Hechos 24:16 - Biblia Guarani Tumpa Iñee

¹⁶ Jáeramo che aipota chepɨa ikavi avei anoi vaerä Tumpa kotɨ jare ɨvɨ pegua reta kotɨ.

Nuevo Testamento Guaraní Pe

¹⁶ Jae rambue che jecuaeño aipota chepɨa icavi anoi vaera Tumpa cotɨ jare ɨvɨ pegua reta cotɨ —jei—.

Hechos 24:16 ပူးပေါင်းရင်းမြစ်များ

Hechos 23:1

Jayave Pablo omae ngatu mburuvicha judío reta re, jare jei: —Tëtara reta, che jekuaeño aiko chepɨa ikavi reve Tumpa kotɨ.

Romanos 2:15

Echa oikuaauka reta mborookuai jei vae oyekuatía oï ipɨa pe vae. Oikuaa reta vi ipɨa pe, mbae ikavi vae oyapo vaerä vae. Jáeramo iyemongeta rupi oyemboeko retata ani oyeepɨ retata,

Romanos 9:1

Che Cristo re jae añete vae. Mbaetɨ ko cheapu, echa chepɨa pe aikuaa Espíritu Santo rupi,

1 Corintios 10:32

Agüɨye peiko peporombogüɨapiuka vaerä judío reta pe, judiombae vae reta pe ani oporogüɨrovia vae reta Tumpa imbae reta pe.

1 Corintios 4:4

Yepe tëi chepɨa pe mbaetɨ aikuaa mbae ikavimbae re ayemboeko vaerä, ërei mbaetɨ jókuae güiño jekombae ko che. Echa yandeYa ko jae chejäa vae.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

2 Corintios 4:2

Mbaetɨ etei royapo vɨari mbae ñemomarai pegua. Mbaetɨ royapo mbae orepoki rupi roporombotavɨ vaerä. Mbaetɨ vi rogüɨrova Tumpa iñee. Jaeño romombeu añete vae, jare royekuaauka opaete vae reta pe Tumpa jóvai.

1 Tesalonicenses 2:10

Pe reta peikuaa kavi ko jare Tumpa vi, kërai royapo ikavi vae, jupi vae, mbaetɨ kia oremboeko mbae re, pe oporogüɨrovia vae reta ndive.

1 Timoteo 1:19

reñemomɨ̈rata reve ndeporogüɨrovia re, ndeyemongeta kavi reve. Echa amogüe vae oyapo agüɨyeta tëi oyapo vae. Jáeramo, ogüɨapi iporogüɨrovia pe,

1 Timoteo 1:5

Kuae mborookuai jae ko, mboroaɨu oime vaerä yandepɨa ikɨambae güi etei vae, jare yandeyemongeta ikavigüe, jare mborogüɨrovia añetete vae.

1 Timoteo 3:9

toñovatu jókuae añete vae yaikuaa yarovia vae re, jare toiko oyemongeta kavi reve.

2 Timoteo 1:3

Amee yasoropai Tumpa pe, chupe ayeokuai cheyemongeta ikavi reve cheñemuñagüe reta rami, jare chemaendúa avei nderé cheyerure reta rupi ara rupi jare pɨ̈tu rupi.

Tito 1:15

Iyemongeta ikɨambae vae reta pe opaete mbaembae ikɨambae ko. Ërei oporogüɨroviambae vae iyemongeta ikɨa vae pe opaete mbaembae ikɨa ko. Echa ipɨa jare iyemongeta opaetei oikomegua.

Hebreos 10:22

yayemboya Tumpa re yandepɨa jupi reve, yarovia kavi reve, yandepɨa oyetɨo reve yemongeta ikavimbae güi, jare yanderete oyeyoe reve ɨ ikɨambae pe.

Hebreos 13:18

Peyerure Tumpa pe oreré. Echa roikuaa jekuaeño royapo ikavi vae pekotɨ. Jekuaeño roipota royapo jupi vae.

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

1 Pedro 2:19

Echa ikavi ko kia oiporara yave Tumpa jóvai jupimbae reve.

1 Pedro 3:16

peyemongeta ikavi rupi, iñeenguru pekotɨ ikavimbae peyapo vaeecha vae reta, imara vaerä peangao perembiapo kavi Cristo re vae reta.

1 Pedro 3:21

Jókuae ɨ ombojaanga añave pe reta peyemboasauka peyembobautisauka yave Jesucristo oikove ye ou omanogüe vae reta ipɨte güi ramo. Pepuereä peyemboasauka peyoe perete vae rupi. Jaeño peyemongeta kavi yave Tumpa kotɨ.