Hechos 2:17 - Biblia Guarani Tumpa Iñee

¹⁷ ‘Jare ara reta taɨkuegua pe, jei Tumpa: Ambouta cheEspíritu opaete vae reta pe. Peraɨ reta jare perayɨ reta omombeuta cheregua. Jare kunumi reta oechata Tumpa oechauka vae jare indechi vae opaɨuta.

Nuevo Testamento Guaraní Pe

¹⁷ Jare ara taɨcuegua reta pe —jei Tumpa— ameeta cheEspíritu opaete vae pe. Jare peraɨ reta jare perayɨ reta omombeuta cheñee. Jare cunumi reta jare indechi vae reta opaɨuta.

Hechos 2:17 ပူးပေါင်းရင်းမြစ်များ

GÉNESIS 49:1

Jacob oenɨi taɨ reta, jare jei: “Peya katu cheré, amombeuta peve mbae oikota kuri pe reta ndive vae:

GÉNESIS 6:12

Tumpa omae ɨvɨ pegua reta re, jare oecha opaetei oikomegua ɨvɨ pe, echa opaete vae reta jeko kavi opa oikomegua.

SALMOS 65:2

echa nde reendu yerure! Ndekotɨ outa opaete vae.

SALMOS 72:6

¡Ama jare ɨsápɨi omoäkɨ ñana jare ɨvɨ rami toiko!

PROVERBIOS 1:23

Peyeapɨsaka cheporombosɨmbi re, jare che ameeta peve chearakuaa katu, jare aikuaaukata peve cheñee reta.

ISAÍAS 2:2

Ara taɨkuegua rupi, ɨvɨtɨ yandeYa jo oï jese vae, oïta kuri opaete ɨvɨtɨ reta itenondeguarä, jare oyembotuicha yaeta opaete vae ɨvɨtɨ reta güi, jare opaete tëtaguasu reta yogüeruta ikotɨ;

ISAÍAS 40:5

YandeYa omboyekuaata iyemboetea, jare opaete kuimbae reta oecha päveta. Echa yandeYa etei ko jei.”

ISAÍAS 44:3

echa amoëta ɨ ñuu rupi, jare ɨ̈aka reta, ɨvɨ otini vae rupi. Ameeta tekove neñemuña reta pe, cheporerekuata jese reta.

ISAÍAS 49:26

Nderovaicho reta pe jauukata isoo aeño, jare jugüɨ ae pe oyembosavaɨpo reta vino pe rami. Jökorai opaete vae toikuaa, che ndeYa, ndereroasayepe jare ndeReepɨ vae, jae ko Imbaepuere yae ete vae Jacob pe.”

ISAÍAS 66:23

Yasɨ pɨau iarete ñavo pe, jare ara mbutuu iara ñavo yogüeruta opaete vae chemboete. Che peYa ko jae kuae.

EZEQUIEL 11:19

Aekɨta chugüi reta ipɨatäta ita rami vae, jare ameeta chupe reta ipɨarä ipɨau kavi vae jare yemongeta ipɨau vae.

EZEQUIEL 39:29

Ngaraa ma ayembosɨrɨ chugüi reta, echa ameeta chembaepuere Israel iñemuña reta pe. Che peYa Tumpa jae kuae.”

DANIEL 10:14

Ayu aikuaauka vaerä ndeve kërai nerëta oasata kuri vae; echa jókuae reecha vae, jókuae ara rupi oyeapo vaerä ko.’

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

MIQUEAS 4:1

Ara taɨkuegua rupi ɨvɨtɨ, yandeYa jo oï jese vae, oïta kuri opaete ɨvɨtɨ reta itenondeguarä, ɨvate yaeta opaete vae ɨvɨtɨ reta güi, jare opaete vae tëta yogüeruta ikotɨ.

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

ZACARÍAS 2:13

¡Tikïrii opaete vae yandeYa jóvai; echa jae ou jëta ikɨambaea güi!

San Lucas 3:6

Jare opaete vae oechata Tumpa iporomboasa.’ ”

San Juan 17:2

Echa nde remee cheve mbaepuere anoi vaerä opaete re, amee vaerä tekove opambae vae opaete nde nemee cheve vae reta pe.

San Juan 7:39

Jökorai imiari Jesús Espíritu omeeta güɨrovia jese vae reta pe vae re. Echa ndei ou Espíritu Santo, ndei Jesús oyemboeteuka ramo.

Hechos 10:45

Jare judío oporogüɨrovia vae Pedro jupíe yogüeru vae reta ipɨakañɨ, kërai judiombae vae reta pe vi oñemee Espíritu Santo vae re.

Hechos 11:27

Jókuae ara reta rupi amogüe ñeemombeúa reta yogüeru oväe Jerusalén güi Antioquía pe.

Hechos 11:28

Jare metei chugüi reta Agabo jee vae opüa oyemboɨ, jare jei Espíritu Santo rupi oimeta ko karuai guasu opaete ɨvɨ rupi. Kuae oyembopo mburuvicha guasurä Claudio oiko yave.

Hechos 2:16

Kuae ko jae arakae ñeemombeúa Joel jei vae, echa jei:

Hechos 2:18

Jare jókuae ara reta pe ambouta cheEspíritu kuimbae reta jare kuña reta oyeokuai cheve vae pe, jare omombeu retata cheregua.

Hechos 2:33

Jare Tumpa güɨraja güire oñono iyakatu kotɨ, jare omee chupe jókuae jei omeeta chupe Espíritu Santo vae. Jáeramo Jesús etei ko ombou kuae peecha jare peendu vae.

Hechos 21:9

Kuae kuimbae güɨnoi irundɨ tayɨ ndei omenda vae ñeemombeúa reta.

Romanos 5:5

Jare jókuae ñaäro yayerovia reve vae, ngaraa yandembotavɨ. Echa Tumpa iporoaɨu oime ma yandepɨa Espíritu Santo oñemee yandeve vae rupi.

1 Corintios 12:10

Ïru vae pe omee oyapo vaerä mɨakañɨ reta, ïru vae pe omee omombeu vaerä Tumpa iñee, ïru vae pe omee oikuaa vaerä Espíritu añete vae jare añetembae vae, ïru vae pe omee imiari vaerä ñee reta ambuae pe, jare ïru vae pe omee omombeu kavi vaerä ñee reta ambuae mbae ra oipota jei vae.

1 Corintios 12:28

Jare Tumpa oñono oporogüɨrovia vae reta ipɨte pe, tenonde ete temimondo reta, mokoía ñeemombeúa reta, mboapɨa oporomboe vae reta, javoi mɨakañɨ oyapo vae reta, oporombogüera vae reta, oporomborɨ vae reta, oyangareko mbae re vae reta, ambuae vae ñee reta pe imiari vae reta.

Hebreos 1:2

Añave kuae ara reta pe imiari yandeve Taɨ rupi, jae ko ombojee opaete mbaembae iyarä vae, Taɨ rupi vi oyeapo opaete mbaembae.

Santiago 5:3

Peoro jare pekorepoti reta opa iyukɨrɨ. Jare jókuae iyukɨrɨgüe imiarita pekotɨ, jare pemokañɨteita tata rami. Pemboatɨ ko mbaembae, ara reta iyapɨ peguarä.

2 Pedro 3:3

Aipota peikuaa kuae räri: Ara taɨkuegua reta pe oimeta oporoyóyai yóyai vae reta, isoo jemimbota ikavimbae reño yogüɨreko vae reta,