Hechos 2:4 - Biblia Guarani Tumpa Iñee

⁴ Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

Nuevo Testamento Guaraní Pe

⁴ Jayave opaete joco pe ñogüɨnoi vae reta tɨnɨe Espíritu Santo pe, jare omboɨpɨ imiari ambué vae iñee Espíritu Santo omee chupe reta imiari vaera vae pe.

Hechos 2:4 ပူးပေါင်းရင်းမြစ်များ

2 SAMUEL 23:2

YandeYa iEspíritu jei cherupi; iñee oime oï cheyuru pe.

ISAÍAS 28:11

Ërei, mbaetɨ oipota reta oendu yave, Tumpa omomiarita ñee yavai yae vae rupi, ketɨgua ñee rupi.

ISAÍAS 59:21

YandeYa jei: “Kuae jae cheporogüɨrökuavee päve ayapo pe reta ndive vae, chembaepuere jare cheporomboe ngaraa oata peve jare peñemuña reta pe.” Jei yandeYa jekuae avei pegua.

JEREMÍAS 6:11

Chearasɨ yae vi ko aï ndearasɨ ramo cheYa, mbaetɨ ma chepuere chepɨaguasu.” YandeYa jei cheve: “Eitɨ chearasɨ michia reta kaye rupigua re, taɨrusu reta yatɨ yatɨ vae re. Toyereraja tembipɨɨrä kuimbae reta jembireko reve reve, ndechi reta jare indechiasɨ vae reta.

EZEQUIEL 3:11

Javoi ekua nerëtaɨgua reta tembipɨɨrä ñogüɨnoi ïru ɨvɨ pe vae pɨri, güɨramoi oyeapɨsaka reta ani mbaetɨta oyeapɨsaka reta nderé, ërei ere chupe reta: ‘Körai jei yandeYa Tumpa.’ ”

MIQUEAS 3:8

Ërei che anoi yandeYa iEspíritu rupi mbaepuere, jupi vae jare mɨ̈rata, aechauka vaerä Israel iñemuña reta pe ipɨarai jare iyoa.

San Mateo 10:19

Ërei jae reta pemee yave, agüɨye peyemoambeko mbae ra ani kërai ra pereta mburuvicha reta pe vae re. Echa pemiarita yave oñemeeta peve mbae pere vaerä.

San Marcos 16:17

Jare güɨrovia vae reta cheree re ombosɨrɨta aña reta oya jese vae reta güi. Jare imiari retata ïru ñee pe.

San Lucas 1:15

Echa tuichagüe yaeta ko Tumpa jóvai. Jae ngaraa etei jou vino ani mbae oporombosavaɨpo vae. Jare tɨnɨeta Espíritu Santo pe ichɨ jɨe peve.

San Lucas 1:41

Elisabet oendu yave María iñee, Elisabet imembɨ raɨ omɨi jɨe pe. Jare Elisabet tɨnɨe Espíritu Santo pe.

San Lucas 1:67

Jayave Zacarías jae ko Juan tu tɨnɨe Espíritu Santo pe jare omoërakua maratuta vae regua jei reve:

San Lucas 12:12

Echa Espíritu Santo ko pemboeta mbae pere vaerä jókuae ora pe.”

San Lucas 21:15

Echa che ameeta peve ñee jare arakuaa, metei ave perovaicho reta mbaetɨta ipuere peré ani peaka.

San Lucas 4:1

Jesús ou ye ɨ̈aka Jordán güi. Jae tɨnɨe Espíritu Santo pe. Jayave Espíritu Santo güɨraja Jesús ñuu pe.

San Juan 14:26

Ërei jókuae Oporombopɨakatuta vae Espíritu Santo CheRu ombouta peve cheree re vae, pemboeta opaete mbaembae re, jae pemomaenduata opaete che jae peve vae re.

San Juan 20:22

Jare kuae jei ma yave, oipeyu ikotɨ reta jei reve: —Pemboresive Espíritu Santo.

Hechos 1:5

Juan oporombobautisa ɨ pe, ërei pe reta mbovɨ ara peño peyembobautisata ma Espíritu Santo pe.

Hechos 1:8

Ërei pe reta penoita mbaepuere ou yave Espíritu Santo peré, jare pemombeuta cheregua Jerusalén pe, opaete Judea rupi, Samaria rupi jare opaete ɨvɨ rupi.

Hechos 10:46

Echa jae reta oendu imiari reta ambuae ñee reta pe jare omboete reta Tumpa.

Hechos 10:47

Jayave Pedro jei: —¿Kia pa omboavaita agüɨye vaerä oyembobautisauka kuae Espíritu Santo ou ma jese reta vae, yanderé ou rami?

Hechos 11:15

Jayave che amboɨpɨ chemiari chupe reta yave, Espíritu Santo ou jese reta, yanderé tenonde yave ou rami.

Hechos 11:24

Echa Bernabé ko jae kuimbae jupi vae, oporogüɨrovia kavi jare tɨnɨe Espíritu Santo pe vae. Jare jeta vae oñemoïru oporogüɨrovia vae yandeYa re.

Hechos 13:52

Ërei oporogüɨrovia vae reta oyerovia yae, jare tɨnɨe Espíritu Santo pe.

Hechos 13:9

Ërei Saulo oyeero Pablo pe vae tɨnɨe Espíritu Santo pe, jare omae ngatu Elimas re,

Hechos 15:8

Tumpa ko oikuaa opaete vae ipɨa vae, jae oechauka jae reta güɨrovia ko. Echa omee chupe reta Espíritu Santo, yandeve omee rami.

