Hechos 22:1 - Biblia Guarani Tumpa Iñee

¹ “Tëtara reta jare cheru reta, peyeapɨsaka añemoeta peve cheyé vae re.”

Nuevo Testamento Guaraní Pe

¹ —Cherɨvɨ reta jare cherɨqueɨ reta, peyeapɨsaca che jaeta peve cheyee vae re.

Hechos 22:1 ပူးပေါင်းရင်းမြစ်များ

San Lucas 12:11

Jare ïru vae reta pereraja yave pemee vaerä judío reta itupao reta pe jare mburuvicha reta pe jare ïru vae reta mbaepuere güɨnoi vae pe, agüɨye peyemoambeko mbae ra ani kërai ra pereta chupe reta vae re.

San Lucas 21:14

Agüɨye pepɨa pe peyemongeta voi mbae ra pereta peyeepɨ vaerä.

Hechos 13:26

Tëtara reta, Abraham iñemuña reta jare pe kuaeɨgua peipoɨu Tumpa güi vae reta. Tumpa ombou peve kuae ñee peyemboasauka vaerä.

Hechos 19:33

Jayave judío reta omoaña omondo tenonde Alejandro jee vae yatɨ vae reta ipɨte güi, iñee omoë vaerä. Jayave Alejandro omopüa ipo omokïrii vaerä tëi. Echa oipota tëi imiari tëta guasu pegua reta pe, agüɨye vaerä jae reta omboeko judío reta.

Hechos 23:1

Jayave Pablo omae ngatu mburuvicha judío reta re, jare jei: —Tëtara reta, che jekuaeño aiko chepɨa ikavi reve Tumpa kotɨ.

Hechos 23:6

Jare Pablo oecha yave amogüe jae reta saduceo reta jare amogüe fariseo reta, iñeeäta reve jei mburuvicha judío reta ipɨte pe: —Tëtara reta, che ko fariseo, jare fariseo iñemuña pegua ko che; omanogüe reta oikove yeta vae arovia vae re ko chejäa peï.

Hechos 24:10

Jayave ɨvɨruvicha jei ipo pe Pablo imiari vaerä. Jare jae jei: —Che aikuaa katu ko nde ɨma rupi ma reporojäa kuae ɨvɨ pe, jáeramo chepɨakatu reve añemoeta cheyé.

Hechos 25:16

Ërei che jae chupe reta: “Romaɨgua reta mbaetɨ ko omee kia omano vaerä, ndei omboeko vae reta yogüeru oñeapo jese mbove jare ndei oyeepɨ omboeko vae reta güi mbove.”

Hechos 25:8

Jayave Pablo oñemoe iyé, jei: —Mbaetɨi ayovaicho judío reta iporookuai kotɨ, tupao kotɨ ani César kotɨ ave mbaetɨ cheyoa.

Hechos 26:24

Jare Pablo jökorai oñemoe iyé yave, Festo iñeeäta reve jei: —¡Ndembokere ma Pablo! ¡Jeta yae reyemboe vae ndemombokere ma!

Hechos 28:17

Jare mboapɨ ara ma oasa güire, Pablo oenɨiuka judío reta itenondegua reta. Jare oyemboatɨ reta yave, jae jei chupe reta: —Tëtara reta, yepe tëi ayapoä mbae nunga teko ñanerëtaɨgua reta kotɨ ani ñaneñemuñagüe reta iporomboe kotɨ, ërei Jerusalén pegua reta chepɨɨ chemee Romaɨgua reta ipo pe.

Hechos 7:2

Jayave Esteban jei joko pe ñogüɨnoi vae reta pe: —Tëtara reta, tëta guasu itenondegua reta, peyeapɨsaka cheré: Tumpa imboetea yae vae oyekuaa ñaneñemuñagüe Abraham pe, Mesopotamia pe oiko yave, ndei oiko Harán pe mbove.

Romanos 2:15

Echa oikuaauka reta mborookuai jei vae oyekuatía oï ipɨa pe vae. Oikuaa reta vi ipɨa pe, mbae ikavi vae oyapo vaerä vae. Jáeramo iyemongeta rupi oyemboeko retata ani oyeepɨ retata,

1 Corintios 9:3

Kuae ko che jae cheangao vae reta pe:

2 Corintios 12:19

Güɨramoi peyemongeta kuae oremiari vae royeepɨ vaeräño ko. Ërei jökoraiä ko. Oremiari körai Tumpa jovake Cristo re rogüɨrovia ramo. Cherɨvɨ reta, royapo ko opaete kuae pepɨ̈rata vaerä peporogüɨrovia pe.

2 Corintios 7:11

Echa jókuae pepɨatɨtɨ Tumpa jemimbota rupi vae, ¡güeru kɨ̈reɨ ngatu peve, peikuaauka cheve mbaetɨ ko penoi teko vae, pearasɨ mbaeyoa kotɨ, jare peipoɨu vi, cheraɨu yae, perägüɨro jare peiporarauka ikavimbae vae oyapo vae pe! Opaete jókuae rupi peikuaauka mbaetɨ etei teko penoi kuae oyeapo vae re.

Filipenses 1:17

Ërei ïru vae reta omombeu Cristo regua, cheraɨu ramo. Echa oikuaa reta kërai Tumpa cheñono kuae pe, aikuaauka vaerä ïru vae reta pe ñee ikavi vae Tumpa pegua ko.

Filipenses 1:7

Jupi ko ayemongeta vaerä körai peré, echa poaɨu yae. Tembipɨɨrɨru pe aï yave, ayeepɨ aï yave jare ñee ikavi vae amoañete aï yave, opaete pe reta vi ko peï che ndive.

2 Timoteo 4:16

Tenonde oñeapo reta cheré yave, mbaetɨ etei chemborɨ kia ave, opaetei chereeya vae; agüɨye Tumpa tomboeko reta jese.

1 Pedro 3:15

Pemboete yandeYa Tumpa pepɨa pe. Peïndaivi avei peï peñemomichi reve, peñemoe vaerä oparandu peve maera ra peäro peï peyerovia reve vae reta pe,