Hechos 2:23 - Biblia Guarani Tumpa Iñee

²³ Kërai Jesús oñemee peve, oyembopo vaerä Tumpa jei jare oikuaa voi ma oyeapo vaerä vae yave, pe reta peipɨɨ peikutuuka kurusu re kuimbae iyoa vae reta pe, jökorai peyukauka.

Nuevo Testamento Guaraní Pe

²³ Cuae Jesús oñemoeterenga omano vaera, Tumpa jemimbota oyeapo vaera. Tumpa oicuaa opaete ndei oyeapo mbove. Erei pe reta peipɨɨ peicutuca curusu re cuimbae jeco pochɨ vae reta pe peyucauca —jei—.

Hechos 2:23 ပူးပေါင်းရင်းမြစ်များ

GÉNESIS 50:20

Pe reta peyemongeta ikavimbae chekotɨ, ërei Tumpa oipoepɨ ikavimbae vae ikavi vae pe, oyeapo vaerä añave yaecha vae, oasayepe vaerä jeta tekove.

SALMOS 76:10

Kuimbae iyarasɨ ndemboeteukata; ¡michi yae iyarasɨ vae ave ndemboeteukata!

ISAÍAS 37:26

¿Mbaetɨ pa reikuaa, che Tumpa ko ayapo opaete kuae mbaembae reta vae? Arakae güive voi ma ko opa amboyupavo añono kuaekuae, jae ko aru ma oyeapo añave; jáeramo ko nde remoamɨri tëta guasu reta ikësea kavi vae, jare opaetei remboaiasɨ reeya.

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

San Mateo 20:19

jare chemeeta judiombae vae reta ipo pe. Jae reta cheyóyai yoyaita, chenupata retata chikote pe, jare chekutu retata kurusu re. Ërei mboapɨ araa pe aikove yeta.

San Mateo 26:24

Che Kuimbaerä ayeapo vae pe oyeapo ñotai ko oyekuatía oï cheré vae rami. Ërei, ¡paravete jókuae kuimbae chemboeterengata vae! Ikavi yae viña jókuae kuimbae mbaetɨ oa yave.

San Mateo 27:35

Sundaro reta opa güire oikutu kurusu re, omboyao reta oyoupe Jesús jemimondegüe, oyombosuerte reta jese, jökorai oyembopo vaerä ñeemombeúa jei vae. Echa jei: “Omboyao reta cheremimonde oyoupe, oyombosuerte reta cheremimonde re.”

San Marcos 15:24

Sundaro reta opa güire oikutu kurusu re, omboyao reta oyoupe Jesús jemimondegüe, oyombosuerte reta jese. Oikuaa vaerä mbae nunga etei ra güɨrajata iyeupe vae.

San Lucas 22:22

Añete ko, che Kuimbaerä ayeapo vae pe oyeapo ñotai ko Tumpa jei oyeapota cheve vae. Ërei, ¡paravete jókuae kuimbae chemboeterengata vae!

San Lucas 22:37

Echa che jae peve, oyeapotai ko cheve Tumpa Iñee pe oyekuatía oï cheré vae. Echa jei körai: “Oyepapa iyoa vae reta ndive.” Echa oyekuatía oï cheregua vae, oyembopota ko.

San Lucas 23:33

Jare yogüɨraja oväe Äkagüe-renda jee vae pe. Joko pe sundaro reta oikutu kurusu re Jesús jare kuimbae reta ikavimbae vae iyapoa reta. Oñono reta metei Jesús iyakatu kotɨ jare ïru iyasu kotɨ.

San Lucas 24:20

Ërei kërai sacerdote reta itenondegua reta jare oreruvicha reta omboeterenga oyeyukauka vaerä. Jare oikutu reta kurusu re.

San Juan 19:18

Joko pe oikutu reta Jesús kurusu re. Oikutu reta vi ïru mókoi kuimbae reta iyɨke yɨke pe. Jesús oï mbɨte pe.

