27

Acab oendu yave opaete kuaekuae reta, omondoro jemimonde jare omonde temimonde mbɨatɨtɨ pegua jare oyekuaku tembíu güi. Oke jókuae temimonde ndive jare ipɨatɨtɨ yae reve oiko.

2 REYES 22:19

jare reyembopɨatɨtɨ jare reñemomichi cheróvai reendu ramboeve kuae tëta regua jare pɨpegua reta kotɨ jae vae, echa opata oñemokañɨtei, jare yogüɨrekota susere rupi vae yave, nde remondoro nderemimonde ndepɨatɨtɨ güi jare reyaeo cheróvai, jare che aendu vi ndeve. Jáeramo che amee,

ESDRAS 10:3

Añave yayapo morogüɨrökuavee päve ñaneTumpa ndive, romombo vaerä opaete jókuae orerembireko reta jare imembɨ reta ndive, toyembopo kuae mborookuai, nde jare ïru oipoɨu Tumpa iporookuai güi vae reta oremboarakuaa rami.

ESDRAS 10:9

Jökorai opaete kuimbae reta Judá pegua jare Benjamín pegua reta oyemboatɨ mboapɨ araa pe Jerusalén pe, veinte ara chau yasɨa re. Jare opaete oguapɨ reta Tumpa itupao joka pe, orɨrɨi reta okɨɨye güi jare omborɨrɨi reta ama okɨ vae.

JOB 29:14

Aiko ayemonde jupi vae pe rami, jare jae cheöva, ñeapevaka jare äka-regua rami cheve isɨmbi aiko vae.

SALMOS 11:7

Echa yandeYa jupi vae ko, oaɨu mbae jupi rupi oyeapo vae. ¡Jupi rupi oiko vae oechata jova!

SALMOS 119:120

Arɨrɨi, aipoɨu ndegüi jeko pegua, ¡aipoɨu ndeporookuai reta güi!

SALMOS 45:7

Reaɨu jupi rupi mbae oyeapo vae jare remotareɨ ikavimbae. Jáeramo ndeparavo Tumpa, jae ko neTumpa; yerovia katu omee ndeve vae ikavi yae, neïru reta omboyerovia vae güi.

SALMOS 72:2

oporookuai vaerä tëta ndembae vae re jupi rupi, jare oiporara vae reta re isɨmbi rupi,

SALMOS 99:1

¡YandeYa ko mburuvicha guasu! Torɨrɨi tëta reta; ¡jae güɨnoi iguapɨa, araɨgua querubín reta iä ipäu pe vae! Tokana opaete ɨvɨ.

PROVERBIOS 16:12

Ikaviä yae ko mburuvicha guasu reta oyapo vaerä jaekavimbae, echa jupi vae rupi ko oñemomɨ̈rata mborookuaía.

ECLESIASTÉS 11:9

Nde taɨrusu vae, eyerovia ndetaɨrusu ramboeve, eyapo ndepɨa jemimbota, eyapo nderesa pe ipöra vae, ërei nemaendúa, opaete kuaekuae re Tumpa nejäata.

ECLESIASTÉS 12:14

Echa Tumpa ñanejäata ko opaete mbaembae yayapogüe re, yayapo vɨari vae re ave, ikavi vae ani ikavimbae re.

ECLESIASTÉS 5:8

Metei tëtaguasu pe reecha yave paravete vae oyererekoasɨ katu jare jupigüe mbaetɨ oyeapo chupe yave, agüɨye nepɨakañɨ jese; echa metei mburuvicha re omae, ïru mburuvicha ma tuicha vae, jare ïru mburuvicha tuicha yae ete vae güɨnoi mbaepuere kuae mókoi reta re.

