Hechos 2:10 - Biblia Guarani Tumpa Iñee

^10-11 Frigia, Panfilia jare Egipto pegua, jare África pegua Cirene kutɨ ye yaiko vae, jare Romaɨgua reta kuae pe yaiko vae, Creta jare Arabia pegua. Yande ko jae judío reta jare judiorä yayeapo vae reta. Opaete yaendu ñaneñee pe imiari ñogüɨnoi mbae tuichagüe Tumpa oyapo vae re.

Nuevo Testamento Guaraní Pe

^10-11 Frigia, Panfilia, jare Egipto pegua, jare Africa pegua Cirene iyɨpɨ pe yaico vae, jare romano reta cuae pe yaico vae, Creta jare Arabia pegua. Ñande co jae judío reta jare judiora yayeapo vae reta. Opaete ñaendu ñaneñee ae pe imiari ñogüɨnoi mɨacañɨ Tumpa oyapo vae re —jei reta.

Hechos 2:10 ပူးပေါင်းရင်းမြစ်များ

GÉNESIS 12:10

Jayave rupi oime karuai jókuae ɨvɨ pe, jare Abram ojo Egipto kotɨ oiko vaerä joko pe, echa karuai ikaviä yae jókuae ɨvɨ pe.

ESTER 8:17

Opaete tëta ñavo mburuvicha guasu iporookuai ojoa rupi, Judáɨgua reta oyerovia yae jare ipɨakatu, jare oyapo reta arete okaru vaerä jókuae ara. Jare jeta jókuae tëtaɨgua reta oyeapo Judaɨguarä, echa okɨɨye reta Judáɨgua reta güi.

JEREMÍAS 46:9

¡Kavayu regua reta toë tenonde! ¡Toë vi käretou ñeraro pegua reta! ¡Ñeraro regua reta tomboɨpɨ vi toguata; sundaro reta Etiopíaɨgua jare Put pegua reta, iyeopiaka reve reve; sundaro reta Lud pegua reta oikatu yae uvɨ ojäa vae!

JEREMÍAS 9:26

Egipto pe, Judá, Edom, Amón jare Moab, jare opaete ñuu rupi yogüɨreko vae, iñäka-ɨke oñapi vae reta pe. Echa opaete kuae tëtaguasu pegua reta itumpa-raanga pota vae ko, jökoraiño vi Israel pegua reta ipɨa pe.”

EZEQUIEL 30:5

Jókuae ñeraro pe omanota vi sundaro reta Etiopía pegua, jare Fut pegua, Lud pegua, jare opaete Arabia pegua, Libia pegua jare opaete ïru tëtaguasu pegua reta oñemoïru jae ndive vae.

DANIEL 11:43

Opɨ̈ro retata mbaembae oro pegua jare korepoti pegua jare opaete mbaembae jepɨ yae vae ɨvɨ Egipto pegua; javoi Libia pegua reta jare Etiopía pegua reta oñemoïru jae ndive.

OSEAS 11:1

Tëta Israel michi vɨteri yave, che aɨu; jare Egipto güi aru ye cheraɨ.

ZACARÍAS 8:20

YandeYa Imbaepuere yae ete vae jei körai: “Yogüeru vɨterita jeta vae ïru tëta guasu pegua reta.

ZACARÍAS 8:23

YandeYa Imbaepuere yae ete vae jei körai: Jókuae ara payandepo kuimbae reta ïru tëtaguasu pegua reta oipɨɨ retata metei judío jemimonde, jei reve: ‘¡Torojo perupíe, echa roendu Tumpa oiko pe ndive!’ ”

San Mateo 2:15

Jare yogüɨreko joko pe Herodes omano regua. Jökorai oyembopo vaerä yandeYa omombeu arakae ñeemombeúa rupi vae Echa jei: “Egipto güi aru ye cheRaɨ.”

San Mateo 23:15

¡Paravete pe jova mókoi vae reta! Mborookuai re oporomboe vae reta jare fariseo reta. Echa peo peeka oipota rupi peporomboe re güɨrovia vaerä judiombae vae reta. Jare güɨrovia ma peporomboe re yave, jei eteño peñäka-pɨpɨ kañɨtei pe, pe reta peiporarata vae pe.

San Mateo 27:32

Jare güɨnoe güɨraja reta ramboeve, oecha reta metei kuimbae Simón jee vae Cirene pegua. Güɨrajauka chupe kurusu.

San Marcos 15:21

Metei kuimbae Simón, Cirene pegua, Alejandro jare Rufo tu, oasa ou jokoropi iko kotɨ güi vae pe, sundaro reta güɨrajauka Jesús ikurusu.

Hechos 11:20

Ërei jae reta ipɨte pe ñogüɨnoi amogüe kuimbae Chipre jare Cirene pegua. Kuae reta oike Antioquía pe, imiari vi judiombae vae reta pe, omoërakua ñee ikavi vae yandeYa Jesús regua.

