Hechos 19:18 - Biblia Guarani Tumpa Iñee

¹⁸ Jare jeta oporogüɨrovia vae reta yogüeru omombeu jeko jare ikavimbae oyapo vae regua.

Nuevo Testamento Guaraní Pe

¹⁸ Jare jeta oporogüɨrovia vae reta yogüeru omombeu jeco icavi mbae vae oeya ma vae regua.

Hechos 19:18 ပူးပေါင်းရင်းမြစ်များ

SALMOS 32:5

Cheyoa amombeu ndeve, mbaetɨ añomi ndegüi mbaeyoa ayapogüe. Jae: “Tamombeu cheYa pe mbaetɨ iporookuai ayapo vae.” Jare nde neɨ̈ro cheyoa ikavimbae re.

PROVERBIOS 28:13

Ngaraa oiko kavi, imbaeyoa reta oikuaku vae, ërei oyemombeu vae jare oeya ete iyoa vae, oikota mboroparareko rupi.

JEREMÍAS 3:13

Jaeño emombeu teko renoi vae, echa neäteɨ reyapo ndeYa Tumpa iporookuai, reeka reyemboaguasa vaerä ketɨgua reta ndive, opaete ɨvɨra iküaraɨa kavi vae igüɨ rupi, jare mbaetɨ reyapo cheporookuai. Che ndeYa jae kuae ndeve.’ ”

EZEQUIEL 16:63

Nemaenduata jare nemarata, jare ngaraa ye ma neñee remoë, nemara jeko pegua, cheɨ̈ro ma yave ndeve opaete reyapogüe re. Che ndeYa jae.”

EZEQUIEL 36:31

Jare pemaendúa pereko ikavimbae re jare perembiapo ikavimbae re yave, pemarata peyeugüi aeño, peyoa jare ikavimbae peyapo jeko pegua.’

LEVÍTICO 16:21

jare toñono ipo mókoi reve kavara kuimbae oikove vae iñäka re, jare tomombeu jese opaete Israel iñemuña reta oyapo mbae ikavimbae vae, opaete ipɨapochɨ reta, jare opaete iyoa reta, jökorai topa toñono mbaeyoa kavara kuimbae iñäka re, jare kuimbae oyeparavo jókuae peguarä vae togüɨraja tomondo ñuu kotɨ.

LEVÍTICO 26:40

Ërei peyemombeu yave ikavimbae peyapo vae re, peñemuñagüe reta oyapo rami peyapo vae re, jare oyovaicho reta yogüɨreko che ndive vae rami,

San Mateo 3:6

Jare Juan ombobautisa reta ɨ̈aka Jordán pe iyoa reta opa omombeu güire.

Hechos 19:17

Jare kuae jërakua opaete judío jare judiombae Efeso pegua reta pe. Jáeramo opaetei okɨɨye vae, jare jökorai yandeYa Jesús jee oyembotuicha yae.

Hechos 19:19

Jökoraiño vi jeta ipaye vae reta güeru itupapire reta, jare oapɨ opaete vae jovake. Jare kuae tupapire reta jepɨ oyepapa yave, oupitɨ cincuenta mil korepoti pegua.

Romanos 10:10

Echa yandepɨa ndive ko yaroviata, yayembojupiuka vaerä, ërei yandeyuru pe ko yae yayemboasauka vaerä.

Santiago 5:16

Peyoa yave oyokotɨ, pemombeu oyoupe, javoi peyerure oyoe, Tumpa pembogüera vaerä. Jupi vae iyerure opaete ipɨa reve vae, güɨnoi mbaepuere.

1 Juan 1:9

Yamombeu yave Tumpa pe yandeyoa reta, jae ko jupi yae iñɨ̈ro vaerä yandeyoa reta re jare yandeyoe vaerä opaete ikavimbae güi.