Hechos 18:7 - Biblia Guarani Tumpa Iñee

⁷ Jayave ojo joko güi kuimbae Justo jee vae jo pe. Kuae kuimbae omboete Tumpa, jare jae jo oï judío reta itupao iyɨpɨ pe.

Nuevo Testamento Guaraní Pe

⁷ Jayave ojo joco güi cuimbae Justo jee vae jo pe. Cuae cuimbae omboete Tumpa, jare jae jo oi judío reta itupao iyɨpɨ pe.

Hechos 18:7 ပူးပေါင်းရင်းမြစ်များ

San Juan 9:31

Yaikuaa kavi ko, Tumpa mbaetɨ oyeapɨsaka iyoa vae reta re. Ërei kia oipoɨu jare oyapo yave Tumpa jemimbota, jae oyeapɨsaka jese.

Hechos 10:2

Jae jare opaete jo pegua reta omboete Tumpa, jare jae omee vi jeta mbae iparavete vae reta pe, jare oyerure avei vi Tumpa pe.

Hechos 10:22

Jayave kuimbae reta jei Pedro pe: —Oime metei kuimbae Cornelio jee vae, cien sundaro vae juvicha. Jae ko kuimbae jupi vae jare omboete Tumpa vae. Jae ko opaete judío reta güɨrovia katu yae vae. Metei araɨgua jei chupe ndererajauka vaerä jëta pe, jae oyeapɨsaka vaerä remombeuta chupe vae re.

Hechos 13:42

Jare oë reta judío reta itupao güi yave, judiombae vae reta omoñera imiari ye vaerä chupe reta ara mbutuu ou yeta vae pe.

Hechos 13:43

Jare tupao pe yatɨ vae reta opa yogüɨraja yave, jeta judío reta jare judiorä oyeapo vae omboete Tumpa vae reta yogüɨraja Pablo jare Bernabé ndive. Kuae mókoi reve imiari chupe reta, jare omoäta ngatu jekuaeño oyeko reta vaerä Tumpa ipɨakavi re.

Hechos 13:50

Ërei judío reta omboemboe kuña jupi jare imboetea vae reta jare tëta guasu pegua tenondegua reta, oñemopüa Pablo jare Bernabé re, jare omombo reta iɨvɨ güi.

Hechos 16:14

Jayave metei kuña Lidia jee vae temimonde pɨ̈taü vae imeea tëta guasu Tiatira pegua omboete Tumpa vae oyeapɨsaka oï. YandeYa oparavɨkɨ ipɨa pe, oyeapɨsaka kavi vaerä Pablo jeigüe re.

Hechos 17:4

Jayave amogüe güɨrovia, jare oñemoïru Pablo jare Silas ndive. Güɨrovia vi jeta griego Tumpa omboete vae reta, jare jeta kuña imboetea yae vae reta vi.

Colosenses 4:11

Jare Jesús, Justo pe oero reta vae omondo vi peve tamaraeme, jaeño ete kuae judío reta chemborɨ amoërakua vaerä Tumpa iporookuaía regua. Jae reta chembopɨakatu yae.