Hechos 21:5 - Biblia Guarani Tumpa Iñee

⁵ Jókuae ara reta oasa yave, opaete oporogüɨrovia vae reta jembireko reta jare imichia reta ndive oremoïru reta tëta guasu güi ikatu pe, jayave royetavatɨka ɨembeɨ pe royerure Tumpa pe.

Nuevo Testamento Guaraní Pe

⁵ Jocuae ara reta oasa yave, rojo tenta güi, jare opaete oporogüɨrovia vae reta jembireco reta jare imichia reta ndive oremoiru. Jayave royeatɨca ɨ guasu jembeɨ pe royerure Tumpa pe.

Hechos 21:5 ပူးပေါင်းရင်းမြစ်များ

1 REYES 8:54

Salomón opa oyerure omoñera reve vae yave, opüa jókuae oyetavatɨka oï jókuae mɨmba oyeyuka oyeapɨ jese vae jóvai güi, ipo omopüa oï ara kotɨ vae güi,

2 CRÓNICAS 20:13

Jare opaete Judá pegua reta oyemboɨ ñogüɨnoi yandeYa jóvai, jembireko reve reve, taɨ reta, jare imichia reve reve.

NEHEMÍAS 12:43

Jókuae ara omee reta jeta mɨmba oyeyukagüe Tumpa peguarä, jare oyerovia yae reta, echa Tumpa omee yerovia katu chupe reta; oyerovia vi kuña reta jare michia reta; jare jókuae yerovia katu oï Jerusalén pe vae matɨ oyeendu.

SALMOS 95:6

Peyu, yambaemboete jare yayetavatɨka yandetɨndɨasɨ reve; yayetavatɨka yandeApoa yandeYa jóvai.

San Mateo 14:21

Okaru vae reta oupitɨ cinco mil kuimbae reta, oyepapambae reve kuña reta jare michia reta.

San Marcos 1:40

Jayave ou Jesús oïa pe metei kuimbae ipire mbaerasɨ ókui vae. Oyetavatɨka Jesús jóvai omoñera reve jei chupe: —Reipota yave, chembogüera jare chetɨo chembaerasɨ güi.

San Lucas 22:41

Jayave Jesús osɨrɨ katu chugüi reta, ita oyemombo vae oa ojo ramía pe, jare oyetavatɨka oyerure Tumpa pe.

Hechos 15:3

Jayave oporogüɨrovia vae reta omondo ma yave, jae reta oasa Fenicia jare Samaria rupi omoërakua reve joko pegua reta pe kërai judiombae vae reta oyerova Tumpa kotɨ. Jare omboyerovia yae oporogüɨrovia vae reta.

Hechos 17:10

Jare jupiveiño oporogüɨrovia vae reta omondo pɨ̈tu yave Pablo jare Silas tëta guasu Berea kotɨ. Jae reta yogüɨraja oväe joko pe yave, yogüɨraja oike reta judío reta itupao pe.

Hechos 20:36

Jare kuae opa jei güire, Pablo oyetavatɨka jare oyerure Tumpa pe opaete jae reta ndive.

Hechos 20:38

Ipɨatɨtɨ yae reta, Pablo jei chupe reta ngaraa ye ma oecha vae re. Jayave jae reta yogüɨraja jupíe barco oïa pe.

Hechos 9:40

Jayave Pedro omoë opaete joko pe ñogüɨnoi vae reta. Jare oyetavatɨka oyerure Tumpa pe. Javoi omae tëogüe re jare jei: —¡Tabita, epüa! Jayave kuña omae, jare oecha Pedro yave, opüa oguapɨ.

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.

JOSUÉ 8:35

Opaete Moisés iporookuai güi, Josué mbaetɨ metei ave ñee omongetaukambae opaete Israel iñemuña reta pe vae, kuña reta, michia reta jare ketɨgua reta yogüɨreko jae reta ipɨte pe vae pe.