Hechos 19:22 - Biblia Guarani Tumpa Iñee

²² Jayave omondo Macedonia kotɨ mókoi imborɨa reta Timoteo jare Erasto. Ërei jae opɨtaño mbovɨ ara Asia pe.

Nuevo Testamento Guaraní Pe

²² Jayave omondo Macedonia cotɨ mócoi imborɨa reta Timoteo jare Erasto jee vae. Erei jae opɨta ye mbovɨ ara Asia pe.

Hechos 19:22 ပူးပေါင်းရင်းမြစ်များ

Hechos 13:5

Jare yogüɨraja oväe yave tëta guasu Salamina pe, omoërakua reta Tumpa iñee judío reta itupao reta rupi. Jare Juan ojo jae reta ndive omborɨ vaerä.

Hechos 16:1

Javoi ojo oväe Derbe pe, jare joko güi Listra pe. Jare joko pe oiko metei oporogüɨrovia vae Timoteo jee vae. Ichɨ ko jae metei Israel-ɨgua oporogüɨrovia vae, tu ko griego.

Hechos 16:3

Pablo ikɨ̈reɨ güɨraja jupíe Timoteo. Jáeramo ombocircuncidauka, jokoropi judío ñogüɨnoi vae reta jeko pegua. Echa opaete vae oikuaa jae tu griego ko.

Hechos 18:5

Silas jare Timoteo yogüeru oväe yave Macedonia güi, Pablo oñemoäta ngatu yae oï omoërakua vaerä Tumpa iñee. Omombeu reve judío reta pe Jesús ko jae Cristo.

Hechos 19:10

Jökorai oyapo mókoi año rupi, jökorai opaete judío jare griego reta Asia pegua oendu ñee yandeYa Jesús regua.

Hechos 19:21

Kuae mbaembae oasa güire Pablo oñeñono ojo vaerä Jerusalén kotɨ opa omboapɨ yave Macedonia jare Acaya. Jare jei vi: “Joko güi ajata vi ko Roma pe.”

Hechos 19:29

Jare tekorai tɨnɨe tëta guasu. Jare opaete vae metei rami osɨi reta yuvanga renda kotɨ. Jare oipɨɨ güɨraja joko pe Pablo iguataïru reta Gayo jare Aristarco, Macedoniaɨgua reta.

Hechos 20:1

Oasa güire jókuae tekorai, Pablo oenɨi oporogüɨrovia vae reta, jare opa omboarakuaa reta yave, oiküava jare ojo chugüi reta Macedonia kotɨ.

Hechos 20:34

Pe reta peikuaa katu ko kërai chepo pe etei aparavɨkɨ, mbaembae oata cheve vae anoi vaerä, jare amee vaerä cheïru reta pe.

Romanos 16:23

Gayo omondo vi peve tamaraeme, aiko jo pe vae jare opaete oporogüɨrovia vae reta oyomboatɨ jo pe vae. Omondo vi peve tamaraeme Erasto, tëta guasu pegua korepoti iñovatúa. Jare yanderɨvɨ Cuarto vi.

2 Corintios 1:16

echa aipota apou pépɨri Macedonia pe aja yave jare ayu ye yave, jare pe reta chemborɨ vaerä aja Judea kotɨ.

2 Corintios 11:9

Jare aiko pépɨri ramboeve mbae oata cheve yave, mbaetɨ kia ave amoambeko mbae re. Echa yanderɨvɨ Macedonia güi yogüeru vae reta güeru cheve mbae oata cheve vae. Jare jökoraita aiko, agüɨye vaerä pomoambeko.

2 Corintios 2:13

ërei chepɨakatúä etei aväeä yanderɨvɨ Tito joko pe ramo. Jáeramo che ayupavo jare aja ye chugüi reta Macedonia kotɨ.

2 Corintios 8:1

Añave cherɨvɨ reta, roikuaauka peve kërai oporogüɨrovia vae Macedonia pegua reta omboresive Tumpa ipɨakavi vae.

2 Corintios 8:19

Jare jokuaeñoä, echa oporogüɨrovia vae reta ko oiparavo oreïrurä, oremborɨ vaerä güɨraja kuae mbota reta. Kuae mbaravɨkɨ royapo romboeteuka vaerä yandeYa jare roechauka vaerä peporomborɨ.

1 Tesalonicenses 1:8

Echa pegüi reta jërakua yandeYa iñee, mbaetɨ Macedonia jare Acaya peño, jërakua vi opaete kerupi peporogüɨrovia Tumpa re vae. Jáeramo ore mbaetɨ ma oata romoërakua vaerä.

2 Timoteo 4:20

Erasto opɨta Corinto pe. Ërei imbaerasɨ aeya Trófimo Mileto pe.