Hechos 20:31 - Biblia Guarani Tumpa Iñee

³¹ Jáeramo peyeandu jare pemaendúa kërai mboapɨ año rupi cheresaɨ reve pomboarakuaa metei ñavo ara rupi jare pɨ̈tu rupi vae re.

Nuevo Testamento Guaraní Pe

³¹ Jae rambue peñeandu, jare pemaendúa quirai cheyaeo reve pomboaracuaa vae re. Mboapɨ año ma jocorai ayapo, ara rupi jare pɨtu rupi —jei—.

Hechos 20:31 ပူးပေါင်းရင်းမြစ်များ

EZEQUIEL 3:21

Ërei jókuae kuimbae jupi vae remboarakuaa yave agüɨye vaerä iyoa, jare mbaetɨ iyoa yave, oikoveñota oiko, echa remboarakuaa; jare nde reroasayepeta nderekove.”

San Mateo 13:25

Ërei kuimbae reta oke ramboeve, jovaicho ou oñotɨ trigoraanga trigo ipɨte rupi, jare ojo ye.

San Mateo 3:7

Jare oecha jeta fariseo reta jare saduceo reta yogüeru Juan oporombobautisa oïa pe yave, jei chupe reta: “Pe reta ko jae mboi reta rami. ¿Kia pa omombeu peve peyerova vaerä Tumpa kotɨ, agüɨye vaerä jae oiporarauka peve?

San Lucas 21:36

Jáeramo peyeandu, jare peyerure avei ara ñavo Tumpa iporoaɨu rupi peasayepe vaerä opaete kuae mbaembae outa vae güi, peyemboɨ vaerä che Kuimbaerä oyeapo vae jóvai.”

Hechos 19:10

Jökorai oyapo mókoi año rupi, jökorai opaete judío jare griego reta Asia pegua oendu ñee yandeYa Jesús regua.

Hechos 19:8

Jayave Pablo oike judío reta itupao pe, jare imiari okɨɨyembae reve. Jare mboapɨ yasɨ oyoaka jare güɨroviauka Tumpa iporookuaía re.

Hechos 20:11

Jayave Pablo oyeupi ye, jare joko pe ñogüɨnoi vae reta opɨ̈saa oyoupe mbɨyape jare okaru reta güire Pablo iköe omboe reta. Javoi ojo chugüi reta.

Hechos 20:19

Ayeokuai yandeYa pe añemomichi reve jare cheresaɨ reve, Judío reta chemboavai jare ikɨ̈reɨ oyapo reta ikavimbae cheve vae jeko pegua.

Hechos 20:7

Jare tenondegua ara semana iyɨpɨ pe oporogüɨrovia vae reta oyemboatɨ opɨ̈saa vaerä mbɨyape yave, Pablo pɨareve pe ma ojota ramo, ipɨarembɨte oporomboe.

Hechos 24:17

Ɨma pe ayu ye cheɨvɨ pe. Aru mbota iparavete vae reta peguarä jare Tumpa peguarä, añererökuavee chupe rami.

1 Corintios 4:14

Mbaetɨ aikuatía körai pomomarai vaerä. Pomboarakuaa ko cheraɨ aaɨu vae rami.

Filipenses 3:18

Echa oime jeta yogüɨreko oyovaicho reve Cristo ikurusu kotɨ vae. Jeta vese ma amombeu peve kuae reta regua, jare añave amombeu ye peve cheresaɨ reve;

Colosenses 1:28

Ore romoërakua Cristo, romboarakuaa jare romboe reve opaete vae, arakuaa re, opaete vae okuakuaa kavi vaerä Cristo Jesús re.

1 Tesalonicenses 5:14

Cherɨvɨ reta, pomoñera vi pemboeta vaerä iyakɨ vae reta pe, jare pemoäta ngatu oyembopɨtu vae jare pemborɨ ipɨ̈ratambae reta, jare pepɨaguasu opaete vae pe.

2 Tesalonicenses 2:5

¿Mbaetɨ pa pemaendúa, che aï pe ndive yave, kuae jae vae?

2 Tesalonicenses 3:8

mbaetɨ vi rokaruiño, romboepɨmbae reve, jaeño täta roparavɨkɨ jare royemoambeko ara rupi jare pɨ̈tu rupi, agüɨye vaerä pomoambeko mbae re.

2 Timoteo 4:5

Ërei nde agüɨye etei ere ereiño, eropɨa tembiporara reta, eyapo ñee ikavi vae imoërakuaa iparavɨkɨ. Eyapo ndeparavɨkɨ.

Hebreos 13:17

Peñeereendu oyangareko peré vae reta pe jare peiko jae reta jeia re, echa jae reta oyangareko oï perekove re, oikuaa reve Tumpa ojäata ko iparavɨkɨ re; jökorai peyapo yave, jae reta oparavɨkɨta Tumpa pe oyerovia reve, ipɨatɨtɨmbae reve, echa ipɨatɨtɨ reve oparavɨkɨ Tumpa pe yave, ngaraa jaekavi.

Apocalipsis 16:15

YandeYa jei: “Mase, ko ayu imonda vae rami, oyerovia ko jókuae oñemokätɨro vae, jare jemimonde omongɨambae vae, agüɨye vaerä inandi reta jare güɨromara inandi.”