ISAÍAS 1:18

YandeYa jei: “Peyu yayoaka. Yepe tëi peyoa reta pɨ̈taasɨ yae, ërei amotïasɨta iroɨ rami; ani temimonderä vae pɨ̈taasɨ vae rami yave, vecharaa tïi vae rami amotïasɨta;

ISAÍAS 1:21

¡Tëta guasu jupi vae! ¿Këraiägua pa reyu repɨta metei kuña iyaguasa pota vae rami? Yepi, jeta kuae pe jupi vae reta jare jeko kavi vae reta, ërei añave jaeño ma oñeväe kuae pe oporoyuka vae reta.

ISAÍAS 16:5

David iñemuña güi metei oguapɨta mburuvicha guasurä mboroaɨu rupi. Jae ko oïta jupi rupi oporojäa vaerä, oyapota jupi vae opaete pe.

ISAÍAS 32:11

Pe, peiko pɨagüive vae reta, perɨrɨi pekɨɨye güi, jare pepɨa kɨɨye, pemboi jókuae peremimonde reta, jare peyemonde temimonde mbɨatɨtɨ pegua pe.

ISAÍAS 41:21

YandeYa, Jacob iñemuña reta juvicha guasu jei: “Tumpa-raanga reta, peyu peyeepɨ, peyu peñemoë peyé.

ISAÍAS 55:6

“Eeka yandeYa ipuere oñeväe ramboeve, eenɨi köi oï ramboeve.

ISAÍAS 61:8

Echa che peYa, jupi vae oaɨu vae ko, amotareɨ ko mɨmba oñeomi oñemee mɨmba oyeyukagüe opaetei oyeapɨ vaerä vae. Che, ameeta jupi rupi kavi mbota mbaravɨkɨ re, jare ayapota morogüɨrökuavee päve jae reta ndive jekuae avei pegua.

ISAÍAS 66:2

¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

JEREMÍAS 22:3

Kuae pe, peyapo jupi vae jare sɨmbi vae, peyora jasɨ katu oiko vae oporogüɨrekoasɨ katu vae ipo güi, agüɨye pembotavɨ ani mbae peñomi ketɨgua güi, tɨ̈reɨ güi ani imemano vae güi. Agüɨye peyuka jekombae.

JEREMÍAS 23:29

Cheñee ko tata rami, jare martillo opa oyoka ita guasu vae rami. Che ndeYa ko jae kuae.

JEREMÍAS 36:16

jare jae reta oendu rupive okɨɨye yae jare jei reta oyoupe: —Yamombeuta ko kuae, mburuvicha guasu pe.

EZEQUIEL 45:9

Che ndeYa Tumpa jae körai: ¡Joko peño mo, mburuvicha reta Israel pegua! Peeya mo teko pɨ̈chɨi yae vae, maepɨ̈ro. Peyapo jupi vae jare isɨmbi vae; agüɨye pepɨ̈ro ɨvɨ chembae vae reta güi.

DANIEL 12:2

Jeta omanogüe reta opüa yeta: Amogüe opüata tekove iyapɨmbae peguarä, ïru reta opüata ñemomarai peguarä jare mbaeporara iyapɨmbae peguarä.

DANIEL 4:27

Jáeramo nde mburuvicha guasu, eendu cheporomboarakuaa: Eyapo jupi vae, agüɨye mo ndeyoa, ikavimbae reta reyapo vae jekovia pe, eyapo mboroparareko oiporara ñogüɨnoi vae reta pe, jayave güɨramoi kuae ndepɨagüive reiko vae oyembopukuta ndeve.’ ”

DANIEL 5:30

Jókuae pɨ̈tu voi oyeyukauka Belsasar, Caldeaɨgua reta juvicha guasu.

OSEAS 10:12

Jae chupe reta: Peñotɨ jupi vae, jare pearɨvo mboroaɨu opambae. Peyapo katu ɨvɨ pemaetɨ pɨau vaerä, echa añave ko ara peeka vaerä yandeYa, jae ou regua pemboe jupi vae re.

OSEAS 10:4

Echa imiari reta yave jei raangaiño oyapo reta morogüɨrökuavee päve; jáeramo teko okuakuaata chupe reta ñana ikavimbae okuakuaa temitɨ ipäu rupi rami.”

