Hechos 2:22 - Biblia Guarani Tumpa Iñee

²² Jei vi chupe reta: Kuimbae Israel iñemuña reta, peyeapɨsaka kuae re: Tumpa oyapo pepɨte pe mɨakañɨ reta Jesús Nazaret-ɨgua rupi. Jökorai Tumpa oechauka peve Jesús añete vae ko. Kuae peikuaa katu ko pe reta.

Nuevo Testamento Guaraní Pe

²² Pedro jei ye chupe reta: —Cuimbae Israel pegua reta, peyeapɨsaca cuae re. Tumpa oyapouca pepɨte pe mɨacañɨ reta Jesús Nazaret pegua pe. Jocorai Tumpa oechauca peve Jesús añete vae co. Cuae peicuaa catu co pe reta —jei—.

Hechos 2:22 ပူးပေါင်းရင်းမြစ်များ

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

San Mateo 12:28

Ërei che ambosɨrɨ aña reta oya jese vae reta güi Tumpa iEspíritu imbaepuere rupi. Jökorai pepuere peikuaa ou ma ko oväe peve Tumpa iporookuaía.

San Mateo 2:23

Jare José ojo oiko tëta Nazaret jee vae pe, oyembopo vaerä ñeemombeúa reta jei vae. Echa jei reta: “Oyembojeeta Nazaret-ɨgua.”

San Mateo 9:8

Ërei jeta joko pe ñogüɨnoi vae reta oecha yave ipɨakañɨ, jare omboete reta Tumpa, mbaepuere tuicha vae omee kuimbae reta peguarä Jesús rupi.

San Lucas 11:20

Ërei che ambosɨrɨ aña reta oya jese vae reta güi Tumpa imbaepuere rupi. Jökorai pepuere peikuaa ou ma ko oväe peve Tumpa iporookuaía.

San Lucas 18:37

Jayave omombeu reta chupe Jesús Nazaret-ɨgua ko oasa oï vae.

San Lucas 24:18

Jare metei Cleofas jee vae jei chupe: —¿Nde ñoete pa jae oguatagüe mbaetɨ reikuaa mbae oasa Jerusalén pe kuae ara reta rupi vae?

San Juan 1:45

Jayave Felipe oväe Natanael jare jei chupe: —Roväe jókuae Moisés oikuatía jesegua mborookuai pe vae. Jare ñeemombeúa reta. Jae ko Jesús, José Nazaret pegua taɨ.

San Juan 10:37

Mbaetɨ ayapo cheRu iparavɨkɨ yave, agüɨye chererovia.

San Juan 11:47

Jayave sacerdote reta itenondegua reta jare fariseo reta omboatɨ opaete mburuvicha reta, jare jei reta: —¿Mbae pa yayapota? Kuae kuimbae jekuae ñoi oyapo jeta mɨakañɨ reta.

San Juan 12:17

Echa amogüe, Jesús omoingove ye Lázaro omanogüe reta ipɨte güi yave ñogüɨnoi jae ndive vae reta omoërakua yepe jókuae oechagüe.

San Juan 15:24

Mbaetɨ yave mona mbae ayapo ipɨte reta pe mbaetɨi kia oyapo vae, ngaraa tëi teko güɨnoi reta. Ërei jae reta oecha tëi reve chemotareɨ reta jare cheRu oremotareɨ vi.

San Juan 19:19

Pilato oikuatía kurusu re oñonouka vaerä. Körai oyekuatía oï: “JESÚS NAZARET-ƗGUA JUDÍO RETA JUVICHA GUASU.”

San Juan 3:2

Kuae kuimbae ou Jesús oïa pe pɨ̈tu yave jare jei chupe: —Oporomboe vae, roikuaa ko Tumpa ndembou reporomboe vaerä. Echa mbaetɨ kia ipuere oyapo kuae mɨakañɨ reta reyapo vae Tumpa mbaetɨ oï yave jae ndive.

San Juan 4:48

Jayave Jesús jei chupe: —Mbaetɨ aechauka peve mɨakañɨ reta yave, ngaraa perovia cheré.

San Juan 5:36

Ërei che oime anoi imiari cheré vae, oasa yé chemombeu Juan imiari cheré vae güi. CheRu oipota opa ayapo vaerä mbaravɨkɨ omee cheve vae, jókuae ko oechauka cheRu ko chembou vae.

San Juan 6:14

Jare joko pe ñogüɨnoi vae reta oecha ma yave kuae mɨakañɨ Jesús oyapo vae, jei reta: —Añetete, jae kuae jókuae ñeemombeúa outa kuae ɨvɨ pe vae.

