Hechos 20:7 - Biblia Guarani Tumpa Iñee

⁷ Jare tenondegua ara semana iyɨpɨ pe oporogüɨrovia vae reta oyemboatɨ opɨ̈saa vaerä mbɨyape yave, Pablo pɨareve pe ma ojota ramo, ipɨarembɨte oporomboe.

Nuevo Testamento Guaraní Pe

⁷ Jare semana iara tenondegua vae pe oporogüɨrovia vae reta oñemboatɨ tembíu omboyao vaera oyoupe. Jayave Pablo pɨareve pe ojota rambue, ipɨare catu imiari chupe reta.

Hechos 20:7 ပူးပေါင်းရင်းမြစ်များ

NEHEMÍAS 8:3

Jare omongeta tembikuatía oka guasu jóvai, öke Ɨ Röke jee vae jóvai, ndeimboveasɨ güive kuaraɨ ara mbɨte regua, opaete kuimbae reta jare kuña reta jóvai, jare opaete michia ipuere ma oikuaa vae reta jóvai. Jare opaete vae kïrii oyeapɨsaka mborookuai oyekuatía oï vae re.

NEHEMÍAS 9:3

Jökorai oyemboɨ ñogüɨnoi ramboeve mboapɨ ora rupi oyemongeta chupe reta iYa Tumpa iporookuai, jare ïru mboapɨ ora rupi oyemombeu reta iyoa re jare omboete reta iYa Tumpa.

San Marcos 16:9

Jesús oikove ye ndeimboveasɨ tenondegua ara semana iyɨpɨ pe. Jayave tenonde ete oyekuaa María Magdalaɨgua pe. Jókuae ombosɨrɨ chiu aña reta chugüi vae.

San Lucas 22:19

Javoi Jesús oipɨɨ mbɨyape, jare omee yasoropai Tumpa pe jese. Jare opɨ̈saa mbɨyape omee chupe reta, jei reve: —Kuae ko jae cherete, oñemeeta peré vae. Peyapo kuae pemaendúa cheré vaerä.

San Lucas 24:35

Jayave jókuae mókoi vae reta omombeu yatɨ vae reta pe tape rupi oasa jae reta ndive vae, jare kërai Jesús oyekuaauka chupe reta mbɨyape opɨ̈saa yave.

San Juan 20:1

Tenondegua ara semana iyɨpɨ pe, ndei köe kavi mbove María Magdalaɨgua ojo tɨvɨa pe, jare oecha ita oyembosɨrɨ oï tɨvɨa güi.

San Juan 20:19

Jare jókuae pɨ̈tu voi tenondegua ara semana iyɨpɨ pe, Jesús jemimboe reta oyemboatɨ jare oyokenda jöke reta, okɨɨye reta judío reta güi jeko pegua. Jayave ou Jesús oyemboɨ ipɨte pe, jare jei chupe reta: —Mbɨakatu toï pe ndive.

San Juan 20:26

Juri ara ma oasa yave, temimboe reta ñogüɨnoi ye jókuae o pe. Tomás joko pe oï vi. Yepe tëi öke reta oyeokenda ñogüɨnoi, ërei Jesús ou oyemboɨ ipɨte pe jare jei chupe reta: —Mbɨakatu toï pe ndive.

Hechos 16:10

Jare kuae oecha güire, jupiveiño roipota rojo Macedonia kotɨ. Echa roikuaa ma Tumpa orereenɨi romoërakua vaerä joko pegua reta pe ñee ikavi vae.

Hechos 2:42

Jare jekuae oporogüɨrovia vae reta oyemboe avei temimondo reta iporomboe re, jare opaete metei ramiño ñogüɨnoi. Oyemboatɨ avei reta, omboyao tembíu oyoupe, jare oyerure Tumpa pe.

Hechos 2:46

Jare ara ñavo oyemboatɨ avei reta tupao pe. Jare o ñavo rupi omboyao tembíu oyoupe, okaru päve reta oyerovia jare ipɨakatu reve,

Hechos 20:11

Jayave Pablo oyeupi ye, jare joko pe ñogüɨnoi vae reta opɨ̈saa oyoupe mbɨyape jare okaru reta güire Pablo iköe omboe reta. Javoi ojo chugüi reta.

Hechos 20:31

Jáeramo peyeandu jare pemaendúa kërai mboapɨ año rupi cheresaɨ reve pomboarakuaa metei ñavo ara rupi jare pɨ̈tu rupi vae re.

Hechos 20:5

Kuae reta yogüɨraja tenonde, jare oreräro Troas pe.

Hechos 20:9

jare metei kunumi Eutico jee vae oguapɨ oï ventana pe, jare täta jopeɨ oï, Pablo jeiete puku oporomboe ramo kunumi oke jare oa jókuae o mboapɨ yoaramboa güi oka kotɨ ɨvɨ pe. Jare omopüa reta jëogüegüe.

Hechos 28:23

Jayave jei reta Pablo pe mbae ara pe yogüeruta vae. Jayave jókuae ara jeta vae yogüeru Pablo oïa pe. Jare ndeimbove güive Pablo ikaaru omombeu chupe reta Tumpa iporookuaía regua. Jare Moisés iporookuai rupi jare ñeemombeúa reta oikuatiagüe rupi, güɨroviauka chupe reta Jesús regua.

1 Corintios 10:16

Yasoropai ñamee vino yau vae re yave ¿ñaïä pa meteiño Cristo ndive jugüɨ re? Jaeramiño vi ñapɨ̈saa mbɨyape yave ¿ñaïä pa meteiño Cristo ndive jete re?

1 Corintios 15:10

Ërei Tumpa ipɨakavi rupi ko aï. Mbaetɨ ipɨakaviiño chekotɨ, echa aparavɨkɨ täta yae opaete ïru reta temimondo reta güi. Ërei mbaetɨ ko cheiño, Tumpa ipɨakavi omee cheve vae ko oparavɨkɨ.

1 Corintios 16:2

Tenondegua ara semana iyɨpɨ ñavo pe, metei ñavo peñovatu penoi rupi; peñovatu, agüɨye vaerä pemboatɨ che aja yave ramo.

2 Timoteo 4:2

emoërakua avei Tumpa iñee jare eñemoäta ngatu avei, eikuaauka kavi iyoa vae pe iyoa, jare emboeta chupe jese, eporomboarakuaa jare eporomboe ndepɨaguasu reve.

Apocalipsis 1:10

Espíritu Santo güɨnoi mbaepuere cheré tenondegua ara semana iyɨpɨ pe, jare aendu chekupe kotɨ ñee tätagüe, mimbɨguasu iñee rami,