Hechos 18:6 - Biblia Guarani Tumpa Iñee

⁶ Ërei jókuae judío reta oyovaicho jare jei reta ikavimbae vae ikotɨ. Jáeramo Pablo omotumo jemimonde, jare jei chupe reta: —Pe reta aeño penoita teko peyeupe pekañɨtei re. Che mbaetɨa chereko. Añave güive ajata judiombae vae reta kotɨ.

Nuevo Testamento Guaraní Pe

⁶ Erei judío reta oyovaicho jae ndive, jare jei reta icavi mbae vae icotɨ. Jae rambue Pablo omotumo jemimonde, jare jei chupe reta: —Pecañɨteita co, jare pe retaño penoita teco. Che mbaeti ma anoi teco. Añave güive ajata amombeu judío mbae vae reta pe —jei.

Hechos 18:6 ပူးပေါင်းရင်းမြစ်များ

2 SAMUEL 1:16

David jei ramboeve chupe: —Nde aeño ndereko ndeyeupe kuae nemano re, echa nde aeño reyemombeu, reyuka ko yandeYa jembiparavo vae.

1 REYES 2:33

Kuae reta imano jekovia Joab pe, jökoraiño vi iñemuña reta pe jekuae avei rupi. Ërei David re, iñemuña reta re, jo re, jare iporookuaía re oimeta mbɨakatu jekuae avei rupi.

NEHEMÍAS 5:13

Jare amotumo vi cheremimonde, jare jae: “Körai Tumpa tomotumo jo güi jare imbaembae güi jókuae kuimbae mbaetɨ ombopo iñee vae, jökorai topa topɨ̈ro chugüi mbaembae güɨnoigüe.” Jare opaete vae jei: “¡Jökorai toiko!” Jare omboete reta yandeYa. Jare opaete vae reta ombopo iñee,

EZEQUIEL 18:13

oiporuka ikorepoti yave oasa ete okovara jese. ¡Jókuae kuimbae ngaraa oikove! Oyapo yave opaete jókuae che aröɨro vae reta, omanota ko, jaeiño ko jeko iyeupe imano re.

EZEQUIEL 33:4

Ërei kia nunga vae oendu reve mimbɨguasu iñee vae mbaetɨ güɨrovia, jare ou tovaicho reta oyuka yave, jaeiño ko jeko iyeupe imano re.

EZEQUIEL 33:6

Ërei jókuae omae vae oecha tëi tovaicho reta yogüeru reve mbaetɨ omoñee mimbɨguasu tëta pegua reta oyemombarandu vaerä yave, jare tovaicho reta oyuka yave amogüe tëta pegua, jókuae omano vae, omano ko iyoa jeko pegua; ërei che aiporaraukata imano re jókuae omae vae pe.’

LEVÍTICO 20:9

Kia nunga vae oyepopeyu yave tu re ani ichɨ re, tomano. Echa tu ani ichɨ re oyepopeyu vae iyé aeño ko oyepopeyu; jae aeño ko jeko iyeupe imano re.

San Mateo 10:14

Jare oime metei o pe ani tëta guasu pegua reta mbaetɨ oipota pepɨta vaerä joko pe, jare mbaetɨ oipota oyeapɨsaka peré yave, pekuaño joko güi, jare pemotumo pepɨ ɨvɨkúi güi.

San Mateo 21:41

Jayave jae reta jei Jesús pe: —Opata oyuka oipararekombae reve jókuae kuimbae ipɨapochɨ vae reta, jare oiporuukata iuvarupa ïru vae reta pe. Jókuae omboyaota mbaagüɨye iya pe vae pe.

San Mateo 21:43

Jáeramo che jae peve, oñepɨ̈rota pegüi Tumpa iporookuaía. Jare oñemeeta ïru reta pe, omoñemuñata vae reta pe.

San Mateo 22:10

Jayave mburuvicha guasu jembiokuai reta yogüɨraja tape rupi jare omboatɨ opaete oväe chupe vae reta; jeko kavi vae reta jare jeko kavimbae vae reta. Jare jökorai mburuvicha guasu jo tɨnɨe vae.

San Mateo 27:25

Jayave opaete vae reta jei: —Ore jare oreñemuña reta re toï teko.

San Mateo 8:11

Che jae peve, jeta vae yogüeruta kuaraɨ oëa kotɨ güi jare kuaraɨ oikea kotɨ güi jare oguapɨ retata Abraham, Isaac jare Jacob ndive araɨgua mborookuaía pe.

San Lucas 22:65

Jare jeta mbae ikavimbae vae jei reta chupe.

San Lucas 9:5

Jare oime yave metei tëta guasu pegua reta mbaetɨ oipota pemboresive yave peë joko güi, jare pemotumo pepɨ ɨvɨkúi güi, oikuaa vaerä jae reta ko teko güɨnoi.

Hechos 13:51

Jayave Pablo jare Bernabé omotumo ɨvɨkúi ipɨ güi, oechauka vaerä tëta guasu pegua reta ko teko güɨnoi; javoi yogüɨraja oväe tëta guasu Iconio pe.

Hechos 26:11

Jare jeta rupi ainupa opaete judío reta itupao reta ñavo rupi, jare jaeuka chupe reta ikavimbae vae Jesús kotɨ. Jare chearasɨ yae ikotɨ reta ramo, aja aeka reta ïru tëta guasu reta rupi ave.

Hechos 26:20

jaeño amboɨpɨ amoërakua Damasco pegua reta pe, jare Jerusalén pegua reta pe, opaete Judea pegua reta pe jare judiombae vae reta pe. Amombeu chupe reta oeya vaerä jeko ikavimbae vae jare oyepoepɨ vaerä Tumpa kotɨ, oechauka reve jeko rupi oyepoepɨ reta ko vae.

Hechos 28:28

Peikuaa kuae, añave güive Tumpa iporomboasa güeru judiombae vae reta pe. Jare jae reta oyeapɨsakata jese.

Romanos 3:29

Tumpa jae vi ko judiombae reta iTumpa; mbaetɨ ko judío reta peguaño.

1 Timoteo 5:22

Agüɨye emanorai eyapo mbae kia pe ave, agüɨye eyemoinge teko ambuae pe. Eiko ikɨambae.

2 Timoteo 2:25

tomboe oñemomichi reve oyembopɨapochɨ vae reta, echa güɨramoi Tumpa omaeñota jese reta oeya vaerä iyemongeta ikavimbae vae jare oikuaa vaerä añete vae,

1 Pedro 4:14

Peyerovia, ïru vae reta jei yave ikavimbae vae pekotɨ Cristo re perovia ramo, echa Tumpa iEspíritu oï pe ndive. Jae reta jei ikavimbae vae Cristo kotɨ, ërei pe reta pemboete.

1 Pedro 4:4

Jare añave mbaetɨ ma peiko jae reta ndive jeko kavimbae pe ramo, mbaetɨ ma ipöra chupe reta jare jei reta mbae ikavimbae pekotɨ.