Hechos 18:10 - Biblia Guarani Tumpa Iñee

¹⁰ Echa che aï nde ndive, jare ngaraa kia ipuere oyapo ikavimbae vae ndeve. Echa oime jeta chembae vae reta kuae tëta guasu pe.”

Nuevo Testamento Guaraní Pe

¹⁰ Echa che ai nde ndive, jare ngaraa quia ipuere nderé, oyapo vaera icavi mbae vae ndeve. Echa oime jeta cheré güɨrovia vae reta cuae tenta pe —jei.

Hechos 18:10 ပူးပေါင်းရင်းမြစ်များ

ÉXODO 4:12

Añave ekua jare che ameeta neñeerä jare romboeta kërai nemiari vaerä.

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

ISAÍAS 43:2

Ɨ reta reasa yave, che aïta nde ndive, ɨ̈aka reta reasa yave, ngaraa ɨ ndereraja; tata reasa yave, ngaraa rékai, ngaraa ave nderendɨ.

ISAÍAS 54:17

Ngaraa ipuere ndemboai metei ave tembiporu ñeraro pegua oyeapogüe. Remoamɨrita oipotagüe oñemopüa tëi ñeapo rupi ndekotɨ vae. Jökoraita ko opaete cherembiokuai reta, köraita ko oporomoamɨri reta.” Jei yandeYa.

ISAÍAS 8:10

Peyapo yemongeta, ërei opata oikomegua; peyemongeta oipotagüe mbae, ërei ngaraa oyeapo, echa Tumpa oime oï ore ndive.

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Mateo 10:30

Echa pea reta ave ko Tumpa oikuaa, mbovɨ ko penoi peäka re vae.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

San Lucas 21:18

Ërei ngaraa metei ave pea okañɨtei.

San Juan 10:16

Oime vi anoi ïru vecha reta kuae peguambae vae reta. Ërei jae reta aruta vi jare oendu retata vi cheñee. Jayave oimeta metei atɨño jare meteiño vecha reta iyangarekoa.

San Juan 11:52

Ërei mbaetɨta omano judío reta reño. Omanota omboatɨ vaerä opaete Tumpa taɨ oñemoai ñogüɨnoi vae.

Hechos 15:14

Simón omombeu ma yandeve kërai Tumpa jaeramo etei ou judiombae vae reta pɨri, oiparavo vaerä chugüi reta amogüe tëta jae imbaerä.

Hechos 15:18

Che peYa aikuaauka kuae arakae güive vae, jae körai.”

Hechos 18:11

Jare Pablo opɨta oporomboe Tumpa iñee re joko pe, metei año jare ova yasɨ.

Hechos 18:9

Jare yandeYa jei Pablo pe pɨ̈tu yave ike pe: “Agüɨye ekɨɨye. Nemiari jare agüɨye nekïrii.

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

2 Corintios 12:9

ërei yandeYa jei cheve körai: “Chepɨakavi oï nde ndive vae jaekavi ma ko. Echa chembaepuere oyekuaa ko ipɨ̈ratambae re.” Jáeramo, ayerovia reve ayembotuichata chepɨ̈ratambae re, Cristo imbaepuere oyekuaa vaerä cheré.

2 Timoteo 4:17

Ërei yandeYa oï che ndive jae chemomɨ̈rata, che amoërakua vaerä ñee ikavi vae, opaete judiombae vae reta oendu vaerä, jökorai aasayepe vaerä yaguapope iyuru güi.

2 Timoteo 4:22

YandeYa Jesucristo toï nde ndive. Tumpa ipɨakavi toï pe ndive. ¡Amén!

JOSUÉ 1:5

Ngaraa etei kia ipuere nemoamɨri reikove reiko ramboeve; Moisés ndive aiko rami aikota nde ndive; ngaraa roeya, ngaraa roeya ndeangarekoambae.

JOSUÉ 1:9

Mase, royókuai reñemomïrata vaerä jare reñemoäta ngatu vaerä; agüɨye ekɨɨye jare agüɨye eyembopɨtu, echa che ndeYa Tumpa aïta nde ndive oipota rupi reoa rupi.”

JUECES 2:18

YandeYa omopüa yave mburuvicha, jae oï jókuae mburuvicha ndive, jare jae oepɨ Israel iñemuña reta jovaicho reta güi opaete ara oikove oiko ramboeve jókuae mburuvicha. YandeYa oiparareko omae jese reta, echa omoäse jovaicho reta oiporarauka chupe vae jare ombopɨatɨtɨ vae.