Hechos 24:14 - Biblia Guarani Tumpa Iñee

¹⁴ Ërei kuae amombeu ndeve. Che aguata Tape pɨau pe, ayeokuai cheñemuñagüe reta iTumpa pe, judío reta ombojee mboromboe añetembae pe vae. Arovia reve opaete mborookuai pe oyekuatía oï vae, jare ñeemombeúa reta oikuatiagüe.

Nuevo Testamento Guaraní Pe

¹⁴ Erei cuae amombeu ndeve. Che aico Jesús re arovia reve, jare jocorai ayeócuai chetenondegua reta iTumpa pe, yepe tei judío reta jei aico metei moromboe mbaeti añete vae re. Echa che arovia opaete mboroócuai pe oyecuatía oi vae, jare Tumpa iñee aracae omombeu vae reta oicuatiagüe —jei—.

Hechos 24:14 ပူးပေါင်းရင်းမြစ်များ

1 CRÓNICAS 29:18

Oreya, Abraham iTumpa, Isaac jare oñemuñagüe Israel iTumpa, emee ndembae vae reta pe togüɨnoi avei vaerä kuae ipɨa-kɨ̈reɨ ngatu, emee ipɨa pe imaendúa reta avei vaerä ndekotɨ.

SALMOS 119:46

Tachemiari ndeporookuai reta re mburuvicha guasu reta jóvai, jare ngaraa chemara.

ÉXODO 3:15

Tumpa jei ye Moisés pe: —Köraita rere Israel iñemuña reta pe: “YandeYa, peñemuñagüe Abraham, Isaac jare Jacob iTumpa chembou pekotɨ.” Kuae ko jae cheree jekuae avei pegua, kuae tee rupi pemaenduata cheré jekuae avei.

AMÓS 8:14

Samaria pegua tumpa-raanga reta omboete reta vae jei: ‘Dan iñemuña reta, oikove ko netumpa’, jare ‘Beerseba pegua tumpa-raanga reta’, jókuae reta ogüɨapita, ngaraa ye ma opüa reta.”

MIQUEAS 4:2

Jeta vae tëtaguasu reta yogüeruta, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä jemimbota re, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

San Mateo 10:32

Kia nunga vae chemoërakua ïru vae reta jóvai yave, che amoërakuata vi cheRu ara pe oï vae jóvai.

San Mateo 22:40

Kuae mókoi mborookuai re oï, opaete mborookuai jei vae jare ñeemombeúa reta jei vae.

San Mateo 7:12

Jáeramo peipota yave ïru vae reta oyapo peve ikavi vae, peyapo ïru vae reta pe ikavi vae. Echa kuae jae ko mborookuai jei vae jare ñeemombeúa reta jei vae.

San Lucas 1:70

Tumpa jei iyɨpɨ güive iñeemombeúa reta oñeñono tee vae rupi rami.

San Lucas 16:16

Ndei Juan ou mbove, oñemoërakua yandeve yayapo vaerä mborookuai jare ñeemombeúa reta jei vae rupi. Ërei Juan omboɨpɨ omoërakua ñee ikavi vae Tumpa iporookuaía regua, jare opaete vae oipota yae oike Tumpa iporookuaía pe.

San Lucas 16:29

Jayave Abraham jei chupe: ‘Oime güɨnoi reta Moisés jare ñeemombeúa reta jembikuatía. Toyeapɨsaka reta jókuae re.’

San Lucas 24:27

Jayave Jesús omboɨpɨ omombeu kavi chupe reta Moisés jembikuatía reta güive jare opaete ñeemombeúa reta oikuatiagüe, kërai opaete jókuae Tumpa Iñee imiari jese vae.

San Lucas 24:44

Jayave jei chupe reta: —¿Mbaetɨ pa pemaendúa pe reta ndive aiko ramboeve che jae peve vae re? Kërai oyembopo tai ko cheré Moisés iporookuai, ñeemombeúa reta oikuatiagüe jare Salmo reta pe jei vae.

San Juan 1:45

Jayave Felipe oväe Natanael jare jei chupe: —Roväe jókuae Moisés oikuatía jesegua mborookuai pe vae. Jare ñeemombeúa reta. Jae ko Jesús, José Nazaret pegua taɨ.

Hechos 10:43

Kuae regua ko omoërakua opaete ñeemombeúa reta. Jae reta jei Tumpa iñɨ̈rota opaete jese güɨrovia vae reta pe iyoa re Jesús jee re.

Hechos 13:15

Jare ïru vae reta opa omongeta mborookuai güi jare ñeemombeúa reta jembikuatía yave, tupao pegua reta itenondegua reta jei chupe reta: —Tëtara reta, oime penoi ñee yemboarakuaa pegua yave, pemiari.

Hechos 15:5

Ërei amogüe fariseo oporogüɨrovia vae reta opüa jare jei: —Toyembocircuncida judiombae oporogüɨrovia vae reta, jare toyapo reta Moisés iporookuai.

Hechos 19:23

Jókuae ara reta pe oï tekorai Tape pɨau kotɨ.

Hechos 19:9

Ërei amogüe ipɨatäta jare mbaetɨ oipota güɨrovia, jei reta ñee ikavimbae vae tëta guasu pegua reta jovake Tape pɨau kotɨ. Jayave Pablo ojo chugüi reta, jare güɨraja jae ndive oporogüɨrovia vae reta, jare oyoaka ara ñavo Tiranno jee vae oporomboea pe.

