Hechos 2:3 - Biblia Guarani Tumpa Iñee

³ Jare oyekuaa chupe reta tataendɨ rami vae, jókuae ogüeyɨ metei vae ñavo re.

Nuevo Testamento Guaraní Pe

³ Jayave oyecuaa chupe reta tataendɨ rami. Cuae oyecuaa metei ñavo iyapɨte re.

Hechos 2:3 ပူးပေါင်းရင်းမြစ်များ

GÉNESIS 11:6

jare jei: “Kuae reta metei ramiño, jare iñee reta metei ramiño vi; añave omboɨpɨ reta kuae mbaravɨkɨ jare ngaraa mbae omboavai reta kuae oyemongeta oyapo vaerä vae güi.

SALMOS 55:9

CheYa, emboai reta, embojopa iñee reta, echa jaeño aecha tekorai jare ñomotareɨ tëtaguasu pe.

ISAÍAS 6:5

Jayave jae: “¡Atataɨ, maera pa ko amanota! Echa che kuimbae iyuru ikɨa Tumpa jóvai reve, jare tëta iyuru ikɨa Tumpa jóvai vae reta ipɨte pe aiko reve aecha Mburuvicha guasu, yandeYa Imbaepuere yae ete vae.”

JEREMÍAS 23:29

Cheñee ko tata rami, jare martillo opa oyoka ita guasu vae rami. Che ndeYa ko jae kuae.

San Mateo 3:11

Añete che pombobautisa ɨ pe peeya vaerä peyemongeta ikavimbae vae pepɨa pe penoi vae. Ërei cheraɨkue rupi outa imbaepuere yae chegüi vae. Mbaetɨ jupi ipɨapaa araja vaerä ave Jae pembobautisata Espíritu Santo pe jare tata pe.

San Mateo 3:15

Jayave Jesús jei chupe: —Ikavi ko nde chembobautisa vaerä añave, echa jökorai yayapo opaete jupi vae. Jayave Juan ombobautisa Jesús.

San Lucas 24:32

Jayave jei reta oyoupe: —Jáeramo yepe imiari ou oiko yandeve tape rupi yave yandembopɨa-kërai etei, omombeu kavi yandeve Tumpa Iñee re yave.

Hechos 1:15

Jare jókuae ara reta rupi Pedro imiari oporogüɨrovia vae reta ciento veinte rupi oyemboatɨ ñogüɨnoi vae pe, jei:

Hechos 2:2

Jare güɨramoiño oyeendu jɨapu ou ara güi ɨvɨtu täta oyepeyu vae rami. Täta jɨapu jókuae o ñogüɨnoia pe.

Hechos 2:4

Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

1 Corintios 12:10

Ïru vae pe omee oyapo vaerä mɨakañɨ reta, ïru vae pe omee omombeu vaerä Tumpa iñee, ïru vae pe omee oikuaa vaerä Espíritu añete vae jare añetembae vae, ïru vae pe omee imiari vaerä ñee reta ambuae pe, jare ïru vae pe omee omombeu kavi vaerä ñee reta ambuae mbae ra oipota jei vae.

Santiago 3:6

Ñanekü metei tata rami ko. Tɨnɨe ikavimbae pe. Ñanekü oï yanderete pe, ërei omongɨa opaete yanderete; tata ogüembae rami ko yaikove yaiko ramboeve. Jare kuae ikavimbae vae ou ko kañɨtei güi etei.

Apocalipsis 11:3

Jare ambouta mókoi kuimbae chemoërakua vae reta, omoërakua vaerä mil dosciento sesenta ara, oyemonde reta reve temimonde mbɨatɨtɨ pegua pe.”

Apocalipsis 14:6

Jare aecha ïru araɨgua oveve ara mbɨte rupi, güɨnoi omoërakua vaerä ñee ikavi vae opambae vae ɨvɨ pegua reta pe, opaete tëtaguasu reta pe, ñemuña reta, ñee ambuae mbuae reta pe jare tëta reta pe,