OSEAS 7:5

Yanderuvicha guasu iaño iara pe, mburuvicha reta ombosavaɨpo juvicha guasu ivino pe. ¡Javoi mburuvicha guasu oñemoïru oporoyóyai yóyai vae reta ndive!

AMÓS 5:24

Ërei mbaejupi tosɨrɨ ɨ rami, jare mboromboete ɨ tɨpambae rami.

AMÓS 6:12

¿Osɨita pa kavayu ɨ̈vavira rupi? ¿Ani oyeara pa güeye pe jokoropi? ¿Maera pa pe reta perokomegua ñejäa jare jupi vae?

HABACUC 3:16

Opaete kuae aendu yave ayandu akɨɨye yae, jare cherembe osɨsɨi, chekägüe reta opa jëogüe, opaete cherete orɨrɨi. Jökorai reve aäro pɨagüiveta Tumpa ombou mbɨatɨtɨ vae iara pe, jókuae sundaro reta yogüeru oremboai vaerä yave.

HAGEO 1:2

Kuae jei YandeYa Imbaepuere yae ete vae ñeemombeúa rupi: “Kuae tëta pegua reta jei mbaetɨño oväe ara chero oñemopüa pɨau ye vaerä.

San Mateo 22:5

Ërei jae reta mbaetɨ yogüeru. Amogüe vae ojo iko pe. Ïru vae ojo omaemee.

San Juan 16:8

Jare jae ou yave, oikuaaukata ɨvɨ pegua reta pe mbaeyoa regua, mbaejupi vae regua jare morojäa regua.

Hechos 10:42

Jare jae oreokuai romoërakua vaerä ïru vae reta pe, jare oremiari vaerä chupe reta kërai Tumpa oiparavo ojäa vaerä oikove vae reta jare omanogüe reta.

Hechos 17:13

Ërei judío Tesalónica pegua reta oikuaa Pablo omoërakua vi Berea pegua reta pe Tumpa iñee yave, yogüɨraja joko pe oyapouka tekorai joko pegua reta pe.

Hechos 17:2

Jare Pablo ojo jókuae tupao pe. Echa jökorai oyapo opaete tëta guasu reta rupi. Jare ara mbutuu ñavo oyoaka judío reta ndive, mboapɨ ara mbutuu rupi,

Hechos 17:32

Jare oendu reta oikove ye omanogüe reta ipɨte güi vae regua yave, amogüe vae oyóyai. Ërei ïru vae reta jei Pablo pe: —Ïru ara royeapɨsaka yeta nderé kuae re.

Hechos 2:37

Kuae oendu reta yave, ipɨatɨtɨ yae reta, jare oparandu reta Pedro jare ïru temimondo reta pe: —Tëtara reta, ¿mbae pa royapota?

Hechos 24:15

Che arovia ko jae reta rami Tumpa omoingove yeta omanogüe reta. Oikove yeta jupi vae reta jare jupimbae vae reta.

Hechos 24:26

Ërei Félix oipota tëi vi Pablo omee vaerä korepoti chupe, oyorauka vaerä. Jáeramo güeruruka avei, imiari vaerä jae ndive.

Hechos 26:28

Jayave Agripa jei Pablo pe: —Arovia seri aipo Cristo re.

Hechos 9:6

Saulo orɨrɨi jare okɨɨye reve jei: “CheYa, ¿mbae pa reipota ayapo?” YandeYa jei chupe: “Epüa jare eike tëta guasu pe, jare amombeuukata ndeve mbae reyapo vaerä.”

Romanos 12:1

Jáeramo, cherɨvɨ reta, pomoñera Tumpa iporopareko rupi, pemee chupe perete, mɨmba oyeyukagüe Tumpa pe oñemee rami, peñeñono tee chupe, jae omboyerovia vae. Echa jupi ko körai añetete rupi pemboete vaerä Tumpa.

Romanos 14:12

Jökorai metei ñavo yamombeuta Tumpa pe yandeyegua.

