Hechos 21:3 - Biblia Guarani Tumpa Iñee

³ Jare Chipre roecha oreasu kotɨ, jare roasa. Jare rojo Siria kotɨ, rojo roväe tëta guasu Tiro pe. Echa joko pe barco oeyata ivoɨta.

Nuevo Testamento Guaraní Pe

³ Jare Chipre roecha oreasu cotɨ, jare roasa. Jare jecuae rojo Siria cotɨ, jare rojo rovae tenta Tiro pe. Echa joco pe buque oeyata ivoɨta.

Hechos 21:3 ပူးပေါင်းရင်းမြစ်များ

2 SAMUEL 8:6

Javoi David oñono isundaro reta Damasco pe Siria pe, jare Siriaɨgua reta opa opɨta David jembiokuairä, ombaemboepɨ reta chupe. YandeYa omee David pe, oporomoamɨri vaerä oipota rupi ojoa rupi.

SALMOS 45:12

Tëta Tiro pegua kuña reta yogüeruta mbota ndive, nemoñerata mboroparareko re oikokatu yae vae reta.

SALMOS 87:4

“Chemaendúa Egipto re jare Babilonia re, tëta chekuaa vae reta ipɨte pe, joko vi oï Filistea, Tiro jare Etiopía, opaete kuae reta oë chugüi reta.”

ISAÍAS 7:2

Jare omombeu reta Acaz, David iñemuña pe körai: “Siriaɨgua reta oñemoïru Efraín pegua reta ndive.” Jayave mburuvicha guasu jare opaete vae orɨrɨi ipɨa okɨɨye güi, kaa pe ɨvɨra reta okana ɨvɨtu yave rami.

San Mateo 11:21

“Paravete, nde Corazín. Paravete, nde Betsaida. Echa Tiro jare Sidón pe mona, ayapo mɨakañɨ reta pepɨte pe ayapo vae yave, kuerae yae ma ko jae reta oeyata tëi iyemongeta ikavimbae vae, omonde reve temimonde mbɨatɨtɨ pegua, jare oñono reve tanimbu iñäka re.

San Mateo 4:24

Jare opaete ɨvɨ Siria pegua reta pe jërakua Jesús oyapo vae regua. Jare güeru reta chupe oipotagüe mbae jasɨ chupe vae reta, oiporara oipotagüe mbaerasɨ vae, jare aña oya jese vae reta, omano mano vae reta jare jete jëogüe vae. Jare Jesús ombogüera reta.

San Lucas 10:13

Paravete, nde Corazín. Paravete, nde Betsaida. Echa Tiro jare Sidón pe mona, ayapo mɨakañɨ reta pepɨte pe ayapo vae yave, kuerae yae ma ko jae reta oeyata tëi iyemongeta ikavimbae vae, omonde reve temimonde mbɨatɨtɨ pegua, jare oguapɨ reve tanimbu re.

San Lucas 2:2

Kuae tenondegua yepapa oyepo Cirenio oiko ɨvɨ Siria pe mburuvicharä yave.

Hechos 11:19

Esteban oyuka güire, tovaicho reta oiporarauka oporogüɨrovia vae reta pe. Jare oporogüɨrovia vae reta opa oñemoai vae yogüɨraja oväe ɨvɨ Fenicia, Chipre jare Antioquía pe. Jare jae reta imiari judío reta peño Tumpa iñee.

Hechos 12:20

Jare Herodes iyarasɨ oiko Tiro pegua reta jare Sidón pegua reta kotɨ. Jayave jae reta metei rami yogüeru ípɨri, jare oñemoïru reta metei mburuvicha guasu iyɨvɨrigua Blasto jee vae ndive. Jae reta jei chupe agüɨye vaerä mburuvicha guasu iyarasɨ ikotɨ reta. Echa jae reta güɨnoe jembiurä mburuvicha guasu Herodes iɨvɨ güi.

Hechos 13:4

Jayave Saulo jare Bernabé oyemondouka Espíritu Santo pe, jare yogüɨraja tëta guasu Seleucia pe, jare joko güi yogüɨraja ɨguasu rupi ɨvɨ Chipre pe.

Hechos 15:23

Jare jae reta oikuatía omondo jae reta ndive. Kuae tupapire pe jei körai: “Ore temimondo reta, jare opaete oporogüɨrovia vae reta jare itenondegua reta, romondo tamaraeme opaete pe reta judiombae pe oporogüɨrovia Antioquía, Siria jare Cilicia pe peï vae pe.

Hechos 15:39

Oyoaka reta tätagüe oyoupii kuae re. Jáeramo oyemboyao reta oyougüi. Bernabé güɨraja jupíe Marcos jare ojo reta barco pe Chipre kotɨ.

Hechos 15:41

Jare oasa reta ɨvɨ Siria jare Cilicia rupi omoäta ngatu reve oporogüɨrovia vae reta tupao ñavo rupi.

Hechos 18:18

Ërei Pablo opɨtaño vɨteri jeta ara joko pe. Javoi oyupavo ojo oporogüɨrovia vae reta güi, ojo barco pe Siria kotɨ, Priscila jare Aquila ojo jupíe. Jare tëta guasu Cencrea pe Pablo oñeapiasɨ. Ombopo vaerä Tumpa pe oñererökuavee vae.

Hechos 21:16

Jare yogüɨraja vi orerupíe Cesarea güi amogüe oporogüɨrovia vae joko pegua reta. Ojo vi jae reta jupíe Chipre pegua Mnasón jee vae. Echa ropɨtata Mnasón jo pe. Kuae Mnasón ko ɨma ma oporogüɨrovia vae.

Hechos 21:2

Jare roväe joko pe barco ojota Fenicia kotɨ vae. Jayave royeupi pɨpe, jare rojo.

Hechos 21:7

Jayave Tiro güi rojo roväe tëta guasu Tolemaida pe. Joko pe royapo maraetei oporogüɨrovia vae reta pe, jare ropɨta jae reta pɨri metei ara.

Hechos 27:4

Jayave joko güi rojo ye ɨguasu rupi, jare roasa ɨguasu-päu Chipre iä rupi, agüɨye vaerä ɨvɨtu orerövaiti.

Hechos 4:36

Jare metei levita ɨvɨ Chipreɨgua José jee vae, temimondo reta oero Bernabé pe vae (kuae tee oipota jei: “Oporombopɨakatu vae”).

JUECES 10:6

Jare Israel iñemuña reta jekuae oyapo ye ikavimbae yandeYa jesa róvai, jare omboete reta Baal jare Astarot, jökoraiño vi tumpa ambuae reta Siria pegua, Sidón pegua, Moab pegua, Amón iñemuña reta itumpa jare filisteo reta itumpa reta pe; jare oeya reta yandeYa, mbaetɨ oyeokuai reta chupe.