Hechos 18:18 - Biblia Guarani Tumpa Iñee

¹⁸ Ërei Pablo opɨtaño vɨteri jeta ara joko pe. Javoi oyupavo ojo oporogüɨrovia vae reta güi, ojo barco pe Siria kotɨ, Priscila jare Aquila ojo jupíe. Jare tëta guasu Cencrea pe Pablo oñeapiasɨ. Ombopo vaerä Tumpa pe oñererökuavee vae.

Nuevo Testamento Guaraní Pe

¹⁸ Jare cuae güire Pablo opɨta vɨteri jeta ara joco pe. Jayave ojo oporogüɨrovia vae reta güi, jare oasa ɨ guasu rupi Siria cotɨ Priscila jare Aquila jupíe. Jare tenta Cencrea pe Pablo oñapiuca iñaca. Echa tenonde yave jei Tumpa pe oyapota mbae chupe ndei oñapiuca ye iñaca mbove.

Hechos 18:18 ပူးပေါင်းရင်းမြစ်များ

NÚMEROS 6:18

Jayave jókuae oñererökuavee nasareorä oiko vae, toñapiasɨ ia tupao guakapi pegua jöke pe, jare toipɨɨ iagüe oñono tee vae, jare toñono tata pe, mbota yembopɨakatu pegua ókai oïa pe,

NÚMEROS 6:2

“Ere Israel iñemuña reta pe: Metei kuimbae ani kuña oñererökuavee nasareorä Tumpa peguarä yave,

San Mateo 4:24

Jare opaete ɨvɨ Siria pegua reta pe jërakua Jesús oyapo vae regua. Jare güeru reta chupe oipotagüe mbae jasɨ chupe vae reta, oiporara oipotagüe mbaerasɨ vae, jare aña oya jese vae reta, omano mano vae reta jare jete jëogüe vae. Jare Jesús ombogüera reta.

San Marcos 6:46

Jare opa omondo yave, Jesús oyeupi ɨvɨtɨ re oyerure vaerä Tumpa pe.

Hechos 1:15

Jare jókuae ara reta rupi Pedro imiari oporogüɨrovia vae reta ciento veinte rupi oyemboatɨ ñogüɨnoi vae pe, jei:

Hechos 15:23

Jare jae reta oikuatía omondo jae reta ndive. Kuae tupapire pe jei körai: “Ore temimondo reta, jare opaete oporogüɨrovia vae reta jare itenondegua reta, romondo tamaraeme opaete pe reta judiombae pe oporogüɨrovia Antioquía, Siria jare Cilicia pe peï vae pe.

Hechos 15:41

Jare oasa reta ɨvɨ Siria jare Cilicia rupi omoäta ngatu reve oporogüɨrovia vae reta tupao ñavo rupi.

Hechos 18:2

Jare oväe joko pe metei judío Aquila jee vae. Jae ko Ponto pegua. Kuae judío ou ramo oväe Italia güi jembireko Priscila ndive. Echa mburuvicha guasu Claudio jee vae oyókuai opaete judío reta ñogüɨnoe vaerä Roma güi. Jare Pablo ojo ípɨri.

Hechos 18:26

Jae omboɨpɨ imiari okɨɨyembae reve judío reta itupao pe. Ërei Priscila jare Aquila oendu yave jei vae, güɨraja imiari jae ndive jaeño pe, jare omboe kavi Tumpa jemimbota re.

Hechos 18:27

Jare Apolos ikɨ̈reɨ ojo Acaya pe yave, oporogüɨrovia vae reta omoäta ngatu, jare oikuatía reta metei tupapire joko pegua oporogüɨrovia vae reta pe, omboresive kavi reta vaerä Apolos. Jae ojo oväe yave joko pe, omborɨ kavi jókuae Tumpa ipɨakavi rupi oporogüɨrovia vae reta.

Hechos 21:23

Jáeramo eyapo kuae roeta ndeve vae. Oime kuae pe ñogüɨnoi irundɨ kuimbae tenonde yave oñererökuavee Tumpa pe vae.

Hechos 21:24

Eraja kuae kuimbae reta jare eyetɨo Tumpa jóvai mborookuai jei rami jae reta ndive, jare emboepɨ oñeapiuka reta vaerä. Jayave opaete vae oikuaata añeteteä nerërakua chupe reta vae, oikuaa vaerä nde reyapo ko mborookuai.

Hechos 21:3

Jare Chipre roecha oreasu kotɨ, jare roasa. Jare rojo Siria kotɨ, rojo roväe tëta guasu Tiro pe. Echa joko pe barco oeyata ivoɨta.

Romanos 16:1

Poyókuai yandereindɨ Febe re. Jae ko oyeokuai ïru oporogüɨrovia vae Cencrea pegua reta pe vae.

1 Corintios 9:20

Judío reta pɨri aï yave aiko judío rami, judío reta güɨrovia vaerä Cristo re. Mborookuai jei vae oyapo vae reta ndive aï yave, che aiko vi metei mborookuai jei vae oyapo rami (yepe tëi mbaetɨ oiko mborookuai jei vae re), güɨrovia reta vaerä Cristo re.

Gálatas 1:21

Kuae jaɨkue rupi aja ɨvɨ Siria jare Cilicia pe;