Hechos 21:40 - Biblia Guarani Tumpa Iñee

⁴⁰ Jare sundaro ruvicha omee Pablo pe imiari vaerä yave, Pablo oyemboɨ yayeupía pe, jare ipo pe omokïrii opaete vae reta yave, Pablo imiari chupe reta ñee hebreo pe, jei:

Nuevo Testamento Guaraní Pe

⁴⁰ Jayave sundaro reta juvicha jei Pablo pe imiari vaera. Jayave Pablo oñemboɨ oyeupi oia pe, jare omopúa ipo tenta pegua reta cotɨ. Jare opaete vae quirii yave, Pablo imiari chupe reta hebreo iñee pe. Jei chupe reta:

Hechos 21:40 ပူးပေါင်းရင်းမြစ်များ

2 REYES 9:13

Jökorai jei rupive metei ñavo jókuae mburuvicha guasu imborɨa reta oipɨɨ ñeapevaka jare oipɨso reta mburuvicha guasu iguapɨa pe ɨvate, javoi omoñee reta temimbɨ vecha kuimbae-räti pegua, jare osapúkai reta: “¡Jehú jae ko mburuvicha guasu!”

San Lucas 23:38

Jare oï metei kuatía iñäka iárambo, griego, latín jare hebreo reta iñee pe: “KUAE KO JAE JUDÍO RETA JUVICHA GUASU.”

San Juan 19:13

Pilato kuae oendu yave, güɨnoe Jesús jare oguapɨ mburuvicha jenda pe; Enlosado jee vae pe (kuae ko jee Gabata hebreo iñee pe).

San Juan 19:17

Jae oë jare ovoɨ güɨraja ikurusu. Güɨraja reta Jesús Äkagüe-renda jee vae pe. Kuae ko jee Gólgota hebreo iñee pe.

San Juan 19:20

Jare jeta judío reta omongeta kuae oyekuatía oï vae. Echa Jesús oyekutuuka vae köiño oï tëta guasu güi. Jare oyekuatía oï hebreo iñee pe jare griego iñee pe jare latín pe.

San Juan 5:2

Jare oime Jerusalén pe öke Vecha Röke jee vae iyɨpɨ pe metei ɨrɨru tuicha vae ñee hebreo pe Betesda jee vae. Kuae ɨrɨru iyɨ́vɨri rupi oime pandepo korero reta.

Hechos 1:19

Kuae jërakua opaete Jerusalén pegua reta pe. Jáeramo jókuae ɨvɨ jee Acéldama jae reta iñee pe (Acéldama oipota jei: ‘Ɨvɨ tugüɨ jepɨgüe’).

Hechos 12:17

Ërei Pedro omopüa ipo omokïrii reta vaerä, jare imiari chupe reta kërai yandeYa güɨnoe tembipɨɨrɨru güi vae, jei: —Peikuaauka kuae, Jacobo jare ïru oporogüɨrovia vae reta pe. Jayave oë joko güi ojo ïkotɨa.

Hechos 13:16

Jayave Pablo opüa, jare omopüa ipo omokïrii reta vaerä. Jayave jei chupe reta: —Kuimbae Israel iñemuña reta jare opaete pe kuaeɨgua reta peipoɨu Tumpa güi vae, peyeapɨsaka cheré:

Hechos 19:33

Jayave judío reta omoaña omondo tenonde Alejandro jee vae yatɨ vae reta ipɨte güi, iñee omoë vaerä. Jayave Alejandro omopüa ipo omokïrii vaerä tëi. Echa oipota tëi imiari tëta guasu pegua reta pe, agüɨye vaerä jae reta omboeko judío reta.

Hechos 21:35

Jare oyeupita ma sundaro rëta pe yave, sundaro reta ovoɨ güɨraja Pablo, jeta vae reta oipota opɨ̈ro ramo;

Hechos 22:2

Jare tëta guasu pegua reta oendu jae imiari chupe reta ñee hebreo pe yave, opareve kïrii ngatu kavi. Jare Pablo jei chupe reta:

Hechos 26:14

Jare opareve roa ɨvɨ re, jare che aendu ñee hebreo pe jei cheve: ‘Saulo, Saulo, ¿maera pa reñemopüa chekotɨ? Nde ko jae metei güeye ɨvɨra jakuarovi vae re opatara vae rami.’

Hechos 6:1

Jókuae ara reta rupi jeiete jeta oñemoïru oporogüɨrovia vae reta yave, griego reta iñeenguru hebreo reta kotɨ. Echa mbaetɨ oyangareko kavi reta jëtaɨgua imemano vae reta re, ara ñavo oñemee tembíu yave.

Apocalipsis 16:16

Jare omboatɨuka reta hebreo iñee pe Armagedón jee vae pe.

Apocalipsis 9:11

Jare jókuae tuku reta juvicha guasu metei araɨgua jókuae ɨvɨkua guasu pe oiko vae ko. Hebreo iñee pe jee Abadón. Griego iñee pe Apolión.