Hechos 20:19 - Biblia Guarani Tumpa Iñee

¹⁹ Ayeokuai yandeYa pe añemomichi reve jare cheresaɨ reve, Judío reta chemboavai jare ikɨ̈reɨ oyapo reta ikavimbae cheve vae jeko pegua.

Nuevo Testamento Guaraní Pe

¹⁹ Ayeócuai ñandeYa pe añemomichi reve jare ayaeo reve. Judío reta chemboavai yae. Echa jecuaeño iquɨreɨ reta oyapo icavi mbae vae cheve —jei—.

Hechos 20:19 ပူးပေါင်းရင်းမြစ်များ

SALMOS 119:136

Cheresaɨ oyepɨyere ɨ rami, echa mbaetɨ oyemboete ndeporookuai.

JEREMÍAS 13:17

Ërei mbaetɨ yave peendu kuae, ayaeo vɨarita pepɨapochɨ jeko pegua; cheresaɨ osɨrɨta, echa cheYa imbae vae reta opa oyererajauka tembipɨɨrä.

JEREMÍAS 9:1

¡Mbae mona cheäka ɨkua rami, jare cheresa ɨesaɨ rami, aäpiro vaerä ara rupi jare pɨ̈tu rupi cherëtaɨgua reta omano vae!

San Lucas 19:41

Jare Jesús köiño ma ou Jerusalén güi yave, oecha jare oäpiro,

San Juan 12:26

Oyeokuai cheve vae tojo cherupíe. Cherembiokuai oïta che aïtaa pe. Jare cheRu ombotuichaukata oyeokuai cheve vae.

Hechos 17:13

Ërei judío Tesalónica pegua reta oikuaa Pablo omoërakua vi Berea pegua reta pe Tumpa iñee yave, yogüɨraja joko pe oyapouka tekorai joko pegua reta pe.

Hechos 17:5

Ërei judío oporogüɨroviambae reta iyakatúä Pablo jare Silas re ramo, omboatɨ jeta kuimbae jembiapombae jare jeko pochɨ vae reta, oyapo tekorai tëta guasu pe. Javoi oporepeña reta Jasón jo re oeka tëi Pablo jare Silas, güɨraja vaerä tëta guasu pegua reta jóvai.

Hechos 20:3

Opɨta joko pe mboapɨ yasɨ. Jare barco pe ojota Siria kotɨ yave, oikuaa judío reta oyomboemboe oyapo vaerä ikavimbae vae chupe. Jáeramo Pablo ojo ye ɨvɨ rupi Macedonia rupi.

Hechos 20:31

Jáeramo peyeandu jare pemaendúa kërai mboapɨ año rupi cheresaɨ reve pomboarakuaa metei ñavo ara rupi jare pɨ̈tu rupi vae re.

Hechos 21:27

Jare chiu ara oväeta ma yave, judío Asia pegua reta oecha Pablo tupao pe yave, oyapo reta tekorai jeta vae ndive jare oipɨɨ reta Pablo,

Hechos 27:23

Echa pɨare oyekuaa cheve metei Tumpa iaraɨgua. Jókuae Tumpa imbae ko che jare chupe ayeokuai.

Romanos 1:1

Che Pablo, Jesucristo jembiokuai. Jae cheparavo jemimondorä, jare cheñono tee amoërakua vaerä Tumpa iñee ikavi vae,

Romanos 1:9

Che ayeokuai Tumpa pe opaete chekɨ̈reɨ reve. Echa amombeu ïru vae reta pe ñee ikavi vae Tumpa Taɨ regua. Jae oikuaa kërai ayerure avei chupe peré vae.

Romanos 12:11

Peparavɨkɨ peakɨmbae reve. Peräta ngatu avei peyeokuai yandeYa pe.

2 Corintios 2:4

Echa aikuatía peve chepɨatɨtɨ yae jare cheresaɨ reve. Mbaetɨ aikuatía peve pombopɨatɨtɨ vaerä, jaeño peikuaa vaerä kërai tuicha yae ko cheporoaɨu pekotɨ vae.

2 Corintios 3:5

Opaete mbaembae royapo vae oreyeugüi aeñoä ko. Tumpa güiño ko ou opaete mbaembae royapo vaerä.

2 Corintios 7:5

Echa Macedonia pe royu roväe güive, mbaetɨ etei roputuu, jaeño roiporara yae opaete mbae; ikatu güi, ñeraro reta; japɨpe pe, kɨɨye reta.

Gálatas 1:10

Mbaetɨ etei aipota ɨvɨ pegua reta chembotuicha. Aipota Tumpaño chembotuicha vaerä. Mbaetɨ vi aipota ɨvɨ pegua reta ambopɨakatu vaerä, echa jökorai yave Cristo jembiokuaiä ma ko che.

Efesios 6:7

Peyeokuai pekɨ̈reɨ ngatu reve kavi, yandeYa pe rami, mbaetɨ kuimbae reta pe rami.

Filipenses 3:18

Echa oime jeta yogüɨreko oyovaicho reve Cristo ikurusu kotɨ vae. Jeta vese ma amombeu peve kuae reta regua, jare añave amombeu ye peve cheresaɨ reve;

Colosenses 3:24

Echa peikuaa ko yandeYa omboekoviata peve jókuae omeeta pembaerä vae. Echa peyeokuai ko peï yandeYa Cristo pe.

1 Tesalonicenses 1:9

Echa jae reta etei omombeu ïru vae reta pe kërai ore rojo perëta pe yave kërai oremboresive vae re, jare kërai peeya tumpa-raanga reta jare peyerova Tumpa kotɨ, peyeokuai vaerä Tumpa oikove vae jare añetete vae kotɨ,

2 Timoteo 1:4

Chemaendúa kërai nderesaɨ repɨyere vae re, aipota yae roecha, ayerovia yae vaerä.

Santiago 1:2

Cherɨvɨ reta, jeieteño peyerovia oime yave opaño mbae nunga mbaemboavai ou peve.

1 Pedro 1:6

Jáeramo peyerovia yae kuae re, yepe tëi añave rupi michi pegua pepɨatɨtɨ tai ko oipotagüe mbaemboavai reta jeko pegua.

2 Pedro 1:1

Che Simón Pedro, Jesucristo jembiokuai jare jemimondo, aikuatía peve pe peupitɨ mborogüɨrovia ikavigüe vae ñaneTumpa jare yandeYa Jesucristo jupi vae rupi, ore rami.

Apocalipsis 7:15

‘Jáeramo ñogüɨnoi Tumpa iguapɨa jóvai, jare oyeokuai reta Tumpa pe ara rupi jare pɨ̈tu rupi tupao pe. Mburuvicha iguapɨa pe oguapɨ vae oyangareko aveita jese reta.