San Juan 6:27

Agüɨye peparavɨkɨ tembíu mbaetɨta ɨma oiko peve vae reño. Ërei peparavɨkɨ tembíu opambae vae pegua re, jae ko tekove opambae che Kuimbaerä ayeapo vae ameeta peve vae. Echa cheRu Tumpa jaerä ko chembou.

San Juan 7:31

Jare joko pe ñogüɨnoi vae güi jeta güɨrovia jese vae, echa jei reta: —Cristo ou yave, ¿oyapota ra jeta yae ete mɨakañɨ kuae kuimbae oyapo vae güi?

San Juan 9:33

Tumpa güiä kuae kuimbae ou yave, ngaraa etei ko mbae oyapo.

Hechos 13:16

Jayave Pablo opüa, jare omopüa ipo omokïrii reta vaerä. Jayave jei chupe reta: —Kuimbae Israel iñemuña reta jare opaete pe kuaeɨgua reta peipoɨu Tumpa güi vae, peyeapɨsaka cheré:

Hechos 14:27

Jare yogüeru oväe yave, Pablo jare Bernabé omboatɨ oporogüɨrovia vae reta, jare imiari chupe reta opaete Tumpa oyapo mbae tuichagüe jae reta ndive vae, jare kërai Tumpa omee judiombae vae reta pe oporogüɨrovia vaerä.

Hechos 2:19

Jare ayapota mɨakañɨ reta tuichagüe ara re, jare ɨvɨ re mɨakañɨ reta: Oimeta tugüɨ, tata jare tätatina.

Hechos 2:43

Jare opaete vae reta ipɨakañɨ yae jare okɨɨye reta, temimondo reta oyapo jeta mɨakañɨ reta vae jeko pegua.

Hechos 21:28

jare osapúkai reve jei: “Kuimbae Israel pegua reta, oremborɨ. Kuae kuimbae oporomboe opaete kerupi, oyovaicho vaerä yande kotɨ, mborookuai kotɨ jare kuae tupao kotɨ. Jare güeru vi griego reta güɨroike tupao pe, jökorai omongɨauka kuae o oñeñono tee vae.”

Hechos 22:8

Jayave che jae: ‘¿Kia pa ko nde, cheYa?’ Jayave jae jei cheve: ‘Che ko jae Jesús Nazaret pegua. Nde reñemopüa ikotɨ vae.’

Hechos 24:5

Echa roikuaa ma kuae kuimbae ko mbaerasɨ ikavimbae rami. Jae omopüa judío reta oyokotɨ opaete kerupi. Jare jae ko Nazaret-ɨgua jupiegua reta itenondegua.

Hechos 26:26

Ko oï mburuvicha guasu Agripa, jae oikuaa kavi kuae mbaembae regua, jáeramo chemiari jóvai aipoɨumbae reve. Aikuaa jae oikuaa katu kuae mbaembae regua. Echa kuae mbaetɨ ko oyeapo vɨari ketɨ.

Hechos 26:9

Che añetete arovia jupi ko ayapo vaerä jeta mbae ikavimbae Jesús Nazaret pegua jee kotɨ.

Hechos 3:12

Jayave Pedro oecha jókuae yave, jei opaete vae reta pe: “Kuimbae Israel iñemuña reta, ¿maera pa pepɨakañɨ kuae re? ¿Maera pa pemae ngatu oreré, oreiño orembaepuere rupi ani jupigüe roiko vae rupi rombogüera kuae kuimbae rami?

Hechos 3:6

Ërei Pedro jei: —Mbaetɨ anoi korepoti ani oro. Ërei anoi vae tamee ndeve. Jesucristo Nazaret pegua jee re epüa jare eguata.

Hechos 4:10

Peikuaa kavi kuae, jare opaete Israel pegua reta, Jesucristo Nazaret pegua jee re okuera ma kuae kuimbae peróvai oï vae, jókuae pe reta peikutuuka kurusu re vae jare Tumpa omoingove ye omanogüe reta ipɨte güi vae. Jae etei ko ombogüera kuae kuimbae.

Hechos 5:35

jare jae jei chupe reta: —Kuimbae Israel iñemuña reta, pemae kavi mbae peyapota kuae kuimbae reta pe vae re.

Hechos 6:14

Echa roendu jei jókuae Jesús Nazaret pegua omboaita kuae tupao, jare oipoepɨta yandegüi mboromboe Moisés omee yandeve vae.

2 Corintios 12:12

Jeseve opaete mbɨaguasu rupi jare mɨakañɨ reta oyeapo pepɨte rupi vae oikuaauka che ko jae temimondo añetete vae.

Hebreos 2:4

Tumpa etei omoañete jae reta omombeu yandeve vae, mɨakañɨ reta, jare Espíritu Santo rupi mbaepuere reta oñemee vae rupi.