Hechos 18:12 - Biblia Guarani Tumpa Iñee

¹² Ërei Galión jee vae oiko mburuvicharä ɨvɨ Acaya pe yave, judío reta oñemopüa metei rami Pablo kotɨ, jare güɨraja morojäa renda pe,

Nuevo Testamento Guaraní Pe

¹² Erei Galión jee vae oico mburuvicha ɨvɨ Acaya pegua yave, judío reta oyovaicho metei rami Pablo ndive, jare güɨraja mburuvicha oporojaaa pe

Hechos 18:12 ပူးပေါင်းရင်းမြစ်များ

San Mateo 27:19

Jare Pilato oguapɨ yave oï morojäa pe, jembireko ombou jei chupe: “Agüɨye eyapo mbae jókuae kuimbae jupi vae pe. Echa apaɨu kaviä yae jae jeko pegua.”

San Juan 19:13

Pilato kuae oendu yave, güɨnoe Jesús jare oguapɨ mburuvicha jenda pe; Enlosado jee vae pe (kuae ko jee Gabata hebreo iñee pe).

Hechos 13:12

Jayave mburuvicha jókuae oasa vae oecha yave, güɨrovia Tumpa iñee. Echa ipɨakañɨ yandeYa regua mboromboe re.

Hechos 13:50

Ërei judío reta omboemboe kuña jupi jare imboetea vae reta jare tëta guasu pegua tenondegua reta, oñemopüa Pablo jare Bernabé re, jare omombo reta iɨvɨ güi.

Hechos 13:7

Kuae kuimbae oï mburuvicha Sergio Paulo jee vae ndive. Kuae mburuvicha iyarakuaa katu ko. Jae oenɨi Bernabé jare Saulo, ikɨ̈reɨ oyeapɨsaka Tumpa iñee re.

Hechos 13:8

Ërei ichoropa vae Elimas omboavai tëi, agüɨye vaerä mburuvicha oporogüɨrovia.

Hechos 14:19

Jókuae ara rupi amogüe judío reta yogüeru Antioquía jare Iconio güi. Jae reta omboemboe tëta guasu pegua reta oyapi vaerä Pablo ita pe. Jare oyapi ma yave, ombotɨrɨrɨ güɨraja tëta guasu güi ikatu kotɨ, echa omanoecha chupe reta.

Hechos 14:2

Ërei judío oporogüɨroviambae vae reta omboemboe judiombae vae reta oporogüɨrovia vae reta kotɨ.

Hechos 17:13

Ërei judío Tesalónica pegua reta oikuaa Pablo omoërakua vi Berea pegua reta pe Tumpa iñee yave, yogüɨraja joko pe oyapouka tekorai joko pegua reta pe.

Hechos 17:5

Ërei judío oporogüɨroviambae reta iyakatúä Pablo jare Silas re ramo, omboatɨ jeta kuimbae jembiapombae jare jeko pochɨ vae reta, oyapo tekorai tëta guasu pe. Javoi oporepeña reta Jasón jo re oeka tëi Pablo jare Silas, güɨraja vaerä tëta guasu pegua reta jóvai.

Hechos 18:11

Jare Pablo opɨta oporomboe Tumpa iñee re joko pe, metei año jare ova yasɨ.

Hechos 18:27

Jare Apolos ikɨ̈reɨ ojo Acaya pe yave, oporogüɨrovia vae reta omoäta ngatu, jare oikuatía reta metei tupapire joko pegua oporogüɨrovia vae reta pe, omboresive kavi reta vaerä Apolos. Jae ojo oväe yave joko pe, omborɨ kavi jókuae Tumpa ipɨakavi rupi oporogüɨrovia vae reta.

Hechos 19:21

Kuae mbaembae oasa güire Pablo oñeñono ojo vaerä Jerusalén kotɨ opa omboapɨ yave Macedonia jare Acaya. Jare jei vi: “Joko güi ajata vi ko Roma pe.”

Hechos 25:10

Ërei Pablo jei chupe: —Cesar ko neñono reporojäa vaerä, ikavi ko nde chejäa kuae pe. Ayapoä etei mbae ikavimbae judío reta kotɨ. Nde etei reikuaa rami.

Romanos 15:26

Echa Macedonia jare Acaya pegua reta jei ikavi ko omboatɨ jare omondo vaerä korepoti, Jerusalén pegua oporogüɨrovia vae iparavete vae reta pe.

Romanos 16:5

Pemee vi tamaraeme oporogüɨrovia vae reta oyemboatɨ Priscila jare Aquila jo pe vae. Pemee vi tamaraeme cherɨvɨ Epeneto pe. Jae ko jae räri güɨrovia Cristo re Acaya pe vae.

1 Corintios 16:15

Cherɨvɨ reta, peikuaa ko Estéfanas jo pegua reta räri güɨrovia Cristo re Acaya pe, jare kërai jae reta oñeñono oyeokuai vaerä ïru oporogüɨrovia vae reta pe.

2 Corintios 1:1

Che Pablo, Jesucristo jemimondo Tumpa jemimbota rupi. Yanderɨvɨ Timoteo ndive romondo kuae tupapire opaete peporogüɨrovia vae Corinto pe peï vae reta pe, jare opaete oporogüɨrovia vae Acaya rupi ñogüɨnoi vae reta pe.

2 Corintios 11:10

Echa Cristo regua aikuaa añete vae jekuae chemiarita opaete Acaya rupi. Mbaetɨta kia ipuere chemokïrii.

2 Corintios 11:26

Jeta yae aguata opaete kerupi; mbovɨ ye ɨ chereraja seri. Imonda vae reta chepïaro. Cherëtaɨgua reta chepïaro jare vi judiombae vae reta. Amano seri tëta guasu reta pe, ñuu rupi, ɨguasu rupi jare oporogüɨrovia raanga vae reta.

2 Corintios 9:2

echa kuae re chemiari pomboete reve Macedonia pegua reta pe. Jae chupe reta kërai año oasagüe güire ma pekɨ̈reɨ peporomborɨ, pe Acaya pe peiko vae reta. Jare ïru vae reta oikuaa pekɨ̈reɨ peporomborɨ vae yave, jae reta vi ikɨ̈reɨ.

1 Tesalonicenses 2:14

Echa pe cherɨvɨ reta, peiko ma oporogüɨrovia vae reta Judea pegua reta rami, echa peiporara ma perëtaɨgua reta güi, jae reta oiporara jëtaɨgua reta güi rami,

1 Tesalonicenses 2:16

oremboavai oremiari vaerä judiombae vae reta pe, jae reta vi oyemboasauka vaerä. Jökorai jeieteño iyoa reta, jáeramo Tumpa iyarasɨ tuichagüe ou jese reta.

Santiago 2:6

Ërei pe reta peñeeasɨ katu paravete vae reta kotɨ. ¿Mbaetɨ pa peikuaa oikokatu vae reta ko pererekoasɨ katu vae jare pereraja mburuvicha reta jóvai vae?