Hechos 20:37 - Biblia Guarani Tumpa Iñee

³⁷ Jayave opaete joko pe ñogüɨnoi vae reta täta oapïro, jare oiküava reta Pablo jare oovapɨte reta.

Nuevo Testamento Guaraní Pe

³⁷ Jayave opaete joco pe ñogüɨnoi vae reta oyaeo, jare oicuava reta Pablo jare oiyurupɨte reta.

Hechos 20:37 ပူးပေါင်းရင်းမြစ်များ

GÉNESIS 45:14

José oiküava tɨvɨ Benjamín iyayu rupi, jare oyaeo. Benjamín oyaeo vi oiküava reve tɨkeɨ.

GÉNESIS 46:29

Jare José opa ma omboyupavo ikäretou yave ojo oövaiti vaerä tu Israel ɨvɨ Gosén pe. Ojo jare oiküava tu iyayu rupi, jare ɨma oñoäpiro.

2 SAMUEL 15:30

Jare David oyeupi ɨvɨtɨ Olivo re; oyeupi oyaeo reve, iñäka oyasoi jare ipɨgüɨrai. Jare opaete jae ndive yogüɨraja vae reta oyasoi vi iñäka, oyaeo reve vi oyeupi reta.

1 REYES 19:20

Jayave jae oeya güeye reta, jare osɨi ou Elías jaɨkue jare jei: —Romoñera remaeño aja vaerä aovapɨte cheru jare chesɨ, jare jaɨkue rupi taja nderupíe. Jare jae jei chupe: —Ekua jare eyu ye. Ërei nemaendúa che ayapo ndeve vae re.

2 REYES 20:3

“Romoñera cheYa, romoñera nemaendúa vaerä cheré, kërai che aguata nderóvai jupi rupi kavi jare opaete chepɨa ndive ayeokuai ndeve, ayapo ndeve mbaembae reta ndepɨa potaa rupi kavi.” Jare oyaeo ipɨatɨtɨ yae reve.

ESDRAS 10:1

Esdras oyerure jare oyemombeu oyaeo reve oyetavatɨka Tumpa jo jóvai oï ramboeve, jeta yae Israel iñemuña reta yatɨ jese: Kuimbae reta, kuña reta jare michia reta; opaete vae oyaeo reta ipɨatɨtɨ reve.

JOB 2:12

Kuae reta, mombɨrɨ güive omopüa iñäka omae, ërei mbaetɨ oikuaa reta, jare jäse oyaeo reta; jare metei ñavo vae omondoro jemimonde ipɨatɨtɨ güi, jare mboapɨ reve omoai reta ɨvɨkúi ara kotɨ iñäka iárambo, omboyekuaa ipɨatɨtɨ.

SALMOS 126:5

Oyaeo reve omaetɨ vae reta, oyerovia reve ombaearɨvota.

San Lucas 15:20

Jayave oyerova ye tu jëta kotɨ. Ërei mombɨrɨ peve tu oecha jare oiparareko. Jayave tu osɨi oövaiti taɨ, oiküava jare oovapɨte.

Romanos 16:16

Peyapo maraetei oyoupe peyovapɨte jare peyomboete reve kavi. Omondo tamaraeme peve opaete oporogüɨrovia Cristo re vae reta.

1 Corintios 16:20

Opaete yanderɨvɨ reta omondo tamaraeme peve. Peyapo maraetei oyoupe peyovapɨte jare peyomboete reve kavi.

2 Corintios 13:12

Peyapo maraetei oyoupe peyovapɨte jare peyomboete reve kavi.

1 Tesalonicenses 5:26

Peyapo maraetei opaete oyoupe peyovapɨte jare peyomboete reve kavi.

2 Timoteo 1:4

Chemaendúa kërai nderesaɨ repɨyere vae re, aipota yae roecha, ayerovia yae vaerä.

Apocalipsis 21:4

Jare Tumpa oyoeta opaete jesaɨ reta. Ngaraa ye kia omano, ani ipɨatɨtɨ, ani oyaeo ani mbae jasɨ. Echa mbaembae tenonde oiko vae opa ma oasa.”

Apocalipsis 7:17

echa Vecha kuimbae taɨrusu vae jókuae guapɨa mbɨte pe oï vae oyangarekota jese reta jare güɨrajata omboɨu ɨ tekove pegua pe, jare Tumpa oyoeta jesaɨ chugüi reta.’ ”

1 SAMUEL 20:41

Jare jembiokuai ojo ma yave, David oë arayevɨ kotɨ güi ita yatɨ oï vae ikupe güi, oyetavatɨka ɨvɨ re mboapɨ ye itindɨasɨ reve, javoi oyoovapɨte jare oñoäpiro reta, ërei David jeta yae oyaeo.