Hechos 22:25 - Biblia Guarani Tumpa Iñee

²⁵ Ërei sundaro reta oipokua ma yave kuyunda pe, Pablo jei cien sundaro vae juvicha joko pe oï vae pe: “¿Jupi pa peinupa vaerä metei Romaɨgua pejäambae reve?”

Nuevo Testamento Guaraní Pe

²⁵ Erei sundaro reta oñapɨti yave tɨmasa pe, Pablo jei cien sundaro vae juvicha joco pe oi vae pe: —¿Jupi pa peinupa vaera metei romano mbaeti pejaa reve?

Hechos 22:25 ပူးပေါင်းရင်းမြစ်များ

San Mateo 10:17

Peyeandu kuimbae reta güi. Echa pereraja retata mburuvicha reta pe oporojäa pe. Jare penupata judío reta itupao reta pe.

San Mateo 27:54

Jare cien sundaro vae juvicha Jesús re oyangareko oï vae jare jae ndive ñogüɨnoi vae reta oecha yave kërai ɨvɨ okana jare kërai opaete oyeapo vae, okɨɨye yae jare jei: —¡Añetete yepe, kuae kuimbae jae Tumpa Taɨ!

San Mateo 8:8

Ërei jókuae cien sundaro vae juvicha jei chupe: —CheYa, agüɨye ekua eike chero pe, echa mbaeä ko che. Ndepuere rere kuae güiño cherembiokuai okuera vaerä jare okuerata ko.

Hechos 10:1

Oiko Cesarea pe metei kuimbae Cornelio jee vae. Jae ko cien sundaro vae juvicha, metei atɨ Italiaɨgua jee vae juvicha.

Hechos 16:37

Ërei Pablo jei sundaro reta pe: —Ore Romaɨgua reve, mburuvicha reta orenupauka opaete vae jovake orerekombae reve, jare oreñoñauka tembipɨɨrɨru pe, jare añave oipota oreyorauka vɨari. ¡Ngaraa jökorai! Toyogüeru jae reta etei oreyora vaerä.

Hechos 22:26

Kuae oendu yave, cien sundaro vae juvicha ojo omombeu sundaro jeta vae juvicha pe: —¿Mbae pa reyapota? Kuae kuimbae Romaɨgua yepe.

Hechos 23:17

Jayave Pablo oenɨi cien sundaro vae juvicha jare jei chupe: —Eraja kuae kunumi sundaro jeta vae juvicha pe. Echa oipota mbae omombeu chupe.

Hechos 23:27

Judío reta oipɨɨ kuae kuimbae, jare oyukata tëi yave, che aja sundaro reta ndive aepɨ chugüi reta aikuaa yave jae ko Romaɨgua.

Hechos 25:16

Ërei che jae chupe reta: “Romaɨgua reta mbaetɨ ko omee kia omano vaerä, ndei omboeko vae reta yogüeru oñeapo jese mbove jare ndei oyeepɨ omboeko vae reta güi mbove.”

Hechos 27:1

Jare mburuvicha reta oyemongeta ma oremondo vaerä ɨvɨ Italia pe yave, omee reta Pablo jare amogüe ïru tembipɨɨ reta cien sundaro vae juvicha Julio jee vae pe. Jae ko metei atɨ Augusto jee vae juvicha.

Hechos 27:3

Pɨareve pe rojo roväe tëta guasu Sidón pe. Jare Julio ipɨakavi Pablo pe. Jáeramo omaeño jese ojo vaerä opou ivɨa-ïru reta pɨri, jae reta oyangareko vaerä jese.

Hechos 27:43

Ërei cien sundaro vae juvicha oipota oepɨ Pablo ramo, jei sundaro reta pe agüɨye vaerä oyuka reta. Oyókuai ipuere oɨtai vae reta räri oa vaerä ɨ pe, yogüɨraja vaerä oväe ɨvɨ pe.