Hechos 23:16 - Biblia Guarani Tumpa Iñee

¹⁶ Ërei Pablo jeindɨ imembɨraɨe oikuaa yave jókuae regua, ojo sundaro rëta pe, omombeu vaerä Pablo pe.

Nuevo Testamento Guaraní Pe

¹⁶ Erei Pablo jeindɨ imembɨ cuimbae oicuaa yave jae reta ocatɨrota Pablo re, ojo oique sundaro reta yogüɨrecoa pe, jare omombeu Pablo pe.

Hechos 23:16 ပူးပေါင်းရင်းမြစ်များ

2 SAMUEL 17:17

Jonatán jare Ahimaas ñogüɨnoi ɨesaɨ Rogel jee vae pe, metei kuñatai tembiokuai ojo omombeu chupe reta, echa jae reta mbaetɨ oipota oyeechauka yogüeru ramboeve tëta guasu pe; jayave jae reta yogüɨraja omombeu mburuvicha guasu David pe.

JOB 5:13

Jae oipɨɨ ipoki vae reta jeko pe aeño; jare güɨrokomegua ipɨapochɨ vae reta iyemongeta.

PROVERBIOS 21:30

YandeYa kotɨ mbaetɨ oime arakuaa, arakuaa katu ani yemboarakuaa.

PROVERBIOS 24:15

Iyoa vae, agüɨye emomburu jupi vae jo, agüɨye emboai chugüi iputuu renda,

LAMENTACIONES 3:37

¿Kia pa ipuere jei, mbae oyeapo vae, yandeYa güiä ko ou vae?

Hechos 21:34

Ërei jeta vae ipɨte güi iñee tee tee osapúkai reta. Jare tekorai jeko pegua sundaro jeta vae juvicha ipuereä oikuaa ramo oyókuai güɨraja vaerä Pablo sundaro rëta pe.

Hechos 21:37

Jare güɨroike retata ma jae reta jëta pe yave, Pablo jei sundaro jeta vae juvicha pe: —¿Chepuere pa chemiari nde ndive? Jae jei Pablo pe: —¿Reikuaa pa ñee griego?

Hechos 23:10

Jare ikaviä yae ma oyoaka reta ramo, sundaro jeta vae juvicha oyemongeta güɨramoi oyuka retata Pablo, jare oyókuai isundaro reta yogüeru vaerä güɨraja Pablo jae reta ipɨte güi sundaro rëta pe.

Hechos 23:17

Jayave Pablo oenɨi cien sundaro vae juvicha jare jei chupe: —Eraja kuae kunumi sundaro jeta vae juvicha pe. Echa oipota mbae omombeu chupe.

Hechos 23:32

Jayave pɨareve pe sundaro kavayu regua reta güɨraja Pablo, ërei ïru sundaro reta oyerova ye sundaro rëta pe.

Hechos 24:23

Jayave Félix oyókuai cien sundaro vae juvicha oäro vaerä Pablo. Oyókuai vi oikoiño vaerä, jare agüɨye vaerä oyopia jëtara reta, ou yave ípɨri omborɨ vaerä.

1 Corintios 3:19

Echa Tumpa pe arakuaa kuae ɨvɨ pegua arakuaaä ko. Echa oyekuatía oï körai: “Tumpa oipɨɨ iyarakuaa vae reta jeko pe aeño.”