Hechos 2:33 - Biblia Guarani Tumpa Iñee

³³ Jare Tumpa güɨraja güire oñono iyakatu kotɨ, jare omee chupe jókuae jei omeeta chupe Espíritu Santo vae. Jáeramo Jesús etei ko ombou kuae peecha jare peendu vae.

Nuevo Testamento Guaraní Pe

³³ Tumpa güɨraja ma ara pe imbaepuere pe, jare omee chupe jocuae güɨrocuavee chupe Espíritu Santo re vae. Jae rambue Jesús etei ombou cuae peecha jare peendu vae —jei Pedro chupe reta—.

Hechos 2:33 ပူးပေါင်းရင်းမြစ်များ

SALMOS 118:16

¡YandeYa imbaepuere tuicha yae ko! ¡YandeYa imbaepuere oporomoamɨri!”

SALMOS 89:19

Jayave nemiari yepi nderembiokuai reta pe körai: “Aiparavo metei jëia yae vae, chembae vae reta ipɨte pe, ambotuicha yae jare amborɨ.

SALMOS 89:24

Cheporoparareko jare cheñee añete vae oikota jae ndive, cheree re imbaepuere tuicha yaeta.

ISAÍAS 52:13

Mase, cherembiokuai oyekou yaeta ko, oyembotuichaukata jare jërakua yaeta.

ISAÍAS 53:12

Jáeramo, che ameeta chupe oï vaerä jëia yae vae reta ndive, jare imbaepuere vae reta ndive omboyaota ñeraroa pe mbae opɨ̈rogüe; echa omee ramo jekove omano regua, jare oyepapa iyoa vae reta ndive, güɨraja ramo jeta vae reta iyoa, jare oyerure iyoa vae reta re.

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

San Marcos 16:19

Jayave yandeYa opa imiari yave jae reta ndive, ojo ara pe, jare oguapɨ Tumpa iyakatu kotɨ.

San Lucas 24:49

Mase, che ambouta peve cheRu güɨrökuavee peve vae. Ërei pepɨta tëta guasu Jerusalén pe ou regua peré mbaepuere ara güi.

San Juan 14:16

Jare che ayerureta cheRu pe jae ombou vaerä peve ïru Oporombopɨakatu vae. Oiko avei vaerä pe ndive.

San Juan 14:26

Ërei jókuae Oporombopɨakatuta vae Espíritu Santo CheRu ombouta peve cheree re vae, pemboeta opaete mbaembae re, jae pemomaenduata opaete che jae peve vae re.

San Juan 15:26

Ërei ambou ma peve cheRu güi Oporombopɨakatuta vae jae ko Espíritu añete pegua, cheRu güi ou vae yave, jae imiarita peve cheregua.

San Juan 17:5

Ndei ɨvɨ oyeapo mbove aiko nde ndive yave ayemboeteuka ko. Jökorai añave chemboeteuka ye ndeɨpɨ pe.

Hechos 1:4

Jare jae oï vɨteri jae reta ndive yave, oyókuai agüɨye vaerä yogüɨraja tëta guasu Jerusalén güi. Oyókuai oäro vaerä yandeRu omeeta chupe reta vae. Echa jei chupe reta: —Jókuae re chemiari ma peve.

Hechos 10:45

Jare judío oporogüɨrovia vae Pedro jupíe yogüeru vae reta ipɨakañɨ, kërai judiombae vae reta pe vi oñemee Espíritu Santo vae re.

Hechos 2:17

‘Jare ara reta taɨkuegua pe, jei Tumpa: Ambouta cheEspíritu opaete vae reta pe. Peraɨ reta jare perayɨ reta omombeuta cheregua. Jare kunumi reta oechata Tumpa oechauka vae jare indechi vae opaɨuta.

Hechos 5:31

Ërei kuae Jesús, Tumpa imbaepuere rupi oñono Tenondeguarä jare Oporomboasa vaerä, Israel pegua reta oeya vaerä iyemongeta ikavimbae vae ipɨa pe güɨnoi vae, jare Tumpa iñɨ̈ro vaerä chupe reta iyoa reta re.

Romanos 5:5

Jare jókuae ñaäro yayerovia reve vae, ngaraa yandembotavɨ. Echa Tumpa iporoaɨu oime ma yandepɨa Espíritu Santo oñemee yandeve vae rupi.

Gálatas 3:14

Abraham pe Tumpa güɨrökuavee vae oupitɨ vaerä Cristo Jesús rupi judiombae reta, jare yande ñanoi vaerä Espíritu mborogüɨrovia rupi.

Efesios 1:13

Jare pe reta vi perovia Cristo re, peendu yave ñee añete vae, ñee ikavi vae yemboasa pegua yave, Tumpa pemokañɨmaa Espíritu Santo jae güɨrökuavee vae pe.

Efesios 4:8

oyekuatía oï rami: “Oyeupi ɨvate, güɨraja reve tembipɨɨ reta, omee mbota reta kuimbae reta pe.”

Tito 3:6

Echa Tumpa ñanemotɨnɨe Espíritu Santo pe, Yandemboasa vae Jesucristo rupi.

Hebreos 10:12

Ërei Cristo omee jete metei veseño jekuae avei pegua, javoi oguapɨ Tumpa iyakatu kotɨ.

Hebreos 2:9

Ërei yaikuaa ko Jesús, Tumpa omomichi mí araɨgua reta güi vae tuichagüe yae jare imboetea yae, imano jeko pegua. Jökorai Tumpa ipɨakavi jeko pegua omano opaete re.

1 Pedro 1:21

Jare Cristo rupi perovia Tumpa re, echa Tumpa omoingove ye Cristo omanogüe reta ipɨte güi jare omboeteuka, perovia vaerä jare peäro vaerä Tumpa re.

1 Pedro 3:22

Jesucristo ojo ma ara pe vae oime oï Tumpa iyakatu kotɨ; jae jeia re ñogüɨnoi araɨgua reta, mburuvicha reta jare mbaepuere güɨnoi vae reta.