Hechos 19:1 - Biblia Guarani Tumpa Iñee

¹ Apolos Corinto pe oï ramboeve, Pablo ou oväe Efeso pe, opa yave omboapɨ tëta reta ɨvɨtɨ rupi oï vae. Jare joko pe oväe amogüe oporogüɨrovia vae reta.

Nuevo Testamento Guaraní Pe

¹ Apolos Corinto pe oi rambueve, Pablo ou ovae Efeso pe, opa güire oguata opaete tenta cuaraɨ oea cotɨ ñogüɨnoi vae reta rupi. Jare Efeso pe oñovae amogüe oporogüɨrovia vae reta ndive.

Hechos 19:1 ပူးပေါင်းရင်းမြစ်များ

Hechos 18:1

Kuae jaɨkue rupi Pablo ojo Atenas güi tëta guasu Corinto pe.

Hechos 18:8

Jare judío reta itupao pegua reta itenondegua Crispo jee vae jare opaete jo pegua reta güɨrovia yandeYa re. Jare jeta Corinto pegua reta oendu Pablo omoërakua vae yave, güɨrovia jare oyembobautisauka.

Hechos 19:17

Jare kuae jërakua opaete judío jare judiombae Efeso pegua reta pe. Jáeramo opaetei okɨɨye vae, jare jökorai yandeYa Jesús jee oyembotuicha yae.

Hechos 19:26

Jare peecha jare peyandu ma kërai kuae Pablo omboyerova jeta vae Efeso pe jare opaete seri Asia rupi jae iporomboe pe, jei reve: ‘Kuimbae reta oyapo vae tumpa retaä ko.’

Hechos 20:16

Echa Pablo ikɨ̈reɨ oasa güɨrave Efeso güi, agüɨye vaerä opɨta Asia pe. Echa jae ikɨ̈reɨ oï Jerusalén pe Pentecostés iara pe, ipuere yave.

Hechos 20:18

Jae reta yogüeru oväe Pablo oïa pe yave, jei chupe reta: “Pe reta peikuaa katu ko kërai aiko pe reta ndive tenonde ete Asia pe ayu ɨpɨ güive.

Hechos 21:29

Echa tenonde yave oecha reta tëta guasu pe Efeso pegua Trófimo jee vae Pablo ndive. Jare oyemongeta reta Pablo güɨroike ko jókuae kuimbae tupao pe.

1 Corintios 1:12

Echa amogüe pe reta pere: “Che ko aï Pablo ndive.” Jare amogüe jei: “Che ko aï Apolos ndive.” Jare ïru reta jei: “Che ko aï Pedro ndive.” Jare ïru reta jei: “Che ko aï Cristo ndive.”

1 Corintios 15:32

Che añeraro mɨmba pochɨ vae reta ndive Efeso pe. Ërei ¿mbae pe ra ikavi cheve? Omanogüe reta mbaetɨ ko oikove ye yave, yandepuere yae: “Yakaru jare yakau, echa pɨareve ñamanota.”

1 Corintios 16:12

Tamombeu peve yanderɨvɨ Apolos. Chekɨ̈reɨ yae jae ojo vaerä tëi pépɨri ïru yanderɨvɨ reta jupíe, ërei añave rupi mbaetɨ oipota ojo. Ërei ojota ko jëgua chupe yave.

1 Corintios 16:8

Ërei apɨtata kuae Efeso pe Pentecostés ara ou oväe regua.

1 Corintios 4:6

Cherɨvɨ reta, kuae amombeu ma peve ambojaanga reve cheyé jare Apolos re, poaɨu ramo. Peyemboe vaerä kuae roechauka peve vae rupi agüɨye pepía oyekuatía oï vae güi. Agüɨye vaerä metei vaeño pembotuicha ïru vae güi.

Efesios 1:1

Che Pablo, Jesucristo jemimondo Tumpa jemimbota rupi vae, aikuatía opaete peporogüɨrovia vae Cristo Jesús re Efeso pe peiko vae pe.