Hechos 18:23 - Biblia Guarani Tumpa Iñee

²³ Jare mbovɨ ara joko pe oï güire, ojo omboapɨ opaete tëta reta Galacia jare Frigia rupi, omoäta ngatu reve opaete oporogüɨrovia vae reta.

Nuevo Testamento Guaraní Pe

²³ Jare mbovɨ ara joco pe oi güire, ojo opaete tenta Galacia jare Frigia pegua reta pe omoatangatu vaera opaete oporogüɨrovia vae reta.

Hechos 18:23 ပူးပေါင်းရင်းမြစ်များ

ESDRAS 1:6

Jare opaete iyɨ́vɨri yogüɨreko vae reta omborɨ korepoti pe, oro pe, mbaembae pe jare mɨmba reta pe, mbaembae ikavi jare jepɨ vae pe, jare vi opaete mbota ipɨa-kɨ̈reɨ ngatu reve omee chupe reta vae.

DANIEL 11:1

Che amoäta ngatu jare amborɨ vi Miguel, Darío Mediaɨgua tenondegua año oiko mburuvicha guasurä yave.

San Lucas 1:3

Jáeramo jaekavi cheve, che vi aikuatía vaerä ndeve, mburuvicha Teófilo, amombeu vaerä ndeve kërai opaete oyeapo. Echa che aikuaa kavi opaete iyɨpɨ güive oasa vae.

San Lucas 22:32

Ërei che ayerure ma nderé, agüɨye vaerä oata ndeporogüɨrovia. Jare reyerova ye yave, emborɨ nderɨvɨ reta ipɨ̈rata vaerä iporogüɨrovia pe.

San Lucas 22:43

Jayave oyekuaa Jesús pe metei araɨgua omomɨ̈rata vaerä.

Hechos 14:22

Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

Hechos 15:32

Judas jare Silas ñeemombeúa reta ramo, ombopɨakatu jare omomɨ̈rata jeta imiari oporogüɨrovia vae reta pe.

Hechos 15:41

Jare oasa reta ɨvɨ Siria jare Cilicia rupi omoäta ngatu reve oporogüɨrovia vae reta tupao ñavo rupi.

Hechos 16:40

Jayave Pablo jare Silas oë reta güire tembipɨɨrɨru güi yogüɨraja Lidia jëta pe. Jare oecha güire oporogüɨrovia vae reta, omoäta ngatu jare opa yogüɨraja joko güi.

Hechos 16:6

Pablo jare jae ndive ñogüɨnoi vae reta oasa ɨvɨ Frigia jare Galacia rupi yave, Espíritu Santo oyopia reta, agüɨye vaerä omoërakua Tumpa iñee Asia pe.

Hechos 19:1

Apolos Corinto pe oï ramboeve, Pablo ou oväe Efeso pe, opa yave omboapɨ tëta reta ɨvɨtɨ rupi oï vae. Jare joko pe oväe amogüe oporogüɨrovia vae reta.

Hechos 2:10

Frigia, Panfilia jare Egipto pegua, jare África pegua Cirene kutɨ ye yaiko vae, jare Romaɨgua reta kuae pe yaiko vae, Creta jare Arabia pegua. Yande ko jae judío reta jare judiorä yayeapo vae reta. Opaete yaendu ñaneñee pe imiari ñogüɨnoi mbae tuichagüe Tumpa oyapo vae re.

1 Corintios 16:1

Korepoti oyemboatɨ oporogüɨrovia vae peguarä vae peyapo Galacia pegua oporogüɨrovia vae reta ayókuai oyapo vaerä rami.

Gálatas 1:2

jare opaete yanderɨvɨ che ndive ñogüɨnoi vae reta roikuatía kuae tupapire opaete peporogüɨrovia vae reta Galacia pe peï vae pe.

Gálatas 1:9

Kuae roe ma tenonde peve, ërei añave tae ye peve: Oime yave kia oporomboe ambuaeyee, pemboresive ma vae güi, Tumpa toiporarauka chupe.

Gálatas 4:14

Jare mbaetɨ chereröɨro jare chemotareɨ chembaerasɨ tëi reve, ërei chemboresive kavi, metei Tumpa iaraɨgua rami, Cristo Jesús etei rami.

DEUTERONOMIO 3:28

Emboe Josué jare emoäta ngatu, emopɨ̈rata; echa jae ko ojota opaete vae reta jenonde, jare jae omeeta ɨvɨ imbae retarä jókuae reechata vae.’

1 Tesalonicenses 3:2

jare romondo yanderɨvɨ Timoteo pépɨri. Jae ko Tumpa pe oyeokuai vae, oremborɨ omoërakua ñee ikavi vae Cristo regua vae. Romondo ko pemomɨ̈rata jare pemboarakuaa vaerä peporogüɨrovia pe;

1 Tesalonicenses 4:18

Jáeramo, peñomoäta ngatu päve kuae ñee reta pe.

1 Tesalonicenses 5:14

Cherɨvɨ reta, pomoñera vi pemboeta vaerä iyakɨ vae reta pe, jare pemoäta ngatu oyembopɨtu vae jare pemborɨ ipɨ̈ratambae reta, jare pepɨaguasu opaete vae pe.