Hechos 13:1

Jókuae ara rupi yogüɨreko oporogüɨrovia vae Antioquía pegua ipɨte pe amogüe Tumpa iñee omoërakua vae reta jare Tumpa iñee re oporomboe vae reta. Jae reta ko: Bernabé, Simón Niger, Lucio Cirene pegua, Manaén mburuvicha guasu Herodes ndive okuakuaa vae jare Saulo.

Hechos 13:13

Jayave Pablo jare iñeïru reta yogüɨraja barco pe Pafos güi, yogüɨraja oväe tëta guasu Perge ɨvɨ Panfilia pegua pe. Ërei Juan oeya reta ye ojo Jerusalén kotɨ.

Hechos 13:43

Jare tupao pe yatɨ vae reta opa yogüɨraja yave, jeta judío reta jare judiorä oyeapo vae omboete Tumpa vae reta yogüɨraja Pablo jare Bernabé ndive. Kuae mókoi reve imiari chupe reta, jare omoäta ngatu jekuaeño oyeko reta vaerä Tumpa ipɨakavi re.

Hechos 14:24

Jayave Pablo jare Bernabé oasa Pisidia rupi, jare yogüeru oväe Panfilia pe.

Hechos 15:38

Ërei Pablo pe mbaetɨ jaekavi güɨraja vaerä jae reta jupíe. Echa jae ou ye Panfilia güi chugüi reta, jare ojoä jae reta ndive Tumpa iparavɨkɨ oyapo vaerä.

Hechos 16:6

Pablo jare jae ndive ñogüɨnoi vae reta oasa ɨvɨ Frigia jare Galacia rupi yave, Espíritu Santo oyopia reta, agüɨye vaerä omoërakua Tumpa iñee Asia pe.

Hechos 17:21

Echa opaete Atenaɨgua reta jare ketɨgua joko pe yogüɨreko vae reta, jaeño oyemoambeko imiari jare oyeapɨsaka mbae ipɨau vae re.

Hechos 18:2

Jare oväe joko pe metei judío Aquila jee vae. Jae ko Ponto pegua. Kuae judío ou ramo oväe Italia güi jembireko Priscila ndive. Echa mburuvicha guasu Claudio jee vae oyókuai opaete judío reta ñogüɨnoe vaerä Roma güi. Jare Pablo ojo ípɨri.

Hechos 18:23

Jare mbovɨ ara joko pe oï güire, ojo omboapɨ opaete tëta reta Galacia jare Frigia rupi, omoäta ngatu reve opaete oporogüɨrovia vae reta.

Hechos 23:11

Jare pɨareve pe pɨ̈tu yave yandeYa oyekuaa Pablo pe jare jei chupe: “Eñemoäta ngatu, Pablo. Chemombeu Jerusalén pe rami, nemiarita vi cheregua Roma pe.”

Hechos 27:5

Jayave roasa ɨguasu rupi ɨvɨ Cilicia jare Panfilia jóvai rupi, jare rojo roväe tëta guasu Mira pe, ɨvɨ Licia pegua pe.

Hechos 28:15

Jare orerërakua oporogüɨrovia vae Roma pegua reta pe, jare amogüe jae reta yogüeru orerövaiti tëta Foro Apio pe, jare ïru vae reta yogüeru orerövaiti tëta Tres Tabernas pe. Pablo oecha yave kuae reta, omee yasoropai Tumpa pe, jare oñemoäta ngatu.

Hechos 6:5

Kuae jaekavi jeta vae reta pe, jare oiparavo reta Esteban jae ko kuimbae iporogüɨrovia kavi jare tɨnɨe Espíritu Santo pe vae, Felipe, Prócoro, Nicanor, Timón, Parmenas jare Nicolás tëta guasu Antioquía pegua judiorä oyeapo vae.

Hechos 6:9

Jare amogüe kuimbae judío reta itupao “Tembipɨɨgüe” jee vae pegua reta, jare Cirene pegua reta, Alejandría, Cilicia jare Asia pegua reta, oyomboatɨ oyoaka reta Esteban ndive.

Romanos 1:15

Jáeramo che aipota yae amombeu ñee ikavi vae pe Roma pe peiko vae reta pe.

Romanos 1:7

Aikuatía kuae tupapire opaete Roma pe peiko vae pe. Tumpa peraɨu jare peñono tee iyeupeguarä vae. YandeRu Tumpa jare yandeYa Jesucristo ipɨakavi jare ipɨakatu toï pe ndive.

2 Timoteo 1:17

Añete ko, echa Roma pe ou oväe rupive, chereeka opaete kerupi cheväe regua.

Apocalipsis 11:8

Jare jókuae mókoi kuimbae jëogüegüe opɨtata jókuae tëta guasu joka guasu pe Sodoma jare Egipto jee vae pe, jae ko yandeYa kurusu re oyekutúa pe.