Hechos 19:6

Jayave Pablo oñono ipo jese reta yave, ou jese reta Espíritu Santo, jare jae reta imiari ambuae ñee reta pe, jare omoërakua reta Tumpa iñee.

Hechos 2:3

Jare oyekuaa chupe reta tataendɨ rami vae, jókuae ogüeyɨ metei vae ñavo re.

Hechos 4:31

Jare opa oyerure yave, yatɨ ñogüɨnoia okana. Jare opaete jae reta tɨnɨe Espíritu Santo pe, jare imiari reta Tumpa iñee re okɨɨyembae reve.

Hechos 4:8

Jayave Pedro tɨnɨe Espíritu Santo pe, jare jei chupe reta: —Tëta ruvicha reta jare Israel iñemuña reta itenondegua reta:

Hechos 6:3

Jáeramo peiparavo pepɨte güi, chiu kuimbae reta jërakua kavi vae reta, tɨnɨe Espíritu Santo pe jare iyarakuaa katu vae reta. Jae reta toyapo kuae mbaravɨkɨ.

Hechos 6:5

Kuae jaekavi jeta vae reta pe, jare oiparavo reta Esteban jae ko kuimbae iporogüɨrovia kavi jare tɨnɨe Espíritu Santo pe vae, Felipe, Prócoro, Nicanor, Timón, Parmenas jare Nicolás tëta guasu Antioquía pegua judiorä oyeapo vae.

Hechos 6:8

Jare Esteban tɨnɨe Tumpa iporerekua jare imbaepuere pe, oyapo tuichagüe mɨakañɨ reta opaete vae reta ipɨte pe.

Hechos 7:55

Ërei Esteban tɨnɨe Espíritu Santo pe, jare omae ara kotɨ, jare oecha Tumpa iyemboete jare Jesús oï Tumpa iyakatu kotɨ.

Hechos 8:17

Jayave Pedro jare Juan oñono ipo jese reta, jare omboresive reta Espíritu Santo.

Hechos 9:17

Jayave ojo Ananías oike o Saulo oïa pe. Jare oñono ipo jese jare jei chupe: —Tëtara Saulo, yandeYa Jesús oyekuaa ndeve, reyu ramboeve tape rupi vae, chembou reecha ye vaerä, jare netɨnɨe vaerä Espíritu Santo pe.

Romanos 15:13

Tumpa moroäro omee vae, tomee peve yerovia jare mbɨakatu peporogüɨrovia rupi. Penoi vaerä moroäro Espíritu Santo imbaepuere rupi.

1 Corintios 12:10

Ïru vae pe omee oyapo vaerä mɨakañɨ reta, ïru vae pe omee omombeu vaerä Tumpa iñee, ïru vae pe omee oikuaa vaerä Espíritu añete vae jare añetembae vae, ïru vae pe omee imiari vaerä ñee reta ambuae pe, jare ïru vae pe omee omombeu kavi vaerä ñee reta ambuae mbae ra oipota jei vae.

1 Corintios 13:1

Chemiari yave ambuae ñee reta pe jare araɨgua reta iñee pe, ërei mbaetɨ aporoaɨu yave, ayu ko apɨta kapana ipu rami jare platillo ipu rami.

1 Corintios 13:8

Mboroaɨu ngaraa etei opa. Ërei mbae maratuta vae imombeúa opata ko. Jaeramiño vi ambuae ñee reta pe imiari vae opata ko. Jare arakuaa reta opata vi.

1 Corintios 14:18

Che amee yasoropai Tumpa pe, jeta chemiari ambuae ñee reta pe opaete pegüi reta vae re.

1 Corintios 14:5

Che aipotaecha opaete pe reta pemiari vaerä ambuae ñee reta pe. Ërei aipota yae vae jae ko pemoërakua vaerä mbae maratuta vae re. Echa Tumpa güi omoërakua vae oyapɨraa ambuae ñee pe imiari vae; ërei ñee ambuae vae omombeu kavi mbae ra oipota jei vae yave, oporogüɨrovia vae reta pe omomɨ̈ratata.

Efesios 3:19

jökorai peikuaa Cristo iporoaɨu oyapɨraa ko opaete arakuaa, petɨnɨe vaerä Tumpa pe.

Efesios 5:18

Agüɨye peyembosavaɨpo, echa jókuae reta oyapo jeta mbae ikavimbae vae. Ërei pemaeño Espíritu Santo re omotɨnɨe vaerä pepɨa.

Efesios 6:18

Peyerure avei, pemoñera Tumpa Espíritu rupi. Peyerure avei agüɨye vaerä pekuérai. Jekuaeño peyerure Tumpa pe opaete oporogüɨrovia vae reta re;

1 Pedro 1:12

Tumpa oechauka jókuae reta pe vae chupegua retaä ko, yandeveguarä ko, jae reta omombeu añave oñemoërakua oï peve ñee ikavi vae Espíritu Santo rupi ara güi ombou vae, jare araɨgua reta oipota yae tëi omae kuae mbaembae re.

2 Pedro 1:21

echa ñeemombeúa reta mbaetɨ imiari ipɨa jemimbota rupi aeño. Espíritu Santo etei omombeu chupe reta jei reta vaerä Tumpa iñee.

1 SAMUEL 1:14

Jayave Elí jei chupe: —¿Kërai yave regua pa resavaɨpota reï? ¡Ekuera mo vino güi!

1 SAMUEL 10:10

Jare opa yogüɨraja reta oväe jókuae ɨvɨtɨ oïa pe yave, ko jókuae mbovɨ ete ñeemombeúa reta vae oñoövaiti jae ndive, jare Tumpa iEspíritu ou jese mbaepuere ndive, jare omombeu Tumpa iñee jae reta ndive.