Hechos 23:9 - Biblia Guarani Tumpa Iñee

⁹ Jare oyoaka tee tee reta oyoupii. Javoi opüa amogüe mborookuai re oporomboe vae reta fariseo reta ndive oñemoïru vae, jei: —Ore mbaetɨ etei roväe teko kuae kuimbae re. Güɨramoi metei espíritu ani araɨgua imiari chupe. Agüɨye yayovaicho Tumpa ndive.

Nuevo Testamento Guaraní Pe

⁹ Jare oyoaca reta oyoupi. Jare opúa amogüe fariseo pegua mboroócuai re oporomboe vae reta jare jei: —Mbaeti etei ore rovae teco cuae cuimbae re. Güɨramoi metei espíritu ani araɨgua imiari chupe. Agüɨye yayovaicho Tumpa ndive —jei reta.

Hechos 23:9 ပူးပေါင်းရင်းမြစ်များ

PROVERBIOS 16:7

Kuimbae, jeko kavi rupi omboyerovia yandeYa yave, jovaicho reta ave jae ombopɨakatuta chupe.

JEREMÍAS 26:16

Jayave mburuvicha reta jare opaete vae reta jei sacerdote reta pe jare ñeemombeúa reta pe: “Mbaetɨ teko güɨnoi kuae kuimbae omano vaerä, echa yandeYa Tumpa jee re imiari yandeve.”

San Marcos 2:16

Jayave mborookuai re oporomboe vae reta jare fariseo reta oecha Jesús okaru oï okovara vae reta jare jeko ikavimbae vae reta ndive yave, jei jemimboe reta pe: —¿Maera pa pemboe vae okaru okovara vae reta jare jeko ikavimbae vae reta ndive?

San Lucas 23:22

Jayave Pilato oparandu ye mboapɨa ma chupe reta: —¿Mbae ikavimbae pa oyapo kuae kuimbae? Mbaetɨ aväe teko jese omano vaerä. Jáeramo ainupaukaiñota jare ayorata.

San Lucas 23:4

Jayave Pilato jei sacerdote reta itenondegua reta jare tëta guasu pegua reta pe: —Mbaetɨ etei aväe teko kuae kuimbae re.

San Lucas 5:30

Ërei mborookuai re oporomboe vae reta jare fariseo reta iñeenguru Jesús jemimboe reta pe. Jei reta: —¿Maera pa pekaru mburuvicha peguarä okovara vae reta jare jeko ikavimbae vae reta ndive?

San Juan 12:29

Jeta joko pe ñogüɨnoi vae reta oendu jókuae ñee, jare jei: —Ara ko jɨapu. Ïru reta jei: —Metei araɨgua omomiari.

Hechos 11:17

Tumpa ko omee chupe reta Espíritu Santo yande yarovia yandeYa Jesucristo re vae pe omee vae rami yave, ¿kia pa che amboavai vaerä Tumpa oyapo vae?

Hechos 22:6

Ërei köiño ma Damasco güi aja yave, kuaraɨ ara mbɨte rupi yave, güɨramoiño ou metei tembipe tuicha vae ara güi cheré.

Hechos 22:7

Jare aa ɨvɨ re, jare aendu metei ñee jei cheve: ‘Saulo, Saulo, ¿maera pa reñemopüa chekotɨ?’

Hechos 23:29

Joko pe aikuaa jae reta omboeko mborookuai güɨnoi reta vae re. Ërei jae mbaetɨ jeko omano vaerä ani oï vaerä tembipɨɨrɨru pe.

Hechos 23:8

Echa saduceo reta mbaetɨ güɨrovia omanogüe reta oikove ye vae re, araɨgua re jare espíritu reta re. Ërei fariseo reta güɨrovia oime ko.

Hechos 25:25

Ërei che mbaetɨ aväe teko jese omano vaerä. Jare jae etei oipota mburuvicha guasu Augusto ojäa vaerä. Jáeramo ayemongeta ma amondo vaerä ikotɨ.

Hechos 26:31

jare osɨrɨ reta imiari ïkotɨa, jei oyoupe: —Kuae kuimbae oyapoä mbae omano vaerä ani oï vaerä tembipɨɨrɨru pe.

Hechos 27:23

Echa pɨare oyekuaa cheve metei Tumpa iaraɨgua. Jókuae Tumpa imbae ko che jare chupe ayeokuai.

Hechos 5:39

Ërei Tumpa güi ko ou yave, ngaraa pepuere pemboai. Echa güɨramoi Tumpa re ko peyovaicho peï.

Hechos 9:4

Jare Saulo oa ɨvɨ re, jare oendu ñee jei chupe: “Saulo, Saulo, ¿maera pa reñemopüa chekotɨ?”

1 Corintios 10:22

¿Ñamoägüɨroukata pa yandeYa?, ani ¿yandepuere yae pa yandeYa güi?

1 SAMUEL 12:5

Jare jae jei chupe reta: —YandeYa jare mburuvicha guasurä peiparavo vae jovake mbaetɨ peväe teko cheré. Jare jae reta jei chupe: —¡Jökorai ko!

1 SAMUEL 24:17

Jare jei David pe: —Jupi yae nde chegüi, che ayapota tëi ndeve ikavimbae vae, ërei nde remboekovia cheve ikavi vae pe.