Hechos 2:46 - Biblia Guarani Tumpa Iñee

⁴⁶ Jare ara ñavo oyemboatɨ avei reta tupao pe. Jare o ñavo rupi omboyao tembíu oyoupe, okaru päve reta oyerovia jare ipɨakatu reve,

Nuevo Testamento Guaraní Pe

⁴⁶ Jare ara ñavo yogüɨraja pave Tumpa jo pe. Jare o ñavo rupi omboyao tembíu oyoupe jare ocaru pave reta oyerovia jare ipɨacatu reve.

Hechos 2:46 ပူးပေါင်းရင်းမြစ်များ

NEHEMÍAS 8:10

Jaɨkue rupi jei chupe reta: “Pekua, peu soo ikɨra kavi vae jare vino jëe kavi vae, jare pemee vi tokaru mbaetɨ güɨnoi vae reta; echa ara oñeñono tee yandeYa pe vae ko; agüɨye pepɨatɨtɨ, echa yandeYa Tumpa pegua yerovia ñanemomɨ̈rata vae ko.”

SALMOS 86:11

CheYa Tumpa, chemboe aguata vaerä nderemimbota rupi, aiko vaerä jupi rupi nderóvai; eñono kavi chepɨa, amboete vaerä nderee.

ECLESIASTÉS 9:7

Jayave, ekaru kavi ndepɨayerovia reve; echa ndeparavɨkɨ omboyerovia ko Tumpa.

San Mateo 6:22

Yanderesa ko tembipe rami yanderete peguarä. Jayave, nderesa ikavi yave, nderete tɨnɨeta tembipe pe.

San Lucas 11:41

Pemee pepɨakatu reve penoigüe paravete vae reta pe. Jókuae rupi ïru vae reta oikuaata ikɨambae ko pepɨa.

San Lucas 24:30

Jare oguapɨ ma mesa pe okaru vaerä yave, Jesús oipɨɨ mbɨyape jare omee yasoropai jese Tumpa pe, opɨ̈saa jare omee chupe reta.

San Lucas 24:53

Jare ñogüɨnoi avei tupao pe omboete reve Tumpa. Amén.

Hechos 16:34

Jayave tembipɨɨrɨru iyangarekoa güɨraja jëta pe omongaru Pablo jare Silas. Jare jae jare opaete jo pegua reta oyerovia yae güɨrovia reta ramo Tumpa re.

Hechos 2:42

Jare jekuae oporogüɨrovia vae reta oyemboe avei temimondo reta iporomboe re, jare opaete metei ramiño ñogüɨnoi. Oyemboatɨ avei reta, omboyao tembíu oyoupe, jare oyerure Tumpa pe.

Hechos 20:7

Jare tenondegua ara semana iyɨpɨ pe oporogüɨrovia vae reta oyemboatɨ opɨ̈saa vaerä mbɨyape yave, Pablo pɨareve pe ma ojota ramo, ipɨarembɨte oporomboe.

Hechos 3:1

Pedro jare Juan yogüɨraja päve tupao pe, Tumpa pe oyerure vaerä, mboapɨ ora ma kaaru yave.

Hechos 5:21

Kuae oendu güire, Pedro jare Juan oike tupao pe ndeimboveasɨ jare oporomboe reta. Jökorai ramboeve, sacerdote tenondegua ete jare jae ndive ñogüɨnoi vae reta oenɨi opaete mburuvicha judío reta jare Israel iñemuña itenondegua reta. Jare omondo reta güeruruka vaerä tembipɨɨrɨru güi temimondo reta.

Hechos 5:42

Jare ara ñavo tupao pe jare o reta rupi ikueraimbae reve oporomboe jare omoërakua reta Jesucristo regua.

Romanos 12:8

oporomboarakuaa vaerä vae, toporomboarakuaa kavi. Mbae ipuere omee ïru vae pe vae, tomee ipɨa yerovia reve kavi. Tenondeguarä oï vae, toporookuai kavi. Oporomborɨ vaerä vae, toyapo oyerovia reve.

1 Corintios 10:16

Yasoropai ñamee vino yau vae re yave ¿ñaïä pa meteiño Cristo ndive jugüɨ re? Jaeramiño vi ñapɨ̈saa mbɨyape yave ¿ñaïä pa meteiño Cristo ndive jete re?

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

2 Corintios 11:3

Ërei aipoɨu, güɨramoi jókuae mboi ipoki oporombotavɨ vaerä vae ombotavɨ Eva rami, peyembotavɨuka jare pepia Cristo güi.

Efesios 6:5

Tembiokuai reta, peyapo peya reta jei vae pemboete reve jare peipoɨu reve, jupi reve kavi, Cristo pe peyeokuai rami.

DEUTERONOMIO 12:12

Jare peyerovia yandeYa Tumpa jóvai, pe, peraɨ reta, perayɨ reta, perembiokuai kuimbae reta jare perembiokuai kuña reta, jare Leví iñemuña reta yogüɨreko pepɨte pe vae, echa chupe reta mbaetɨ oñemee ɨvɨ, peve oñemee rami.

DEUTERONOMIO 12:7

Joko pe pekaru yandeYa Tumpa jóvai, jare peyerovia katu pero pegua reta ndive peparavɨkɨagüe re, yandeYa Tumpa iporerekua peré vae rupi.

DEUTERONOMIO 16:11

Jare peyapo arete yandeYa Tumpa jóvai, peraɨ jare perayɨ reta, perembiokuai kuimbae jare perembiokuai kuña, Leví iñemuña reta yogüɨreko perëta guasu pe vae, jare ketɨgua, tɨ̈reɨ, imemano vae yogüɨreko pepɨte pe vae ndive, jókuae yandeYa Tumpa oiparavo jee oï vaerä pɨpea pe.

Colosenses 3:22

Tembiokuai reta, peñeereendu katu peya reta ɨvɨ pegua pe. Agüɨye peyeokuai omae oï peré yaveño, jókuae ikɨ̈reɨ omboyerovia vaerä vae reta rami. Jaeño pepɨa-kɨ̈reɨ ngatu reve, jare peipoɨu reve Tumpa güi.