Hechos 18:5 - Biblia Guarani Tumpa Iñee

⁵ Silas jare Timoteo yogüeru oväe yave Macedonia güi, Pablo oñemoäta ngatu yae oï omoërakua vaerä Tumpa iñee. Omombeu reve judío reta pe Jesús ko jae Cristo.

Nuevo Testamento Guaraní Pe

⁵ Jare Silas jare Timoteo yogüeru ovae yave Macedonia güi, Pablo oñemoembiapo yae omombeu Tumpa iñee. Omombeu judío reta pe Jesús co jae Cristo.

Hechos 18:5 ပူးပေါင်းရင်းမြစ်များ

JEREMÍAS 20:9

Jae yave: “Agüɨye mo tachemaendúa cheYa re, agüɨye mo tachemiari jee re.” Ërei jayave neñee cheɨvɨte pe tata rami, chekägüe rupi ojo, aipota tëi aropɨa, ërei mbaetɨ chepuere.

JEREMÍAS 6:11

Chearasɨ yae vi ko aï ndearasɨ ramo cheYa, mbaetɨ ma chepuere chepɨaguasu.” YandeYa jei cheve: “Eitɨ chearasɨ michia reta kaye rupigua re, taɨrusu reta yatɨ yatɨ vae re. Toyereraja tembipɨɨrä kuimbae reta jembireko reve reve, ndechi reta jare indechiasɨ vae reta.

EZEQUIEL 3:14

Tumpa imbaepuere chemopüa jare cherenoe joko güi, chepɨakatúä jare chepɨatɨtɨ reve aja, ërei yandeYa täta chepɨɨ.

MIQUEAS 3:8

Ërei che anoi yandeYa iEspíritu rupi mbaepuere, jupi vae jare mɨ̈rata, aechauka vaerä Israel iñemuña reta pe ipɨarai jare iyoa.

San Lucas 12:50

Che aiporara yaeta ko, jare yavai yaeta cheve opa oyeapo regua.

San Lucas 16:28

Echa oime anoi pandepo cherɨvɨ reta. Emondo omombeu vaerä chupe reta, agüɨye vaerä jae reta vi yogüeru kuae aiporara aïa pe.’

San Juan 1:41

Andrés, tenonde oeka tɨkeɨ Simón, jare jei chupe: —Roväe ma Mesías (kuae oipota jei: Cristo.)

San Juan 10:24

Jayave judío reta yatɨ Jesús re jare jei reta chupe: —¿Kërai yave pa nemiari kavita oreve, agüɨye vaerä ma orembojopa? Nde ko jae Cristo yave, emombeu kavi voi mo oreve.

San Juan 15:27

Jare pe reta vi pemiarita. Echa iyɨpɨ güive peiko che ndive.

San Juan 3:28

Che jae ma peve: “Che jaeä ko Cristo. Jaeño Tumpa chembou jae jenonde.” Pe reta etei peikuaa körai ko che jae peve vae.

Hechos 10:42

Jare jae oreokuai romoërakua vaerä ïru vae reta pe, jare oremiari vaerä chupe reta kërai Tumpa oiparavo ojäa vaerä oikove vae reta jare omanogüe reta.

Hechos 15:22

Jayave temimondo reta jare opaete oporogüɨrovia vae reta jare itenondegua reta ndive jei ikavi ko oyeparavo vaerä amogüe kuimbae reta jae reta ipɨte güi, omondo vaerä Antioquía pe Pablo jare Bernabé ndive. Jayave oiparavo reta Judas oyeero Barsabás pe vae jare Silas. Jae reta ko oporogüɨrovia vae reta itenondegua reta.

Hechos 16:1

Javoi ojo oväe Derbe pe, jare joko güi Listra pe. Jare joko pe oiko metei oporogüɨrovia vae Timoteo jee vae. Ichɨ ko jae metei Israel-ɨgua oporogüɨrovia vae, tu ko griego.

Hechos 16:12

Jare joko güi rojo tëta guasu Filipos pe jae ko Romaɨgua reta yogüɨreko pɨpe vae. Kuae tëta guasu tenonde ete oï ɨvɨ Macedonia pe vae. Kuae tëta guasu pe ropɨta mbovɨ ara.

Hechos 16:9

Jare pɨ̈tu yave Pablo oecha ike pe metei kuimbae Macedoniaɨgua oyemboɨ oï vae, jare omoñera jei reve: “Easa Macedonia pe oremborɨ.”

Hechos 17:3

oechauka jare oikuaauka kavi reve Tumpa Iñee rupi, kërai Cristo oiporara ñotai ko jare oikove ye ñotai ko omanogüe reta ipɨte güi vae. Jei: —Kuae Jesús, che amoërakua peve vae ko jae Cristo.

Hechos 18:28

Jae oyoaka mbaepuere reve judío reta ndive tëta guasu pegua reta jovake, oechauka reve chupe reta Tumpa Iñee rupi Jesús ko jae Cristo vae.

Hechos 2:36

Israel iñemuña reta, peikuaa kavi kuae, jókuae Jesús peikutu kurusu re vae, añetete ko Tumpa oyapo ma yandeYarä jae Cristo ramo.”

Hechos 20:21

Amombeu reve judío reta jare judiombae vae reta pe oyerova vaerä Tumpa kotɨ jare güɨrovia yandeYa Jesucristo re.

Hechos 20:23

Jaeño aikuaa opaete tëta guasu reta rupi Espíritu Santo omombeu cheve cheräro tembipɨɨrɨru jare jeta tembiporara.

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

Hechos 4:20

Echa ore romombeu ñotai ko roecha jare roendu vae.

Hechos 9:22

Ërei Saulo oñemoäta ngatu, jare omoamɨri judío reta Damasco pegua. Echa oikuaauka chupe reta Jesús ko jae Cristo.

2 Corintios 1:19

Echa Tumpa Taɨ Jesucristo che jare Silvano jare Timoteo romoërakua peve vae, oipoepɨ katu iyemongeta vaeä ko.

2 Corintios 11:9

Jare aiko pépɨri ramboeve mbae oata cheve yave, mbaetɨ kia ave amoambeko mbae re. Echa yanderɨvɨ Macedonia güi yogüeru vae reta güeru cheve mbae oata cheve vae. Jare jökoraita aiko, agüɨye vaerä pomoambeko.

2 Corintios 5:14

Echa Cristo iporoaɨu oremokɨ̈reɨ yae, echa roikuaa kavi Cristo omano opaete re. Jáeramo opaete yande ñamano vi yandereko güi.

Filipenses 1:23

Mókoi reve jaekavi yae cheve: Aipota amano, Cristo ndive aï vaerä, echa jókuae ikavi yaeta ko cheve.

1 Tesalonicenses 3:2

jare romondo yanderɨvɨ Timoteo pépɨri. Jae ko Tumpa pe oyeokuai vae, oremborɨ omoërakua ñee ikavi vae Cristo regua vae. Romondo ko pemomɨ̈rata jare pemboarakuaa vaerä peporogüɨrovia pe;

1 Tesalonicenses 3:6

Ërei Timoteo ou yave jokotɨ güi, omombeu oreve peporogüɨrovia jare peporoaɨu re. Jei vi oreve kërai pemaendúa avei oreré oreraɨu reve vae, jare pekɨ̈reɨ yae orereecha, ore rami.

1 Pedro 5:12

Kuae mbovɨ aikuatía peve pomboarakuaa vaerä, jare arajaukata Silvano ndive peve, jae ko yanderɨvɨ jupi vae; amombeu peve kuae Tumpa ipɨakavi añetete vae ko, pe reta peï pɨpe vae.