San Juan 19:24

Jayave sundaro reta jei oyoupe: —Agüɨye yamondoro, yayembosuerte jese, yaikuaa vaerä kia ra güɨrajata vae. Körai oyeapo Tumpa Iñee pe oyekuatía oï vae oyembopo vaerä. Echa oyekuatía oï körai: “Omboyao reta oyoupe cheremimonde; jare cheremimonde re oyombosuerte reta.” Jökorai oyapo sundaro reta.

Hechos 13:27

Echa Jerusalén pegua reta jare juvicha reta mbaetɨ oikuaa kia ra ko Jesús vae ani ñeemombeúa reta jeigüe, ara mbutuu ñavo pe jae reta omongeta tëi vae. Jáeramo jae reta jei Jesús oyeyukauka vaerä, jare jökorai ombopo reta oyekuatía oï jese vae.

Hechos 15:18

Che peYa aikuaauka kuae arakae güive vae, jae körai.”

Hechos 2:36

Israel iñemuña reta, peikuaa kavi kuae, jókuae Jesús peikutu kurusu re vae, añetete ko Tumpa oyapo ma yandeYarä jae Cristo ramo.”

Hechos 3:18

Ërei jökorai oyapo Tumpa, opaete ñeemombeúa reta rupi jei rami. Echa jei Cristo oiporara ñotai ko.

Hechos 4:28

Ombopo reta vaerä ndembaepuere rupi arakae voi ma rere oyeapo vaerä vae.

Hechos 5:28

—Ore poyókuai tëi ma agüɨye ye vaerä peporomboe jókuae kuimbae jee re. Ërei pe reta pemotɨnɨe opaete Jerusalén peporomboe pe. Jare peipota pemboya jókuae kuimbae imano oreré.

Hechos 5:30

Ñaneñemuñagüe reta iTumpa omoingove ye Jesús, pe reta peikutu kurusu re peyuka vae.

Hechos 7:52

Peñemuñagüe reta oyapo ikavimbae opaete ñeemombeúa reta pe. Peñemuñagüe reta oyuka ñeemombeúa reta omoërakua Jupi vae outa vae regua vae. Jaeramoño vi añave pe reta pemee jare peyukauka jókuae jupi vae.

Romanos 2:12

Echa opaete iyoa Moisés iporookuai mbaetɨ güɨnoi reve vae, mborookuai güɨnoimbae reve yogüɨrajata kañɨtei pe. Ërei opaete iyoa Moisés iporookuai güɨnoi reve vae reta, oñejäaukata jókuae mborookuai rupi;

Romanos 4:17

Echa oyekuatía oï körai: “Che roñono ma jeta vae reta turä.” Jae Tumpa, Abraham güɨrovia jese vae, tekove omee omanogüe reta pe vae, oyapo mbaembae ndeiño oyeapo vae.

1 Tesalonicenses 2:15

jae reta oyuka yandeYa Jesús, jare joko pegua ñeemombeúa reta jare ore reta vi opa oremoë oremombo joko güi, mbaetɨ omboyerovia reta Tumpa, jare oyovaicho reta opaete kuimbae reta re,

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.

1 Pedro 1:20

Tumpa ombojee ñomai ndei ɨvɨ oyeapo mbove Cristo kuae ra, ërei kuae ara taɨkuegua reta pe ramo oyekuaa peraɨu jeko pegua.

1 Pedro 2:8

Jae ko metei ita pɨ̈sa-yeyuka pegua, ita oporopɨaka vae. Echa jae reta oyepɨaka reta Tumpa iñee oendúä ramo, jókuae ra oyembojee reta ramo.

Judas 1:4

Echa amogüe kuimbae reta oike vɨari pepɨte pe, ɨma ma Tumpa oikuaauka voi jae reta oiporarata vae, ikavimbae vae reta ko, Tumpa ipɨakavi oipoepɨ reta jae reta jei vaeño oyapo vaerä. Oikuaku reta Tumpa Imbaepuere yae vae jare yandeYa Jesucristo.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.