Hechos 18:26 - Biblia Guarani Tumpa Iñee

²⁶ Jae omboɨpɨ imiari okɨɨyembae reve judío reta itupao pe. Ërei Priscila jare Aquila oendu yave jei vae, güɨraja imiari jae ndive jaeño pe, jare omboe kavi Tumpa jemimbota re.

Nuevo Testamento Guaraní Pe

²⁶ Jae omboɨpɨ imiari oquɨye mbae reve judío reta itupao pe. Erei Priscila jare Aquila oendu yave jeigüe, güɨraja jo pe, jare omboe cavi quirai yaico vaera Tumpa cotɨ vae re.

Hechos 18:26 ပူးပေါင်းရင်းမြစ်များ

PROVERBIOS 1:5

Yarakuaa katu vae oenduta, jare oñemoïru yé chupe iyarakuaa katu, yarakuaa katu vae omoïru iyarakuaa katu.

PROVERBIOS 25:12

Moäka-vera ani mboɨ oro yepeai vae rami ko, oyemboeta yave, yarakuaa vae iñeereendu katu vae pe.

PROVERBIOS 9:9

Emee arakuaa iyarakuaa vae pe, jare iyarakuaa yae eteta; emboe jupi vae, jare oñemoïruta chupe iyarakuaa.

ISAÍAS 58:1

YandeYa jei cheve: “Esapúkai täta, reipoɨumbae reve, neñeeäta mimbɨguasu iñee rami; emboeta chembae vae reta Jacob iñemuña reta pe, ipɨapochɨ re jare iyoa re.

San Marcos 10:15

Añete che jae peve, mbaetɨ yave pemboresive Tumpa iporookuaía metei michia rami, ngaraa peike Tumpa iporookuaía pe.

San Lucas 19:26

‘Ërei che jae peve, oime güɨnoi vae pe oñemoïruta, jare mbaetɨ güɨnoi vae güi mbovɨ yae güɨnoi vae ave oñepɨ̈rota chugüi.

San Lucas 24:27

Jayave Jesús omboɨpɨ omombeu kavi chupe reta Moisés jembikuatía reta güive jare opaete ñeemombeúa reta oikuatiagüe, kërai opaete jókuae Tumpa Iñee imiari jese vae.

San Juan 7:17

Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae.

Hechos 14:3

Jáeramo Pablo jare Bernabé opɨta joko pe ɨma pegua, jare imiari ïru vae reta pe okɨɨyembae reve, oyeko reve yandeYa re. Jare yandeYa oechauka añete ko iñee mbɨakavi regua mɨakañɨ Pablo jare Bernabé oyapo vae reta rupi.

Hechos 18:18

Ërei Pablo opɨtaño vɨteri jeta ara joko pe. Javoi oyupavo ojo oporogüɨrovia vae reta güi, ojo barco pe Siria kotɨ, Priscila jare Aquila ojo jupíe. Jare tëta guasu Cencrea pe Pablo oñeapiasɨ. Ombopo vaerä Tumpa pe oñererökuavee vae.

Hechos 18:25

Kuae kuimbae oyemboe ma yandeYa jemimbota re. Jäta ngatu, imiari jare oporomboe jaekavi yandeYa re. Ërei jaeño oikuaa Juan iporombobautisa regua.

Hechos 19:8

Jayave Pablo oike judío reta itupao pe, jare imiari okɨɨyembae reve. Jare mboapɨ yasɨ oyoaka jare güɨroviauka Tumpa iporookuaía re.

Hechos 28:23

Jayave jei reta Pablo pe mbae ara pe yogüeruta vae. Jayave jókuae ara jeta vae yogüeru Pablo oïa pe. Jare ndeimbove güive Pablo ikaaru omombeu chupe reta Tumpa iporookuaía regua. Jare Moisés iporookuai rupi jare ñeemombeúa reta oikuatiagüe rupi, güɨroviauka chupe reta Jesús regua.

Hechos 8:31

Jare eunuco jei Felipe pe: —¿Këraita pa aikuaa, mbaetɨ yave kia chemboe jese? Jare omoñera Felipe oyeupi vaerä ikäretou pe oguapɨ jae ndive.

1 Corintios 12:21

Ngaraai yanderesa ipuere jei yandepo pe: “Mbaetɨ aipota chemborɨ.” Jaeramiño vi ñaneäka ngaraa jei yandepɨ reta pe: “Mbaetɨ aipota chemborɨ pe reta.”

1 Corintios 3:18

Agüɨye kia ave toyembotavɨ. Oime yave kia oyemongeta iyarakuaa katu ko arakuaa ɨvɨ pegua pe vae, toyeapo yarakuaambae rami, jökorai iyarakuaa katu yae vaerä.

1 Corintios 8:2

Kia nunga vae ipɨa pe oikuaa yae ko iyeupe vae, oikuaaä vɨteriño ko mbae oikuaata tëi vae.

Hebreos 6:1

Jáeramo, yaeya mo yamboɨpɨ ramo yave yayemboe Cristo regua vae, yaja tenonde kotɨ yaikuaa kavi vaerä; agüɨye yamboɨpɨ pɨau ye tenonde yave yayemboe ma jese vae, jae ko peyepoepɨ pereko reta mano pegua güi vae re jare mborogüɨrovia ye Tumpa re vae,

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!