Romanos 2:16

jókuae ara Jesucristo rupi Tumpa ojäa yave, opaete kuimbae reta jembiapo oyekuaambae vae, ñee ikavi vae che amombeu vae rupi.

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

2 Corintios 5:10

Echa opaete vae ñaï ñotai Cristo jóvai, jae ñanejäa vaerä. Metei vae ñavo omboresive vaerä oikove oiko ramboeve oyapo rupi. Ikavi vae jare ikavimbae vae oyapo rupi.

2 Corintios 6:2

Echa jae jei tembikuatía pe körai: “Ou ma oväe aechauka vaerä cheporoaɨu, jáeramo ayeapɨsaka nderé, ou ma oväe yereroasayepe iara, jáeramo romborɨ.” Mase, añave Tumpa ipɨakavi. Añave ko ara yemboasa pegua.

Gálatas 3:22

Tumpa Iñee pe jei rami, opaete vae iyoa vae ko, ërei oñemeeta Jesucristo re güɨrovia vae reta pe, Tumpa güɨrökuavee vae.

Gálatas 5:23

ñemomichi, yeandu mbaembae güi vae. Kuae reta re mbaetɨ mborookuai mbae jei.

2 Timoteo 4:1

Jáeramo, royókuai Tumpa jare yandeYa Jesucristo jovake, echa jae ojäata oikove vae reta jare omanogüe vae reta, ou ye yave oporookuai vaerä,

Tito 1:8

tomboresive katu mboupa, ikavi vaeño toaɨu, agüɨyeta jei jeiiño, tijupi, toñeñono tee, jete jemimbota toyopia vae,

Hebreos 12:21

Jare jókuae oyekuaa vae yavaete yae ramo Moisés jei: “Arɨrɨi yae akɨɨye ramo.”

Hebreos 3:13

ërei ara ñavo peñomoäta ngatu, “kuae ara” yae ramboeve, agüɨye vaerä metei ave pepɨte pegua oyembopɨatäta mbaeyoa iporombotavɨ rupi.

Hebreos 4:1

Jáeramo yaipoɨu, echa güɨramoi amogüe pe reta ngaraa peupitɨ penoi vaerä jókuae mbutuu Tumpa omee vae pe.

Hebreos 6:2

yemboe bautismo regua, ñañono yandepo ïru vae reta iñäka re vae, omanogüe vae oikove ye vae regua jare Tumpa iporojäa opambae vae regua.

Hebreos 9:27

Jökorai, oñeñono ɨvɨ pegua reta omano vaerä metei veseño; jare kuae jaɨkue rupi Tumpa ojäata.

Santiago 2:19

Nde rerovia oime ko meteiño Tumpa. Jaekavi ko jókuae rerovia vae. Ërei aña reta vi güɨrovia jare orɨrɨi reta okɨɨye güi.

1 Pedro 3:15

Pemboete yandeYa Tumpa pepɨa pe. Peïndaivi avei peï peñemomichi reve, peñemoe vaerä oparandu peve maera ra peäro peï peyerovia reve vae reta pe,

2 Pedro 1:6

arakuaa katu pemomɨ̈rata yeopia soo jemimbota pe; yeopia soo jemimbota pemomɨ̈rata mbɨaguasu pe; mbɨaguasu pemomɨ̈rata Tumpa imboete pe;

1 Juan 3:10

Yandepuere yaikuaa kia ra ko jae Tumpa taɨ reta jare kia ra ko jae aña guasu taɨ reta vae. Opaete kia jupimbae oyapo vae, jare mbaetɨ oaɨu ïru oporogüɨrovia vae, Tumpa taɨä ko.

1 Juan 3:7

Cheraɨ aaɨu vae reta, agüɨye kia tapembotavɨ. Jupi vae oyapo vae, jupi ko, Jesucristo jupi rami.

1 SAMUEL 12:7

Añave peyeapo katu, ayoakata pe reta ndive yandeYa jóvai, jae iporoparareko pekotɨ vae re jare peñemuñagüe reta kotɨ vae re.