Hechos 17:4 - Biblia Guarani Tumpa Iñee

⁴ Jayave amogüe güɨrovia, jare oñemoïru Pablo jare Silas ndive. Güɨrovia vi jeta griego Tumpa omboete vae reta, jare jeta kuña imboetea yae vae reta vi.

Nuevo Testamento Guaraní Pe

⁴ Jayave amogüe güɨrovia Pablo jei vae, jare jae reta, jare jeta griego omboete Tumpa vae reta, jare jeta cuña tenta pegua reta itenondegua reta oñemoiru Pablo jare Silas ndive.

Hechos 17:4 ပူးပေါင်းရင်းမြစ်များ

PROVERBIOS 13:20

Yarakuaa vae reta ndive oñemoïru vae, yarakuaata; ërei yarakuaambae reta ndive oñemoïru vae, oiporarata.

PROVERBIOS 9:6

Peeya mo ïkotɨa pearakuaambae, jare peikoveta; peiko mo arakuaa katu rupi.”

CANTARES 6:1

Nepöra yae ïru kuñatai reta ipɨte pe vae. ¿Ketɨ pa ojo reaɨu vae? ¿Ketɨ pa opia ojo? ¡Toroeka nde ndive!

ZACARÍAS 2:11

Oñemoïruta jeta tëtaguasu reta yandeYa re jókuae ara, jare jeita: “Toyogüɨreko chembaerä, che aikota jae reta ipɨte pe.” Jökorai peikuaata yandeYa imbaepuere yae ete vae ko chembou.

San Juan 7:35

Jayave judío reta jei oyoupe: —¿Ketɨ ra ojota kuae kuimbae mbaetɨ vaerä ñaväe chupe? ¿Ojota ra judío reta tëta ambuae rupi ñogüɨnoia pe? ¿Ojota ra omboe judiombae vae reta?

Hechos 13:43

Jare tupao pe yatɨ vae reta opa yogüɨraja yave, jeta judío reta jare judiorä oyeapo vae omboete Tumpa vae reta yogüɨraja Pablo jare Bernabé ndive. Kuae mókoi reve imiari chupe reta, jare omoäta ngatu jekuaeño oyeko reta vaerä Tumpa ipɨakavi re.

Hechos 13:50

Ërei judío reta omboemboe kuña jupi jare imboetea vae reta jare tëta guasu pegua tenondegua reta, oñemopüa Pablo jare Bernabé re, jare omombo reta iɨvɨ güi.

Hechos 14:1

Jare Iconio pe Pablo jare Bernabé oike päve judío reta itupao pe, jare imiari reta joko pe ñogüɨnoi vae reta pe. Jare jeta judío reta jare judiombae vae reta oporogüɨrovia.

Hechos 14:4

Ërei tëta guasu pegua reta oyemboyao oyougüi. Amogüe oñemoïru judío reta ndive, jare amogüe oñemoïru temimondo reta ndive.

Hechos 15:22

Jayave temimondo reta jare opaete oporogüɨrovia vae reta jare itenondegua reta ndive jei ikavi ko oyeparavo vaerä amogüe kuimbae reta jae reta ipɨte güi, omondo vaerä Antioquía pe Pablo jare Bernabé ndive. Jayave oiparavo reta Judas oyeero Barsabás pe vae jare Silas. Jae reta ko oporogüɨrovia vae reta itenondegua reta.

Hechos 15:27

Jáeramo romondo pépɨri Judas jare Silas. Jae reta etei omombeuta vi peve kuae.

Hechos 15:32

Judas jare Silas ñeemombeúa reta ramo, ombopɨakatu jare omomɨ̈rata jeta imiari oporogüɨrovia vae reta pe.

Hechos 15:40

Ërei Pablo oiparavo Silas, jare oporogüɨrovia vae reta oyerure güire yandeYa ipɨakavi re chupe, ojo joko güi.

Hechos 16:3

Pablo ikɨ̈reɨ güɨraja jupíe Timoteo. Jáeramo ombocircuncidauka, jokoropi judío ñogüɨnoi vae reta jeko pegua. Echa opaete vae oikuaa jae tu griego ko.

Hechos 17:10

Jare jupiveiño oporogüɨrovia vae reta omondo pɨ̈tu yave Pablo jare Silas tëta guasu Berea kotɨ. Jae reta yogüɨraja oväe joko pe yave, yogüɨraja oike reta judío reta itupao pe.

Hechos 17:12

Jare jeta joko pegua reta güɨrovia. Güɨrovia vi jeta griego imboetea vae kuña reta jare kuimbae reta.

Hechos 17:14

Ërei jupivei oporogüɨrovia vae reta omondouka Pablo ɨguasu kotɨ. Ërei Silas jare Timoteo opɨtaño joko pe.

Hechos 17:17

Jayave oyoaka judío reta itupao pe judío reta jare ïru omboete Tumpa vae reta ndive. Oyoaka vi ara ñavo oka guasu pe yatɨ vae reta ndive.

Hechos 17:34

Ërei amogüe vae güɨrovia Tumpa iñee, jare oñemoïru Pablo ndive. Kuae reta ipɨte pe ñogüɨnoi metei Areópago pegua Dionisio jee vae, metei kuña Dámaris jee vae, jare ïru vae reta.

Hechos 18:4

Ara mbutuu ñavo Pablo oyoaka judío reta itupao pe. Kuae oyapo, judío reta jare judiombae vae reta güɨroviauka vaerä.

Hechos 19:10

Jökorai oyapo mókoi año rupi, jökorai opaete judío jare griego reta Asia pegua oendu ñee yandeYa Jesús regua.

Hechos 2:44

Jare opaete oporogüɨrovia vae reta oyemboatɨ, jare opaete imbaembae reta metei ramiño güɨnoi reta.

Hechos 21:28

jare osapúkai reve jei: “Kuimbae Israel pegua reta, oremborɨ. Kuae kuimbae oporomboe opaete kerupi, oyovaicho vaerä yande kotɨ, mborookuai kotɨ jare kuae tupao kotɨ. Jare güeru vi griego reta güɨroike tupao pe, jökorai omongɨauka kuae o oñeñono tee vae.”

Hechos 28:24

Jare amogüe güɨrovia Pablo jei vae. Ërei ïru vae reta mbaetɨ güɨrovia.

Hechos 4:23

Pedro jare Juan oyeyora güire, yogüɨraja iñeïru reta pɨri, jare omombeu chupe reta opaete sacerdote reta itenondegua reta jare Israel iñemuña itenondegua reta jei chupe reta vae.

2 Corintios 8:5

Jare oyapo reta jeta yeyé ore roäro vae güi. Echa tenonde oñemee reta yandeYa pe, javoi joko güi oreve vi, Tumpa jemimbota rupi.