Hechos 2:38 - Biblia Guarani Tumpa Iñee

³⁸ Jayave Pedro jei chupe reta: —Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

Nuevo Testamento Guaraní Pe

³⁸ Jayave Pedro jei chupe reta: —Peeya peñemongueta icavi mbae vae pepɨa pe oi vae, jare peñembobautizauca Jesucristo jee re, Tumpa iñɨro vaera peve pembaeyoa reta re. Jare jae omeeta peve Espíritu Santo —jei—.

Hechos 2:38 ပူးပေါင်းရင်းမြစ်များ

ISAÍAS 32:15

Ërei yandeYa iEspíritu outa yanderé ɨvate güi, jayave ɨvɨ ipombae, ikavi yeta oñemaetɨ pɨpe vaerä, jare ɨvɨ kavi jeiete yaeta ikavi.

ISAÍAS 59:20

Outa Oporoepɨ vae Sión pe, jare opaete Jacob iñemuña reta oeya iyoa vae pɨri. Jökorai yandeYa jei.

ISAÍAS 59:21

YandeYa jei: “Kuae jae cheporogüɨrökuavee päve ayapo pe reta ndive vae, chembaepuere jare cheporomboe ngaraa oata peve jare peñemuña reta pe.” Jei yandeYa jekuae avei pegua.

EZEQUIEL 39:29

Ngaraa ma ayembosɨrɨ chugüi reta, echa ameeta chembaepuere Israel iñemuña reta pe. Che peYa Tumpa jae kuae.”

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

San Mateo 28:19

Jáeramo pekua pemboe opaete tëtaguasu pegua reta cheremimboerä, jare pembobautisa cheRu jee re, cheree re jare Espíritu Santo jee re.

San Mateo 3:2

Jei reve: “Peeya peyemongeta ikavimbae vae pepɨa pe penoi vae. Echa outa ma oväe araɨgua mborookuaía.”

San Mateo 3:6

Jare Juan ombobautisa reta ɨ̈aka Jordán pe iyoa reta opa omombeu güire.

San Mateo 4:17

Jayave güive Jesús omboɨpɨ omombeu Tumpa iñee, jei: “Peeya peyemongeta ikavimbae vae pepɨa pe penoi vae. Echa ou ma oväe araɨgua mborookuaía.”

San Marcos 1:15

Jei reve: “Ara oväe ma, outa ma oväe Tumpa iporookuaía. Peeya peyemongeta ikavimbae vae pepɨa penoi vae, jare perovia ñee ikavigüe vae.”

San Marcos 16:16

Güɨrovia vae jare oyembobautisauka vae oyemboasaukata ko. Ërei jókuae mbaetɨ güɨrovia vae okañɨteita ko.

San Lucas 24:47

jare kërai oñemoërakuata jee re Jerusalén güive opaete tëtaguasu rupi oeya vaerä iyemongeta ikavimbae vae ipɨa pe güɨnoi vae jare Tumpa iñɨ̈ro vaerä chupe reta iyoa reta re.

San Lucas 3:10

Jayave joko pe ñogüɨnoi vae reta oparandu Juan pe: —Jayave ¿Mbae pa royapota?

Hechos 10:43

Kuae regua ko omoërakua opaete ñeemombeúa reta. Jae reta jei Tumpa iñɨ̈rota opaete jese güɨrovia vae reta pe iyoa re Jesús jee re.

Hechos 10:48

Jayave Pedro oyókuai oyembobautisauka vaerä yandeYa Jesús jee re. Jayave joko pegua reta omoñera Pedro opɨta vaerä jae reta ndive mbovɨ ara pegua.

Hechos 13:38

Jáeramo, tëtara reta, peikuaa kavi oñemoërakua peve Jesús rupi Tumpa iñɨ̈rota peve peyoa reta re vae.

Hechos 16:15

Jare oyembobautisauka opaete jo pegua reta ndive güire, jei oreve: —Perovia ko che arovia ete kavi yandeYa re yave, peyu pepɨta chero pe. Jare oremoñera ropɨta vaerä joko pe.

Hechos 17:30

Ërei Tumpa ɨma rupi mbaetɨ oiporarauka oikuaambae vae reta pe. Ërei añave jae oyókuai opaete ɨvɨ pegua reta oeya vaerä iyemongeta ikavimbae vae ipɨa pe güɨnoi vae.

Hechos 20:21

Amombeu reve judío reta jare judiombae vae reta pe oyerova vaerä Tumpa kotɨ jare güɨrovia yandeYa Jesucristo re.

Hechos 22:16

Añave ¿mbae pa reäro? Epüa eyembobautisauka reyerure reve chupe, ndeyoa reta oyemboai vaerä.’

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

Hechos 26:20

jaeño amboɨpɨ amoërakua Damasco pegua reta pe, jare Jerusalén pegua reta pe, opaete Judea pegua reta pe jare judiombae vae reta pe. Amombeu chupe reta oeya vaerä jeko ikavimbae vae jare oyepoepɨ vaerä Tumpa kotɨ, oechauka reve jeko rupi oyepoepɨ reta ko vae.

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,

Hechos 5:31

Ërei kuae Jesús, Tumpa imbaepuere rupi oñono Tenondeguarä jare Oporomboasa vaerä, Israel pegua reta oeya vaerä iyemongeta ikavimbae vae ipɨa pe güɨnoi vae, jare Tumpa iñɨ̈ro vaerä chupe reta iyoa reta re.

Hechos 8:12

Ërei Felipe omoërakua ñee ikavi vae Tumpa iporookuaía regua jare Jesucristo regua yave, kuimbae reta jare kuña reta oyembobautisauka.

Hechos 8:20

Ërei Pedro jei chupe: —Nde rekañɨteita ko ndekorepoti ndive. Echa reyemongeta regua vaerä korepoti re mbota Tumpa omee vae.

Romanos 6:3

ani ¿mbaetɨ pa peikuaa opaete yande yayembobautisa Cristo Jesús re vae, yayembobautisauka ma ko imano re?

Efesios 1:7

jugüɨ rupi yandereepɨ ma, Tumpa iñɨ̈ro vaerä yandeve yandeyoa reta re, ipɨakavi yae rupi,

Tito 3:5

yandemboasa, mbaetɨ jupi vae yayapo ramo, jaeño yandemboasa iporoparareko rupi, yandeyoe ɨ pe, ombopɨau yanderekove Espíritu Santo rupi.

1 Pedro 3:21

Jókuae ɨ ombojaanga añave pe reta peyemboasauka peyembobautisauka yave Jesucristo oikove ye ou omanogüe vae reta ipɨte güi ramo. Pepuereä peyemboasauka peyoe perete vae rupi. Jaeño peyemongeta kavi yave Tumpa kotɨ.