Hechos 22:14

Jayave jae jei cheve: ‘Ñaneñemuñagüe reta iTumpa ndeparavo, reikuaa vaerä jae jemimbota, reecha vaerä jókuae Jupi vae jare reendu vaerä iñee.

Hechos 24:22

Jare Félix kuae oendu yave oeya räri. Echa jae oikuaa kavi ma jókuae Tape pɨau regua ramo, jei judío reta pe: —Lisias sundaro jeta vae juvicha ou yave, aikuaa kavita kuae pemombeu cheve vae re.

Hechos 24:5

Echa roikuaa ma kuae kuimbae ko mbaerasɨ ikavimbae rami. Jae omopüa judío reta oyokotɨ opaete kerupi. Jare jae ko Nazaret-ɨgua jupiegua reta itenondegua.

Hechos 25:8

Jayave Pablo oñemoe iyé, jei: —Mbaetɨi ayovaicho judío reta iporookuai kotɨ, tupao kotɨ ani César kotɨ ave mbaetɨ cheyoa.

Hechos 26:22

Ërei Tumpa chemborɨ ramo, oimeño aikove kuae ara. Chemiari michi vae reta pe jare tuichagüe reta pe, mbaetɨ ambuaeyee jae Moisés jare ñeemombeúa reta jei oikota vae re:

Hechos 26:27

Mburuvicha guasu Agripa, ¿rerovia pa ñeemombeúa reta oikuatiagüe? Che aikuaa rerovia ko.

Hechos 26:4

Chetaɨrusu güive aiko cherëtara reta ndive Jerusalén pe, jare judío reta oikuaa katu kërai aiko.

Hechos 26:6

Jare añave che arovia Tumpa oyapota ko oreñemuñagüe reta pe güɨrökuavee vae ramo judío reta oñeapo cheré.

Hechos 28:22

Ërei roipota roikuaa ndegüi etei mbae ra reyemongeta vae. Echa roikuaa opaete rupi jërakua ikaviä ko kuae mboromboe.

Hechos 28:23

Jayave jei reta Pablo pe mbae ara pe yogüeruta vae. Jayave jókuae ara jeta vae yogüeru Pablo oïa pe. Jare ndeimbove güive Pablo ikaaru omombeu chupe reta Tumpa iporookuaía regua. Jare Moisés iporookuai rupi jare ñeemombeúa reta oikuatiagüe rupi, güɨroviauka chupe reta Jesús regua.

Hechos 3:13

Ñaneñemuñagüe reta Abraham, Isaac, Jacob iTumpa omboeteuka ma Taɨ Jesús. Kuae Jesús pe reta pemee, jare peröɨro Pilato jóvai; Pilato jei tëi oyorauka vaerä yave.

Hechos 5:30

Ñaneñemuñagüe reta iTumpa omoingove ye Jesús, pe reta peikutu kurusu re peyuka vae.

Hechos 7:32

“Che ko jae neñemuñagüe reta Abraham, Isaac jare Jacob iTumpa.” Jayave Moisés orɨrɨi okɨɨye güi, jare oipoɨu omae vaerä jese.

Hechos 9:2

Jare oyerure chupe omee vaerä chupe tupapire mbaepuere pegua, ojo vaerä Damasco pegua judío reta itupao reta rupi, jare oväe yave joko pe kuimbae reta ani kuña reta Tape pɨau pegua reta, ipuere vaerä oipokua güeru Jerusalén pe.

Romanos 1:9

Che ayeokuai Tumpa pe opaete chekɨ̈reɨ reve. Echa amombeu ïru vae reta pe ñee ikavi vae Tumpa Taɨ regua. Jae oikuaa kërai ayerure avei chupe peré vae.

Romanos 3:21

Ërei añave oyekuaa kërai Tumpa ipuere yandembojupi mborookuai jei vae yayapombae reve. Mborookuai jare ñeemombeúa reta omombeu kuae regua;

1 Corintios 11:19

Echa oime tai ko yemboyao reta pepɨte pe, añetete oporogüɨrovia vae reta oyekuaa vaerä pepɨte pe.

Gálatas 5:20

tumpa-raanga pota, mbaekuaa reta, ñemotareɨ reta, ñeapo reta, ñemoägüɨro reta, ñoraro reta, yoambotaä reta, mboromboe añetembae reta,

2 Timoteo 1:3

Amee yasoropai Tumpa pe, chupe ayeokuai cheyemongeta ikavi reve cheñemuñagüe reta rami, jare chemaendúa avei nderé cheyerure reta rupi ara rupi jare pɨ̈tu rupi.

Tito 3:10

Oime yave kia oporomboyaouka vae, ere chupe metei ani mókoi vese agüɨye vaerä oyapo jökorai. Ërei oipotaä yave oeya jeko, emoë oporogüɨrovia vae reta ipɨte güi,

1 Pedro 1:11

oyemboe reve kia jare kërai yave ra oasata Cristo iEspíritu oiko jese reta vae oikuaauka voi chupe reta vae; kërai Cristo oiporarata jare kërai taɨkue rupi oyemboeteukata vae.

Apocalipsis 19:10

Jayave ayetavatɨka chetindɨasɨ reve araɨgua jóvai amboete vaerä, ërei jae jei cheve: “Agüɨye chemboete. Che Tumpa pe ayeokuai vae vi ko, nde jare nderɨvɨ reta imiari Jesús regua vae reta rami. Emboete Tumpa.” Echa Jesús regua oyemombeu vae, ñeemombeúa reta omoërakua vae ko.